Ким Вероника Владимировнанинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Ўзбекистоннинг бўз тупроқларида етиштириш учун сабзавот соясининг мақбул экиш муддати ва схемасини танлаш», 06.01.06–Сабзавотчилик (қишлоқ хўжалиги фанлари).

Диссертация мавзуси рўйхатга олинган рақам: B2017.1.PhD/Qx30.

Илмий раҳбар: Мавлянова Равза Фазлетдиновна, қишлоқ хўжалиги фанлари доктори.

Диссертация бажарилган муассаса номи: Сабзавот, полиз экинлари ва картошкачилик илмий-тадқиқот институти.

ИК фаолият кўрсатаётган муассаса номи, ИК рақами: Тошкент давлат аграр университети ва Андижон қишлоқ хўжалик институти, DSc.27.06.2017.Qx.13.01.

Расмий оппонентлар: Дусмуратова Саодат Исмаиловна, қишлоқ хўжалиги фанлари доктори, профессор; Акрамов Умидилла Икрамджанович, қишлоқ хўжалиги фанлари номзоди, доцент.

Етакчи ташкилот: Ўсимликшунослик илмий-тадқиқот институти.

Диссертация йўналиши: амалий аҳамиятга молик.

II. Тадқиқотнинг мақсади: Ўзбекистоннинг Марказий минтақаси бўз тупроқлари шароитида сабзавот соясининг «Универсал» навини етиштириш агротехнологияси, экишдан олдин уруғларга ишлов бериш усуллари ҳамда экишнинг мақбул муддатлари, экиш схемаларини ишлаб чиқишдан иборат.

III. Тадқиқотнинг илмий янгилиги:

илк бор сабзавот соясининг ёппасига униб чиқишини таъминлаш учун уруғларга экишдан олдин ишлов бериш усуллари ишлаб чиқилган;

сабзавот сояси экинининг биологик хусусиятларини ва қимматли хўжалик белгилари, уруғларини баҳор ва ёзда экишнинг мақбул муддатлари аниқланган;

сабзавот соясининг юқори ҳосил ва сифатли маҳсулот етиштиришда баҳорги муддатда экиш схемалари ишлаб чиқилган;

сабзавот соясининг янги истиқболли маҳаллий «Изумруд» нави яратилган.

IV. Тадқиқот натижаларининг жорий қилиниши.

Ўзбекистоннинг бўз тупроқларида сабзавот соясининг етиштиришнинг мақбул экиш муддати ва схемаларини танлаш бўйича олиб борилган тадқиқотлар натижалари асосида:

бўз тупроқлар шароитида сабзавот соясини етиштириш бўйича «Ўзбекистонда сабзавот соясининг етиштириш технологиялари» тавсияномаси ишлаб чиқилган. (Қишлоқ хўжалиги экинларини нав синаш давлат комиссиясининг 2017 йил 8 ноябрдаги 53/4-488-сонли маълумотномаси). Мазкур тавсиянома бўз тупроқлар шароитида сабзавот соясининг етиштиришнинг мақбул экиш муддати ва схемаларини  бўйича қўлланма сифатида хизмат қилмоқда.

сабзавот соясининг юқори ҳосилдор ва дуккакларнинг сифати билан фарқланувчи «Изумруд» нави яратилган (Қишлоқ ва сув хўжалиги вазирлигининг 2017 йил 10 октябрдаги 02/22-537-сон маълумотномаси). Натижада сабзавот соясининг «Универсал» навидан гектаридан ўртача 98-120 центнер ҳосил олишга эришилган;

сабзавот соясининг «Универсал» нави уруғларининг ёппасига унувчанлигига эришиш учун уруғларга ишлов бериш усуллари, экишнинг баҳорги ва ёзги (такрорий) муддатлари ҳамда экинларни жойлаштириш схемалари Тошкент, Фарғона, Наманган ва Андижон вилоятлари сабзавотчилик фермер хўжаликларида жами 60 гектар майдонда жорий этилган (Қишлоқ ва сув хўжалиги вазирлигининг 2017 йил 10 октябрдаги 02/22-537-сон маълумотномаси). Натижада сабзавот соясининг яшил дуккаклари ҳосилдорлиги гектарига 84,5 центнерни ташкил этган.