Акбаров Исломжон Азамжон ўғлининг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ғалтакмолали мола-текислагич ишлаб чиқиш ва параметрларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2021.1.PhD/T2121.
Илмий раҳбар: Тўхтақўзиев Абдусалим, техника фанлари доктори, профессор.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.T.112.01.
Расмий оппонентлар: Норчаев Даврон Рустамович, техника фанлари доктори, катта илмий ходим; Мансуров Мухторжон Тохиржонович, техника фанлари доктори, доцент.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади ғалтакмолали мола-текислагични ишлаб чиқиш ва параметрларини асослаш йўли билан ерларни экишга тайёрлашда иш сифати ва унумини ошириш, ёнилғи ва бошқа харажатлар сарфини камайтиришдан иборат.
III. Тадқиқотнинг илмий янгилиги:
ғалтакмолали мола-текислагичнинг конструктив схемаси дала юзаси олдин текисланиб кейин зичланиши ҳисобга олиниб ишлаб чиқилган;
ғалтакмолали мола-текислагичнинг параметрлари тупроқнинг хоссалари (ҳажмий эзилиш коэффисенти, ташқи ва ички ишқаланиш бурчаклари, зичлиги), унинг уваланиш сифати ва зичлиги белгиланган талабларга мос келиши ҳамда тортишга қаршилик кам бўлиши ҳисобга олиниб аниқланган;
тупроқни талаб даражасида зичлаш учун унга ғалтакмола томонидан бериладиган тик босим кучи тракторнинг осиш механизми ва ғалтакмолали мола-текислагичнинг марказий ва ён секциялари ғалтакмолаларининг қамраш кенгликлари ҳамда унинг осиш қурилмаси ўлчам ва параметрлари ҳисобга олиниб аниқланган;
ғалтакмоланинг диаметри, унга бериладилан тик юкланиш, текислагич ва ғалтакмола орасидаги тик масофа ва ҳаракат тезлиги уларнинг мола-текислагичнинг агротехник ва энергетик кўрсаткичларига таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. Ғалтакмолали мола-текислагичнинг параметрларини асослаш бўйича олинган натижалар асосида:
ғалтакмолали мола-текислагичга Интеллектуал мулк агентлигининг фойдали моделга патенти олинган («Мола-текислагич», FAP 01807 - 2022 й.). Натижада иш сифати ва унуми юқори ҳамда энергия-ресурстежамкор мола-текислагичнинг конструктив схемасини ишлаб чиқиш имкони яратилган;
ғалтакмолали мола-текислагичга дастлабки талаблар ва техник топшириқ ишлаб чиқилган (Қишлоқ хўжалиги вазирлигининг 2022 йил
3-августдаги №07/24-04/5228 сон маълумотномаси). Натижада талаб даражасида зичланган майин тупроқ қатламини ҳосил қилиш имконини берадиган ғалтакмолали мола-текислагич яратилган;
ишлаб чиқилган ғалтакмолали мола-текислагичнинг тажриба нусхаси Тошкент вилояти Янгийўл туманидаги “Раим ота фарзандлари” ва  “Мингбека Азабек”  фермер хўжаликлари ҳамда Қуйичирчиқ туманидаги REAL AGRO COTTON унитар кархонада жорий этилган (Қишлоқ хўжалиги вазирлигининг 2022- йил 3-августдаги №07/24-04/5228 сон маълумотномаси). Натижада ерларни экишга тайёрлашда меҳнат сарфи 10,1 фоизга ва ҳар бир гектар майдонга сарфланадиган эксплуатацион харажатлар 22,1 фоизга камайган;
ғалтакмолали мола-текислагичнинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) «BMKB-Agromash» АЖ да лойиҳалаш жараёнига жорий этилган (Қишлоқ хўжалиги вазирлигининг 2022- йил 3-августдаги №07/24-04/5228 сон маълумотномаси). Натижада асосланган параметрларга эга бўлган ғалтакмолали мола-текислагични ишлаб чиқариш имкони яратилган.