Сафаров Элёрбек Хасановичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Кунгабоқар донларини қуритиш учун комбинациялашган энергия тежамкор аппарат  ишлаб чиқиш», 02.00.16 – Кимё технологияси ва озиқ-овқат саноати жараёнлари ва аппаратлари (техника фанлари).
Диссертация мавзуси рўйхатга олинган рақам: B2022.3.PhD/T1582.
Илмий раҳбар: Мухитдинов Джалолитдин Пахритдинович, техника фанлари доктори, профессор. 
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети ҳузуридаги DSc.03/30.12.2019.Т.03.02 рақамли илмий кенгаш асосидаги бир марталик илмий кенгаш.
Расмий оппонентлар: Нурмуҳаммедов Ҳабибулло Саъдуллаевич, техника фанлари доктори, профессор; Ташбаев Назим Тулаевич, техника фанлари номзоди, доцент.
Етакчи ташкилот: Бухоро муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кунгабоқар донларини қуритиш аппарати конструкцияси ва технологик жараённи такомиллаштириш орқали қуритиш жараёнининг самарадорлигини ошириш ва энергия истеъмолини камайтириш, барабан типидаги дон қуритгич параметрларини асослашдан иборат.
III. Тадқиқотнинг илмий янгилиги:
кунгабоқар уруғларини қуритиш учун қуёш иссиқлик энергиясидан қўшимча фойдаланиш ҳисобига қуритиш самарадорлигини ошириш ва электр энергия истеъмолини камайтириш имконини берадиган барабан типидаги комбинациялашган аппарат конструкцияси ишлаб чиқилган; 
    тажрибани режалаштириш усули асосида ишлаб чиқилган қуриткичда кунгабоқар уруғларини қуритиш жараёни учун аниқ тажриба қийматларини олиш имконини берадиган тажрибавий тадқиқотлар ўтказиш услуби ишлаб чиқилган;  
ишлаб чиқилган қуриткичда кунгабоқар уруғларини қуритиш жараёнида тажрибани иккинчи тартибли ротатабелли режалаштириш усули асосида намсизлантиришни башорат қилиш имконини берадиган эмпирик математик моделлар ишлаб чиқилган;    
кунгабоқар уруғларини қуритишда тажрибани чизиқли регрессион таҳлил қилиш асосида коллектордаги ҳавонинг қўшимча қизишини қуриткичнинг энергия тежамкорлигига таъсирини кўрсатувчи математик модел ишлаб чиқилган.  
IV. Тадқиқот натижаларининг жорий қилиниши:
Кунгабоқар донларини қуритиш учун комбинациялашган энергия тежамкор аппарат  ишлаб чиқиш бўйича олинган илмий ва амалий натижалар асосида:
кунгабоқар донларини қуритиш учун комбинациялашган барабанли қуритиш аппарати учун Ўзбекистон Республикаси Интеллектуал мулк агентлигидан ихтирога патент олинган (IAP 06976, 2022 й.). Натижада, ишлаб чиқилган аппарат йиғиштириб олинган кунгабоқар донларини тез ва сифатли қуритиш имконини берган;   
ишлаб чиқилган кунгабоқар уруғларини қуритиш аппарати Андижон вилояти Балиқчи тумани “Пахтакор олтин тупроғи”, “Тўлқинов Мирзиё Боғлари”  ва “Холмирза Болтабоев Ишончи” фермер хўжаликларида амалиётга жорий этилган (Қишлоқ хўжалиги вазирлигининг 2022 йил 16 декабрдаги 07/31-9452-сон маълумотномаси). Натижада, қуёш иссиқлик энергиясидан қўшимча фойдаланиш ҳисобига электр энергия истеъмолини 691 Вт∙соатгача иқтисод қилиш, қуритиш жараёни 1,3 баробарга тезлашиб, қуритиш вақти 15% га қисқариш имконини берган.