Самединов Рустем Селяметовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Acафетида сақичининг (Gummi ferulae assa-foetidae) фармакологик хусусиятларини ўрганиш», 14.00.17 - Фармакология ва клиник фармакология (фармацевтика фанлари).
Диссертация мавзуси рўйхатга олинган рақам: В2020.2.PhD/Far58.
Илмий раҳбар: Набиев Абдивали Набиевич, тиббиёт фанлари номзоди, катта илмий ходим.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Аллаева Мунира Журакуловна, биология фанлари доктори, профессор; Шахмурова Гульнара Абдуллаевна, биология фанлари доктори, профессор.
Етакчи ташкилот: Тошент педиатрия тиббиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Fеrula assa-fоetida сақичи асосидаги  «Асфервон» субстанциясининг фармакологик хусусиятлари ҳамда хавфсизлигини аниқлашдан иборат.
III. Тадқиқотнинг илмий янгилиги:
«Асфервон»нинг эркак каламушларда периферик гонадотроп таъсири аниқланган;
«Асфервон» субстанциясининг каламушлар сперматозиодларини миқдорий ва сифат жиҳатдан яхшилаш хусусияти исботланган;       
«Асфервон» субстанциясининг каламушлар қонидаги тестостерон миқдорини пасайтириш хусусияти аниқланган;       
«Асфервон» субстанциясининг простатопротектив фаоллиги аниқланган ва «Простамол Уно» (R.P.Scherer, GmbH & Co.KG, Германия) хорижий препарати билан таққослаганда ушбу самарадорлик бўйича кам эмаслиги исботланган;
Fеrula assa-fоetida ўсимлигининг сақичи асосидаги «Асфервон» субстанциясининг тажриба оқ каламушларда иммунитетни рағбатлантириш хусусияти, яъни қон зардобидаги иммуноглобулин (lgG) миқдорини ошириши аниқланган.
IV. Тадқиқот натижаларининг жорий қилиниши:
Acафетида сақичининг (Gummi Ferulae assa-foetidae) фармакологик хусусиятларини ўрганиш бўйича олинган илмий натижалар асосида: 
«Специфическая активность препарата Асфервон» (13.12.2021 й., №8 н-p/1290) услубий тaвсиянoмa Ўзбекистон Республикаси Соғлиқни сақлаш вазирлиги томонидан тaсдиқлaнгaн (Соғлиқни сақлаш вазирлигининг 2022 йил 10 ноябрдаги 08-35529-сон маълумотномаси). Натижада, ушбу илмий-услубий тавсиялар илмий-тадқиқот институтларининг фармакология лабораториялари, шунингдек тиббиёт, фармацевтика ва биология университетлари учун экспериментал материал бўлиб хизмат қилади;
ўтказилган клиник олди синовлар натижасида Асфервон субстанциясининг гонадотроп, сперматоген, простата ҳимояловчи, яллиғланишга қарши ҳамда иммун тизимини стимулловчи специфик фаолликлари ва безарарлиги исботланган (Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада, маҳаллий хом ашё асосида янги доривор субстанцияни ишлаб чиқариш имконини берган.