Ражабов Яраш Жабборовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Такомиллашган юмшаткич-туйнукочгич қуроли ишчи қисмларининг параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини  механизациялаш (техника фанлари).
Диссертация мавзуси рўйхатга олинган рақам:  B2022.4.PhD/T945
Диссертация бажарилган муассаса номи: “ТИҚХММИ” Миллий тадқиқот университети Бухоро табиий ресурсларни бошқариш институти.
Илмий раҳбар: Жўраев Фазлиддин Ўринович, техника фанлари доктори, профессор.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти,  PhD.03/30.06.2020.T.111.02
Расмий оппонентлар:  Равшанов Ҳамроқул Амирқулович, техника фанлари доктори, доцент; Ғаффоров Ҳасан Равшанович, техника фанлари номзоди, доцент.
Етакчи ташкилот: Тошкент давлат аграр университети Самарқанд филиали.
Диссертация йўналиши: Назарий ва амалий аҳамиятга молик.
II. Тадқиқотнинг мақсади шўрланган ерлар ҳайдов ости қатламида кам энергия сарф қилган ҳолда сифатли қувур ҳосил қилувчи такомиллашган юмшаткич-туйнукочгич қуролини ишлаб чиқиш ва унинг ишчи қисмлари параметрларини асослашдан иборат.
III.Тадқиқотнинг илмий янгилиги:
юмшаткич, пичоқ ва туйнукочгичдан ташкил топган такомиллашган юмшаткич-туйнукочгич қуролининг конструктив схемаси шўрланган ерларнинг ҳайдов қатлами остида кам энергия сарф қилган ҳолда сифатли қувур ҳосил қилинишини ҳисобга олган ҳолда ишлаб чиқилган;
қувур ҳосил қилувчи такомиллашган юмшаткич-туйнукочгич қуроли юмшаткичининг параметрлари минимал энергия сарфлаб тупроқ палахсасини унинг исканаси иш сирти бўйлаб кўтарилиши ва силжиши ҳамда ишлов бериш чуқурлиги критик кесиш чуқурлигидан кичик бўлиши шартидан аниқланган;
қувур ҳосил қилувчи такомиллашган юмшаткич-туйнукочгич қуроли пичоғи ва туйнукочгичининг параметрлари шўрланган ерларнинг ҳайдов қатлами остида сифатли туйнукли дренаж ҳосил қилиниши ва уни бир текис ҳаракатланишини ҳисобга олган ҳолда аниқланган;
қувур ҳосил қилувчи такомиллашган юмшаткич-туйнукочгич қуролининг пичоғи тиғидан осиш қурилмасининг пастки тақиш нуқталаригача бўлган тик масофа унинг туйнукли дренаж ҳосил қилиш чуқурлиги бўйича барқарор ҳаракатланишини таъминланиши ҳисобга олган ҳолда асосланган.
IV. Тадқиқот натижаларининг жорий қилиниши: Такомиллашган юмшаткич-туйнукочгич қуроли ишчи қисмларининг параметрларини асослаш бўйича олинган натижалар асосида:
қувур ҳосил қилувчи такомиллашган юмшаткич-туйнукочгич қуролига Ўзбекистон Республикаси Интеллектуал мулк агентлигининг фойдали моделга патенти олинган (“Туйнукли дренаж ҳосил қилувчи қурилма”, №FAP 01644-2021й.). Натижада шўрланган ерлар ҳайдов остида туйнукли дренаж ҳосил қилувчи такомиллашган юмшаткич-туйнукочгич қуролининг конструкциясини яратиш имконини берган;
кам энергия сарф қилган ҳолда сифатли қувур ҳосил қилувчи такомиллашган юмшаткич-туйнукочгич қуроли Бухоро вилоятининг Бухоро ва Вобкент туманлари фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2021 йил 11 ноябрдаги 02/023-4563-сонли маълумотномаси). Натижада ҳар бир гектар ерга сарфланадиган ёнилғи-мойлаш материалларини 20-25 фоизга ва фойдаланиш харажатларини 17,86 фоизга камайтириш имкони яратилган;
минимал энергия сарфлаб сифатли қувур ҳосил қилувчи такомиллашган юмшаткич-туйнукочгич қуролини ишлаб чиқаришни ўзлаштириш учун лойиҳа-конструкторлик ҳужжатлари ва ҳисоблаш усуллари (техник топшириқ) “BMKB-Agromash” АЖ да ишлаб чиқариш жараёнига жорий этилган (Ўзбекистон Республикаси Қишлоқ хўжалиги вазирлигининг 2021 йил 11 ноябрдаги 02/023-4563-сонли маълумотномаси). Натижада қувур ҳосил қилувчи такомиллашган юмшаткич-туйнукочгич қуролини саноат нусхаларини ишлаб чиқариш имкони яратилган.