Муллаева Сахиба Сатимбаевнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): «Конвергент таҳририятларда журналист маҳорати масалалари», 10.00.09 – Журналистика (филология фанлари).
Диссертация мавзуси рўйхатга олинган рақам: B2021.3.PhD/Fil2012.
Илмий раҳбар: Тошпўлатова Назира Қурбоновна, филология фанлари номзоди, профессор.
Диссертация бажарилган муассаса номи: Ўзбекистон журналистика ва оммавий коммуникациялар университети. 
ИК фаолият кўрсатаётган муассаса номи, ИК рақами: Ўзбекистон журналистика ва оммавий коммуникациялар университети, PhD.03/30.12.2019.Fil.14.01.
Расмий оппонентлар: Маматова Ёқутхон, филология фанлари доктори, профессор; Саидов Ҳалим, филология фанлари доктори, доцент. 
Етакчи ташкилот: Ўзбекистон жаҳон тиллари университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон матбуотида конвергент таҳририятлар ва уларда фаолият юритаётган журналист кадрларнинг медиаконвергенция шароитига мослашуви ва онлайн муҳитда медиаконтент яратиш билан боғлиқ маҳоратини ошириш услубларини такомиллаштириш бўйича тавсиялар ишлаб чиқишдан иборат.
Тадқиқотнинг илмий янгилиги: 
Ўзбекистон масс-медиасида конвергент таҳририят фаолияти ва конвергент журналист маҳорати масаласи далилланиб, миллий ахборот бозорида мультимедиалашган, интеграллашган ҳамда кросс-медиавий таҳририятларнинг ўрни ва ўзига хос хусусиятлари асосланган;
босма таҳририятларда медиаконвергенция жараёнида юзага келувчи ахборот узатишнинг янги, интеграциялашган усуллари – инфотейнмент, финишинг, глокаллашув каби тушунчалар аниқланган ҳамда республика таҳририятларига нисбатан ҳудудий нашрларда глокаллашув усулидан нисбатан самарали фойдаланилаётгани исботланган;
мультимедиавий контентда жанрлар трансформацияси секин кечаётгани аниқланган ва босма нашрнинг онлайн шаклга ўтишида контентнинг (тили, услуби, дизайни) қайта ишланмаслиги самарадорлик пасайишида асосий омил экани асосланган;
жаҳон ва миллий журналистика амалиётида конвергент таҳририятлар фаолияти асосида журналистнинг кундалик вазифасидан ташқари муҳаррир-агрегатор, мультимедиа продюссери, тармоқ мутахассиси, газетачи+тв сухандон каби янги ролларни бажараётганлигидан келиб чиқиб конвергент журналист маҳоратини оширишнинг замонавий методикалари таклиф этилган.  
IV. Тадқиқот натижаларининг амалиётга жорий этилиши.  Конвергент таҳририятларда журналист маҳорати масалаларини тадқиқ қилиш юзасидан илмий натижалар асосида:
медиа маконда мавжуд ОАВнинг фаолият давомийлигини таъминлашда янги Ўзбекистон ОАВнинг бир форматдан иккинчисига ўтишида журналист маҳорати масалалари ва бу жараёнда конвергент таҳририятларда медиаконтент яратиш билан боғлиқ таҳлил натижаларидан “Зарафшон” ва “Самаркандский вестник” газеталарида фойдаланилган (“Зарафшон” ва “Самаркандский вестник” газеталари таҳририятининг 2022 йил 15 февралдаги 11-сон маълумотномаси). Натижада www.zarnewz.uz контентида материалларни онлайн форматга мослаштириш жараёни янги услубда амалга оширилган; 
медиаконвергенция жараёнларида юзага келувчи ахборот узатишнинг инфотейнмент, финишинг, глокаллашув каби янги, интеграциялашган усулларининг босма таҳририятлар учун жараёнга мослашишида муҳимлиги борасидаги умумлашма хулосалар “Ишонч” ва “Ишонч-Доверие” газеталари фаолиятига татбиқ этилган (“Ишонч” ва “Ишонч-Доверие” газеталари таҳририятининг 2022 йил 21 октябрдаги 60-сон маълумотномаси). Натижада нашрнинг онлайн формати ходимлари учун алоҳида йўриқнома ишлаб чиқилган;
мультимедиавий контент самарадорлигини оширишда журналист маҳорати, тили ва услуби имкониятлари ҳамда жанрлар трансформациясига оид назарий хулосалар нашрнинг онлайн ва полиграфик формати ривожига ҳамда аудиторияни кенгайтиришга имкон яратган (“Янги Ўзбекистон” вa “Прaвдa Востокa” бирлaшгaн тaҳририятининг 2022 йил 20 октябрдаги 117-сон маълумотномаси). Натижада газета фаолиятида илк маротаба QR-коддан фойдаланиш амалиёти йўлга қўйилган ва бу ҳолат нашрнинг YouTube платформасини ривожлантиришга хизмат қилган;
медиаконтент яратишда конвергент журналист маҳоратини оширишнинг замонавий методикалари бир вақтнинг ўзида ҳам ҳудудий, ҳам хусусий бўлган нашр ходимлари фаолияти самарадорлигини оширишда қўлланган (“Фарғона ҳақиқати” ва “Ферганская правда” газеталари таҳририятининг 2022 йил 24 мартдаги 128-сон маълумотномаси). Натижада журналист вазифаларининг ортиши ҳеч бир мураккабликсиз конвергент контент мазмуни ва сифати самарадорлигини таъминлаши асосланиб, таҳририят ички низомида акс эттирилган.