Исмаилов Икромжон Иброҳим ўғлининг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри: “Маҳаллий хомашё чиқиндиларидан олинган қоғознинг босма техник хоссалари” 05.02.03 – “Технологик машиналар. Роботлар, мехатроника ва робототехника тизимлари” ихтисослиги.
Диссертация мавзуси рўйхатга олинган рақам: В2020.2.PhD/Т1738
Илмий раҳбар: Бабаханова Халима Абишевна, техника фанлари доктори, профессор.
Диссертация бажарилган муассаса номи: Наманган муҳандислик-технология институти
ИК фаолият кўрсатаётган муассаса номи, ИК рақами: Наманган муҳандислик-технология институти, PhD 03/30.12.2019.T.66.01
Расмий оппонентлар: Сафаров Назиржон Мухаммаджонович, техника фанлари номзоди, доцент; Громыко Ирина Григорьевна, техника фанлари номзоди, доцент.
Етакчи ташкилот: Бухоро муҳандислик- технология институти.
Диссертация йўналиши: амалий аҳамиятга молик.
II. Тадқиқотнинг мақсади: маҳаллий хомашё чиқиндиларидан қоғоз олиш технологиясини такомиллаштириш ва уларни босма-техник хоссаларининг матбаа маҳсулотлари сифатига таъсирини баҳолашдан иборат.
III.Тадқиқотнинг илмий янгилиги:
матбаа соҳасида қўллаш учун оҳактош қазиб олишда чиқинди ҳисобланган кальций карбонатни юқори температурада қиздириш орқали қоғоз олишнинг ресурстежамкор технологияси ишлаб чиқилган;  
кальций карбонатли қоғоз массаси композициясининг ўзгариши унинг  физик-механик, деформацион, сорбцион ва юза хоссаларига таъсир этиши  аналитик усул ёрдамида аниқланган;
нусхаларнинг градацион ва ранг тавсифномалари бўйича кальций карбонатдан тайёрланган қоғоз хоссаларининг босма сифатига таъсир даражаси тўла омилли регрессион математик модел асосида аниқланган;
кальций карбонатдан тайёрланган қоғознинг хоссаларини ҳисобга олган ҳолда босма сифатини прогнозлаш учун қалинлик ва ғадир-будирлик кўрсаткичларини ўзгаришларини инобатга олган ҳолда математик модель ишлаб чиқилган.
IV. Тадқиқот натижаларининг жорий қилиниши. Кальций карбонатдан тайёрланган қоғознинг хоссаларини ҳисобга олган ҳолда босма сифатини прогнозлашга йўналтирилган илмий тадқиқотлар асосида:
Маҳаллий хом ашё чиқиндиларидан яъни кальций карбонатдан қоғоз олишнинг такомиллашган технологияси «Fergana stone paper company» ўзбек-хитой корхонасида ишлаб чиқаришга жорий қилинган (Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг 2022 йил 3 июндаги 06-2223-сон маълумотномаси). Натижада кальций карбонатдан қоғоз олишнинг мазкур усулини жорий қилиш орқали республикада қоғоз ишлаб чиқариш ҳажми 6-8% га оширилади.
Кальций карбонатдан тайёрланган қоғоз «Technopak» Systems корхонасида ишлаб чиқаришга жорий қилинган (Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг 2022 йил 3 июндаги 06-2223-сон маълумотномаси). Натижада кўп бўёқли нусхалар олинган, импорт хомашёдан фойдаланиш 12-15% га камайтирилган.