Тошов Камолиддин Тожиноровичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): “Иккинчи жаҳон уруши йилларида Ўзбекистоннинг ижтимоий-иқтисодий ва маданий ҳолати (Сурхон воҳаси мисолида)”, 07.00.01 – “Ўзбекистон тарихи” (тарих фанлари).
Диссертатсия мавзуси рўйхатга олинган рақам: B2020.1.PhD/Таr643.
Илмий раҳбар: Турсунов Сайпулла Нарзуллаевич, тарих фанлари доктори, профессор.
Диссертация бажарилган муассаса номи: Термиз давлат университети.
ИК фаолият кўрсатаётган муассаса номи, ИК рақами: Термиз давлат университети, PhD 03/30. 12.2019.Тар.78.02. 
Расмий оппонентлар: Пардаев Тошкентбой Ражабович, тарих фанлари доктори (DSc), доцент; Тўхтаев Абдуғани Қиличевич, тарих фанлари номзоди, доцент.
Етакчи ташкилот: Жиззах давлат педагогика институти
Диссертация йўналиши: назарий ва амалий аҳамиятга молик.
II. Тадқиқотнинг мақсади Иккинчи жаҳон уруши йилларида Ўзбекистоннинг ижтимоий-иқтисодий ва маданий ҳолати Сурхон воҳаси мисолида очиб беришдан иборат.
III. Тадқиқотнинг илмий янгилиги:
Иккинчи жаҳон уруши йилларида Ўзбекистоннинг, шу жумладан, Сурхондарёдаги ижтимоий-иқтисодий ва маданий ҳаётнинг тўлиғича ҳарбий изга кўчирилганлиги, халқ хўжалигида уруш даври қонунларига тўлиқ амал қилганлиги далилланган;
уруш йилларида аёллар, болалар, қариялар билан бир қаторда ногиронлар меҳнатидан ҳам унумли фойдаланилганлиги, воҳа аҳолиси заёмлар сотиб олишда, танк колонналари ва авиаэскадрильялар қурилишида фаол қатнашганлиги аниқланган;
Хўжаикон туз конида йилига 15 тонна туз қазиб олувчи корхона барпо этилганлиги, Сурхондарё областида каучук ташувчи такасақизнинг бой манбалари топилиб, ҳаракатдаги армия эҳтиёжлари учун етказиб берилганлиги, ипак қуртини ёзда ва кузда такрор боқилганлиги аниқланган;
Термиз шаҳрида сурхондарёликлардан 92-алоҳида ўқчи миллий бригадаси ва 213-гвардиячи ўқчи дивизияси шакллантирилганлиги, ўзбекистонлик жангчилардан ташкил топган 1-гвардиячи ҳаво десанти дивизияси фашизмга қарши курашда муҳим роль ўйнаганлиги асосланган.
IV. Тадқиқот натижаларининг жорий қилиниши. Иккинчи жаҳон уруши йилларида Ўзбекистоннинг ижтимоий-иқтисодий ва маданий ҳолати Сурхон воҳаси мисолида олиб борилган тадқиқотлар натижаси асосида: 
Иккинчи жаҳон уруши йилларида Ўзбекистоннинг, шу жумладан, Сурхондарёдаги ижтимоий-иқтисодий ва маданий ҳаётнинг тўлиғича ҳарбий изга кўчирилганлиги, халқ хўжалигида уруш даври қонунларига тўлиқ амал қилганлиги ҳамда уруш йилларида аёллар, болалар, қариялар билан бир қаторда ногиронлар меҳнатидан ҳам унумли фойдаланилганлиги, воҳа аҳолиси заёмлар сотиб олишда, танк колонналари ва авиаэскадрильялар қурилишида фаол қатнашганлиги аниқланганлигига оид маълумотлардан Республика «Маънавият ва маърифат» марказининг «Хотира ва Қадрлаш» ҳамда «Шаҳидлар хотираси» кунига бағишлаб ўтказилган тарғибот-ташвиқот ишларида фойдаланилган (Ўзбекистон Республикаси Маънавият ва маърифат марказининг 2021 йил 16 ноябрдаги 02/08/1453-сон далолатномаси). Бу маълумотлар Сурхон воҳаси аҳолисининг иккинчи жаҳон уруши йилларида кўрсатган меҳнат жасоратлари ва фронтдаги қаҳрамонликларини кенг тарғиб қилиш, шунингдек, ёшлар онгида аждодлар хотирасига нисбатан ҳурмат туйғуларини кучайтиришга асос бўлган; 
Хўжаикон туз конида йилига 15 тонна туз қазиб олувчи корхона барпо этилганлиги, Сурхондарё областида каучук ташувчи такасақизнинг бой манбалари топилиб, ҳаракатдаги армия эҳтиёжлари учун етказиб берилганлиги, ипак қуртини ёзда ва кузда такрор боқилганлиги ҳамда Термиз шаҳрида сурхондарёликлардан 92-алоҳида ўқчи миллий бригадаси ва 213-гвардиячи ўқчи дивизияси шакллантирилганлиги, ўзбекистонлик жангчилардан ташкил топган 1-гвардиячи ҳаво десанти дивизияси фашизмга қарши курашда муҳим роль ўйнаганлиги тўғрисидаги маълумотлардан «Ўзбекистон тарихи» телеканалининг «Тақдимот» дастурини тайёрлашда фойдаланилган (Ўзбекистон Миллий телерадиокомпаниясининг 2021 йил 23 ноябрдаги 01-40-1767-сон маълумотномаси). Бу эса, мамлакатимиз аҳолиси, хусусан, ёшлар онгига иккинчи жаҳон урушининг мудҳиш оқибатларини англаб етиш ҳамда ватанпарварлик ғояларини сингдиришга хизмат қилган.