Ражабов Шухратжон Шералиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): «Шахс эстетик эҳтиёжларининг кибермакондаги трансформацияси», 09.00.02 – Онг, маданият ва амалиёт шакллари фалсафаси (эстетика) (фалсафа фанлари).
Диссертация мавзуси рўйхатга олинган рақам: В2022.3.PhD/Fal196.
Илмий раҳбар: Қодирова Дилбар Салиховна, фалсафа фанлари номзоди, доцент.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.F.01.05.
Расмий оппонентлар: Агзамходжаева Саида Сабитхановна, фалсафа фанлари доктори, профессор; Умаров Маъмуржон Баташикович, фалсафа фанлари номзоди, профессор.
Етакчи ташкилот: Жиззах давлат педагогика университети.
Диссертация йўналиши: назарий-амалий аҳамиятга молик.
II. Тадқиқотнинг мақсади шахс эстетик эҳтиёжларини кибермакон трансформацияси жараёнларида фалсафий жиҳатдан очиб беришдан иборат. 
III. Тадқиқотнинг илмий янгилиги:
кибермаконда шахс эстетик эҳтиёжлари трансформацияси жараёнида рақамли ахборот макони, коорпоратив ахборот макони, оммавий ахборот макони, медиамакон каби элементларнинг категориал тизими инсон эҳтиёжларининг динамикаси жамиятда технооптимизм ва технопессимизм шаклланишига детерминистик жиҳатдан таъсир этиши очиб берилган;
виртуал оламнинг эстетик манзарасини бадиий образларда намоён бўлиши эстетик муносабатлар ўзгаришига мутаносиб равишда амалга ошиши, унинг инсон эстетик онги ва тафаккурига таъсирини ўзаро алоқадорлик хусусиятлари аксеологик жиҳатдан эстетик англаш ва ихтиёр эркинлигига боғлиқлиги асосланган;
кибермаконда ёшларни эстетик дид ва эҳтиёжларига таъсир кўрсатувчи жараёнларини ҳал этишдаги имкониятлари, уни назорат қилишнинг чекланганлиги, инсонларнинг маънавий-руҳий оламига таъсир кўрсатиш орқали манипуляция қилишдаги уринишлардан ҳимоялашда прагматик ва креатив уйғунлигининг эстетик идеални шакллантиришдаги роли асосланган;
Ўзбекистонда кибермакондаги хавфларни бартараф этишга қаратилган ислоҳотлар эстетик эҳтиёжлар трансформацияси натижасида юзага келаётган кибeрмaдaний, мeдиaмaдaний вa мeдиaэстeтик омиллар таъсирининг глобаллашув шароитидаги герменевтик моҳияти очиб берилган.
IV. Тадқиқот натижаларининг жорий қилиниши. Шахс эстетик эҳтиёжларининг кибермакондаги трансформация жараёнини ўрганишга оид олиб борилган тадқиқот натижалари асосида:
кибермаконда шахс эстетик эҳтиёжлари трансформацияси жараёнида рақамли ахборот макони, коорпоратив ахборот макони, оммавий ахборот макони, медиамакон каби элементларнинг категориал тизими инсон эҳтиёжларининг динамикаси жамиятда технооптимизм ва технопессимизм шаклланишига детерминистик жиҳатдан таъсир этиши очиб берилганлигига оид таклиф, тавсия ва хулосалардан Ўзбекистон миллий ахборот агентлигининг 2022-2023 йилларда ахборот-коммуникация технологиялари соҳасини янги босқичга олиб чиқиш чора-тадбирларининг 7- ва 9- бандларини бойитишда фойдаланилган (Ўзбекистон Миллий ахборот агентлигининг 2022 йил 29 сентябрдаги 01-23/764-сон маълумотномаси). Диссертациянинг тадқиқот натижалари, таклиф ва тавсияларидан фойдаланилганлиги агентликнинг ёшларни оммавий ахборот макони, рақамли ахборот макони ва медиамакондан фойдаланишларини мустаҳкамлашнинг илмий асосларини ишлаб чиқиш йўналишидаги фаолияти самарадорлигига ижобий таъсир кўрсатган;
виртуал оламнинг эстетик манзарасини бадиий образларда намоён бўлиши эстетик муносабатлар ўзгаришига мутаносиб равишда амалга ошиши, унинг инсон эстетик онги ва тафаккурига таъсирини ўзаро алоқадорлик хусусиятлари аксеологик жиҳатдан эстетик англаш ва ихтиёр эркинлигига боғлиқлиги асосланганлигига оид таклиф, тавсия ва хулосалардан «Ўзбекистон тарихи» телеканалида эфирга узатилган «Тақдимот» кўрсатуви сценарийларини тайёрлашда фойдаланилган (Ўзбекистон Миллий телерадиокомпанияси «O‘zbekiston teleradiokanali» давлат муассасасининг 2022 йил 9 сентябрдаги 06-31-1471-сон маълумотномаси). Тадқиқот натижаларининг амалиётга жорий этилиши телетомошабинларга кибермакондаги турли виртуал оламларнинг умумий эстетик хусусиятлари бўйича илмий маълумотларни етказишга хизмат қилган;
кибермаконда ёшларни эстетик дид ва эҳтиёжларига таъсир кўрсатувчи жараёнларини ҳал этишдаги имкониятлари, уни назорат қилишнинг чекланганлиги, инсонларнинг маънавий-руҳий оламига таъсир кўрсатиш орқали манипуляция қилишдаги уринишлардан ҳимоялашда прагматик ва креатив уйғунлигининг эстетик идеални шакллантиришдаги роли асосланганлигига оид таклиф, тавсия ва хулосалардан Ёшлар ишлари агентлиги «2022-2023 йилларда Ёшларга оид давлат сиёсатини амалга ошириш дастури» иловаси 2 қисми 22 банди Ёшларнинг замонавий техника ва технологияларга бўлган қизиқишларини қўллаб-қувватлаш, уларда инновацион тафаккур ва яратувчанлик қобилиятини ривожлантириш мақсадида «Илм инновация ва тараққиёт» республика кўрик-танловини ишлаб чиқиш фаолиятида фойдаланилган (Ўзбекистон Ёшлар ишлари агентлигининг 2022 йил 9 сентябрдаги 4-13-23-2905-сон маълумотномаси). Натижалар ёшлар эстетик эҳтиёжларининг кибермакондаги трансформацияси салбий оқибатларининг олдини олишга ижобий таъсир кўрсатган;
Ўзбекистонда кибермакондаги хавфларни бартараф этишга қаратилган ислоҳотлар эстетик эҳтиёжлар трансформацияси натижасида юзага келаётган кибeрмaдaний, мeдиaмaдaний вa мeдиaэстeтик омиллар таъсирининг глобаллашув шароитидаги герменевтик моҳияти очиб берилганлигига оид таклиф, тавсия ва хулосалардан Ўзбекистон Республикаси Маданият вазирлиги фаолиятида, жумладан, 2021-2022 йилларда Республика миқёсида ўтказилган «Маданият карвони» концерт-томоша тадбирлари ҳамда 2022-2023 йилларда Ўзбекистон Республикасида миллий маданиятни янада ривожлантириш концепциясини амалга ошириш бўйича «Йўл харитаси»ни ишлаб чиқишда фойдаланилган (Ўзбекистон Республикаси Маданият вазирлигининг 2022 йил 9 сентябрдаги 02-12-08-3663-сон маълумотномаси). Диссертациянинг тадқиқот натижалари янги кибермаданият ва медиамаданият йўналишидаги фаолиятни ўрганишга ҳисса қўшган.