Боиханов Заилобиддин Ўразали ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Асинхрон мотор реактив қувватининг носимметрик катталикларини бошқарилувчан чиқиш кучланишли ток ўзгарткичлари», 05.01.06 – Ҳисоблаш техникаси ва бошқарув тизимларининг элементлари ва қурилмалари (техника фанлари).
Диссертация мавзуси рўйхатга олинган рақам: B2022.2.PhD/T2835
Илмий раҳбар: Сиддиков Илхомжон Хакимович, техника фанлари доктори, профессор.
Диссертация бажарилган муассаса номи: Андижон машинасозлик институти.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/30.12.2019.Т.03.02.
Расмий оппонентлар: Мамаджанов Алишер Мамадажанович, техника фанлари доктори, профессор; Тоиров Олимжон Зувурович, техника фанлари доктори,  профессор.
Етакчи ташкилот: Тошкент ахборот технологиялари университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: асинхрон мотор реактив қувватининг носимметрик  катталикларини бошқарилувчан чиқиш кучланишли ток ўзгарткичларининг тузилиш модели ва алгоритмларини ишлаб чиқиш ва тадқиқ этиш.
III. Тадқиқотнинг илмий янгилиги:
таъмирланган асинхрон моторнинг реактив қувватини уч фазали токининг носимметрик катталикларини бошқарилувчан чиқиш кучланишли ток ўзгарткичини йиғиқ ва тарқоқ параметрли моделлари ҳамда аналитик ифодалари шакллантирилган;
асинхрон мотор реактив қувватининг уч фазали токларини бошқарилувчан иккиламчи кучланишларга ўзгартирувчи сезгир элементларнинг ҳалқаларини кетма-кет ва параллел улашда ҳосил бўлувчи носинусоидаллик кўсаткичларини баҳолашнинг Fast Fure translation иловаси учун аналитик  ифода шакллантирилган;
таъмирланган асинхрон мотор реактив қувватининг бирламчи токларини ўзгартиришда бошқарилувчан чиқиш кучланишларни ҳосил қилувчи сезгир элементларни кетма-кет ҳалқалар кўринишида ажратиб  жойлаштириш асосида чиқиш кучланиши миқдорини икки маротаба оширувчи ўзгарткич тузилмаси  ишлаб чиқилган;
электр энергия реактив қувватининг бирламчи токларини ўзгартирувчи сезгир элементларни параллел ҳалқалар кўринишида ажратиб  жойлаштириш асосида 24 пазли асинхрон моторлар учун чиқиш сигналининг миқдорини икки, 36 пазли асинхрон моторлар учун уч маротаба ошириш усули ишлаб чиқилган.
IV. Тадқиқот натижаларининг жорий қилиниши.
асинхрон мотор реактив қувватини назорат ва бошқаруви учун ишлаб чиқилган бошқарилувчан чиқиш кучланишли ток ўзгарткичи ва дастурий воситалари «Андижон вилояти ҳудудий электр тармоқлари корхонаси» АЖда жорий этилган (Энергетика вазирлигининг 2022-йил 23-май 13-1-2835-сон маълумотномаси). Натижада, электр энергиясини узатишдаги қўшимча актив ва реактив энергия исрофлари 4% гача камайиши имконини берган;
асинхрон мотор реактив қувватининг носимметрик катталикларини бошқарилувчан чиқиш кучланишли ток ўзгарткичларининг йиғиқ ва тарқоқ параметрли модели ҳамда истеъмолчи юкламаси токига боғлиқ ҳолда  бошқарилувчан чиқиш кучланишли ток ўзгарткичининг тадқиқот алгоритми «Андижон биокимё заводи» АЖда жорий этилган (Энергетика вазирлигининг 2022-йил 23-май 13-1-2835-сон маълумотномаси). Натижада, тадқиқот натижаларига мувофиқ  ўлчов сезгир элементи аниқлиги 0,35% ортишига эришилган;
бошқарилувчан чиқиш кучланишли ток ўзгарткичлари тузилмаси  «Андижон ёғ-мой» АЖ да жорий этилган (Энергетика вазирлигининг 2022-йил 23-май 13-1-2835-сон маълумотномаси). Натижада, асинхрон мотор реактив қувватини компенсацияловчи қурилмалари  бошқарув тизими учун бошқарилувчан чиқиш кучланишли ток ўзгарткичини қўллаш  ҳисобига реал вақт мобайнида маълумотлар олишга эришилган.