Сирожов Отажон Орифжоновичнинг
фалсафа доктори (PhD) ҳимояси ҳақида эълон

I.Умумий маълумотлар. 
Диссертация мавзуси, ихтиссослик шифри (илмий даража бериладиган фан тармоғи): “Бўлажак жисмоний тарбия ўқитувчиларининг валеологик компетентлилигини ривожлантириш технологиялари)”, 13.00.01 – Педагогика назарияси. Педагогик таълимотлар тарихи (педагогика фанлари). 
Диссертация мавзуси рўйхатга олинган рақам: B2017.3-4.PhD/Ped355.
Илмий тадқиқот иши бажарилган муассаса номи: Навоий давлат педагогика институти. 
Илмий раҳбар: Абдуллаева Шахзода Абдуллаевна, педагогика фанлари номзоди, профессор.
ИК фаолият кўрсатаётган муассаса (муассасалар) номи, ИК рақами: Чирчиқ давлат педагогика университети, DSc.03/30.04.2021.Ped.82.01. 
Расмий оппонентлар: Маҳкамов Улфат Илхамович, педагогика фанлари доктори, профессор; Муқимов Маъруф Олимович, педагогика фанлари бўйича фалсафа доктори (PhD).
Етакчи ташкилот: Термиз давлат университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади бўлажак жисмоний тарбия ўқитувчиларининг валеологик компетентлилигини ривожлантириш технологияларини илмий-педагогик жиҳатдан асослаш ва такомиллаштиришдан иборат.
III. Тадқиқотнинг илмий янгилиги:
бўлажак жисмоний тарбия ўқитувчиларининг валеологик компетентлигини ривожлантиришга қаратилган компетенциялар мажмуи (ижтимоий, шахсий, ахборотли, коммуникатив ва рефлексив) соғломлаштирувчи характердаги аксиологик, ижтимоий-ахборотли фаоллик ва саломатлик беллашувлари каби педагогик-психологик омилларни эргономик талабларга касбий мослаштириш асосида аниқлаштирилган;
бўлажак жисмоний тарбия ўқитувчиларининг касбий фаолияти тузилмаси мазмуни фаолиятга ва шахсга йўналтирилган ўқитиш тамойиллари билан валеологик компетентликни ривожлантиришга имкон берувчи ўқув жарёнини бошқариш субъектлари (менторлик, супервизорлик ва тьюторлик)ни интегратив тизимлаштириш асосида такомиллаштирилган;
валеологик компетентликни ривожлантириш технологиялари бўлажак жисмоний тарбия ўқитувчиларининг ижодий фаолиятини самарали ташкил этишда жисмоний тарбия ўқитиш методикасини ривожлантиришга қаратилган «коллоборатив», «стрим» ва «тўлиқ ўзлаштириш» каби инновацион технологияларини интенсив қўллаш асосида такомиллаштирилган;
бўлажак жисмоний тарбия ўқитувчиларининг валеологик компетентлигининг ривожланганлик даражаларини баҳолаш мезонлари валеологик тарбия, соғломлаштирувчи технологиялар каби ностандарт алгоритмик дастурий воситаларни талабаларнинг ривожланиш векторига нисбатан интегратив қўллаш асосида ишлаб чиқилган.
IV.Тадқиқот натижаларининг жорий қилиниши. Бўлажак жисмоний тарбия ўқитувчиларининг валеологик компетентлилигини ривожлантириш юзасидан ишлаб чиқилган  услубий ва амалий таклифлар асосида:
бўлажак жисмоний тарбия ўқитувчиларининг валеологик компетентлигини ривожлантиришга қаратилган компетенциялар мажмуи (ижтимоий, шахсий, ахборотли, коммуникатив ва рефлексив), олий таълимда бўлажак жисмоний тарбия ўқитувчиларининг валеологик компетентлилигини ривожлантиришга қаратилган ўқув жараёнини ташкил этишнинг концептуал ёндашувлари ва унинг соғломлаштирувчи  характерини белгилайдиган омиллари аниқлаштириш, бўлажак жисмоний тарбия ўқитувчиларининг валеологик компетентлилигини ривожлантиришнинг педагогик шарт-шароитларини тизимлаштириш ва такомиллаштиришга оид таклифлар «Жисмоний тарбия ва спорт» номли дарслик мазмунига сингдирилган (Олий ва ўрта махсус таълим вазирлигининг 2020 йил 14 августдаги 418-сон буйруғи, 418-145 рақамли гувоҳномаси). Натижада, бўлажак жисмоний тарбия ўқитувчиларининг валеологик компетентлигини ривожлантиришнинг дидактик шарт-шароитлари такомиллаштирилган;
бўлажак жисмоний тарбия ўқитувчиларининг касбий фаолияти тузилмаси, фаолиятга ва шахсга йўналтирилган ўқитиш тамойиллари билан валеологик компетентликни ривожлантиришга имкон берувчи ўқув жарёни, бўлажак жисмоний тарбия ўқитувчиларининг ижодий фаолиятини самарали ташкил этишда валеологик компетентликни ривожлантиришга қаратилган «коллоборатив», «стрим» ва «тўлиқ ўзлаштириш» каби инновацион технологиялар, ига оид таклифлар «Гимнастика ва уни ўқитиш методикаси» номли ўқув қўлланма мазмунига сингдирилган (Олий ва ўрта махсус таълим вазирлигининг 2020 йил 6 октябрдаги 522-сон буйруғи, 522-083-рақамли гувоҳномаси). Натижада, бўлажак жисмоний тарбия ўқитувчиларининг валеологик компетентлилигини ривожлантириш, ўзлаштириш натижаларини баҳолаш имконияти яратилган;
ўқув жарёнини бошқариш субъектлари (менторлик, супервизорлик ва тьюторлик)ни интегратив тизимлаштириш, бўлажак жисмоний тарбия ўқитувчиларининг валеологик компетентлилигини ривожлантиришда ностандарт алгоритмик дастурий воситалар («валеологик тарбия нима?», «соғломлаштирувчи технологиялар»)ни қўллашга оид таклифлардан 2017-1-14/3- рақамли «Ўқувчи ёшлар учун олимпия таълимининг самарали тизимини яратиш» мавзусидаги фундаментал тадқиқот лойиҳасини бажаришда фойдаланилган (Олий ва ўрта махсус таълим вазирлигининг 2020 йил 22 сентябрдаги 89-03-3443-сон маълумотномаси). Натижада, бўлажак жисмоний тарбия ўқитувчиларининг валеологик компетентлилигини ривожлантиришнинг педагогик шарт-шароитлари такомиллаштирилган.