Рустамов Мақсуд Сувонқуловичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кичик бизнес субъектларини кредитлаш методологиясини такомиллаштириш», 08.00.07 – “Молия, пул муомаласи ва кредит”. 
Диссертация мавзуси рўйхатга олинган рақам: В2021.2.DSc/Iqt310.
Илмий маслаҳатчи: - 
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тошкент молия институти, DSc.03/30.12.2019.I.17.01.
Расмий оппонентлар: Жумаев Нодир Хосиятович, иқтисодиёт фанлари доктори, профессор; Олимжонов Одил Олимович, иқтисодиёт фанлари доктори, профессор; Саттаров Одилжон Бердимуратович, иқтисодиёт фанлари доктори, доцент.
Етакчи ташкилот: Тошкент давлат иқтисодиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади маҳаллий бюджетлар даромадларини тартибга солишни такомиллаштиришга қаратилган кичик бизнес субъектларини кредитлаш методологиясини такомиллаштиришга қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
кичик бизнес субъектларини кредитлашда иштирок этган ташкилотлар ўртасида рискни тенг тақсимлаш таклиф этилган; 
банк томонидан кичик бизнес субъектларига кредит ажратишда марказлашган андеррайтинг хизматини жорий этиш таклифи асосланган;
банк томонидан кичик бизнес субъектларига кредит ажратишда олаётган кредитга нисбатан гаров таъминоти 200 фоиздан ортганда банк томонидан мижозга қўшимча қулайликлар яратиш мақсадида фоиз тўловини камайтириш ёки имтиёзли даврини узайтириш зарурлиги асосланган;
кичик бизнес субъектларини портфел кредит линияси усули орқали кредитлашда бир неча хил кредит турларидан фойдаланиш имкониятини яратиш тўғрисидаги таклиф этилган;
махсус фондлар кафолати остида кичик бизнес субъектларига кредитлар ажратишда захира миқдорини камайтириш орқали янги активларни кредитлашга йўналтириш таклиф этилган. 
IV. Тадқиқот натижаларининг жорий қилиниши. Кичик бизнес субъектларини кредитлаш методологиясини такомиллаштириш бўйича ишлаб чиқилган илмий таклифлар ва амалий тавсиялар асосида:
кичик бизнес субъектларини кредитлашда иштирок этган ташкилотлар ўртасида рискни тенг тақсимлаш таклифи «Микрокредитбанк» АТБнинг 2021 йил учун «Кредит сиёсати»ни ишлаб чиқишда фойдаланилган («Микрокредитбанк» АТБнинг 2022 йил 28 сентябрдаги 10-16/15077-сон маълумотномаси). Натижада, банк томонидан кичик бизнес субъектларига берилган кредитлар ўз вақтида қайтарилишига эришилган ва муддати ўтган кредитлар салмоғи камайишига хизмат қилган;
банк томонидан кичик бизнес субъектларига кредит ажратишда марказлашган андеррайтинг хизматини жорий этиш таклифи «Микрокредитбанк» АТБнинг 2021 йил учун «Кредит сиёсати»ни ишлаб чиқишда фойдаланилган («Микрокредитбанк» АТБнинг 2022 йил 28 сентябрдаги 10-16/15077-сон маълумотномаси). Натижада, кичик бизнес субъектларини кредитлаш жараёнида кредит ажратиш босқичлари 6 тадан 3 тага, муддати лойиҳа қиймати ва мақсадидан келиб чиқиб, 10 кундан 1 кунгача қисқартириш имконияти яратилган;
банк томонидан кичик бизнес субъектларига кредит ажратишда олаётган кредитга нисбатан гаров таъминоти 200 фоиздан ортганда банк томонидан мижозга қўшимча қулайликлар яратиш мақсадида фоиз тўловини камайтириш ёки имтиёзли даврини узайтириш таклифи «Микрокредитбанк» АТБнинг 2020 йил учун «Кредит сиёсати»ни ишлаб чиқишда фойдаланилган («Микрокредитбанк» АТБнинг 2022 йил 28 сентябрдаги 10-16/15077-сон маълумотномаси). Ушбу таклифнинг амалиётга жорий этилиши банк мижозлари сони ортишига хизмат қилган;
кичик бизнес субъектларини портфел кредит линияси усули орқали кредитлашда бир неча хил кредит турларидан фойдаланиш имкониятини яратиш тўғрисидаги таклифи «Микрокредитбанк» АТБнинг «Кредит сиёсати»ни ишлаб чиқишда фойдаланилган («Микрокредитбанк» АТБнинг 2022 йил 28 сентябрдаги 10-16/15077-сон маълумотномаси). Натижада, кичик бизнесга берилган кредитлар улуши 2019 йилда 707,950 млн. сўмни ташкил этган бўлса, 2020 йилда 754,963 млн. сўмни ташкил этган ёки 6,2 фоизга ошишига олиб келган ва кичик бизнес субъектларини кредит олиш жараёнида ортиқча ҳужжатлаштиришни камайтиришга хизмат қилган;
махсус фондлар кафолати остида кичик бизнес субъектларига кредитлар ажратишда захира миқдорини камайтириш орқали янги активларни кредитлашга йўналтириш таклифи «Микрокредитбанк» АТБнинг «Банк стратегияси» ва «Кредит сиёсати»ни ишлаб чиқишда фойдаланилган («Микрокредитбанк» АТБнинг 2022 йил 28 сентябрдаги 10-16/15077-сон маълумотномаси). Натижада, кичик бизнесни кредитлашда ресурс муаммосини ҳал қилиш имконияти яратилган.