Ботиров Сарвар Илхомовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар:
Диссертация мавзуси, ихтисослик шифри (илмий даража берадиган фан тармоғи номи): “Буюк Британиялик олимлар тадқиқотларида Ўзбекистондаги ижтимоий-сиёсий жараёнларнинг ёритилиши”, 07.00.01 – Ўзбекистон тарихи (тарих фанлари).
Диссертация мавзуси рўйхатга олинган рақам: В2019.3.PhD/Tar529.
Илмий раҳбар: Джураев Қодир Асадович, сиёсий фанлар доктори, доцент.
Диссертация бажарилган муассаса номи: Қарши давлат университети. 
ИК фаолият кўрсатаётган муассаса номи, ИК рақами: Қарши давлат университети, PhD.03/27.02.2021.Tar.70.05. 
Расмий оппонентлар: Эргашева Юлдуз Алимовна, тарих фанлари доктори, профессор, Фармонов Рахмон Фармонович, тарих фанлари доктори, профессор.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Буюк Британияда Марказий Осиё давлатларига нисбатан қизиқишларнинг пайдо бўлиши сабабли амалга оширилган экспедициялар натижасида тўпланган маълумотлар, мазкур минтақани ўрганиш мақсадида ташкил этилган турли тадқиқот муассасалари фаолиятидаги илмий манбалар, шунингдек, XX-XXI аср бошларида Ўзбекистондаги ижтимоий-сиёсий жараёнларга оид амалга оширилган тадқиқотларни тарихий нуқтаи назардан очиб беришдан иборат.
III. Тадқиқотнинг илмий янгилиги: 
Шарқ тилларидаги ва маҳаллий ёзма манбаларда ўрин олмаган Ўзбекистондаги ижтимоий-сиёсий жараёнларга оид кўплаб янги ва бирламчи маълумотларнинг Буюк Британиялик У.Муркрофт, А.Бёрнс, Ж.Аббот, Ж.Вульф, Д.Бульжер ва Г.Роулинсон каби тадқиқотчиларнинг асарларида учраши далилланган;
XIX-XX асрлар давомида Буюк Британияда ташкил топган кўпгина Шарқ мамлакатлари каби Ўрта Осиё минтақасини ҳам тадқиқ этишга ихтисослашган Қироллик география жамияти, Қироллик Осиё жамияти ҳамда Кембриж, Оксфорд, Лондон, Экзетер, Манчестер, Сент-Эндрюс университетларида Шарқ мамлакатларини тадқиқ қилиш мактабларининг пайдо бўлиши тарихи, уларнинг фаолияти, амалга оширган тадқиқотлари ва илмий нашрларининг натижалари очиб берилган;
Қироллик география жамияти, Қироллик Осиё жамияти ва бошқа илмий муассасалар фаолиятини таҳлил қилиш натижасида Британиялик тадқиқотчилар томонидан минтақада олиб борилган илмий экспедициялар давомида Ўзбекистоннинг табиати, географияси, табиий ресурслари, ирригация тизими, қишлоқ хўжалиги шунингдек, минтақа халқларининг этнографик қиёфасига, анъаналари ва турмуш тарзига оид кўплаб маълумотлар аниқланиб, ўз даврида Европада илмий истеъмолга киритилганлиги аниқланган;
мустақиллик йилларида Буюк Британияда амалга оширилган Марказий Осиё, хусусан Ўзбекистон тарихи, ижтимоий-сиёсий вазият, ижтимоий антропология, этнография, урбанизация, шаҳарлар трансформацияси, миллий ўзликни англаш ва бошқа соҳадаги тадқиқотлар фан тармоқлари кесимида очиб берилган.
IV. Тадқиқот натижаларининг жорий қилиниши. Буюк Британиялик олимлар тадқиқотларида Ўзбекистондаги ижтимоий-сиёсий жараёнларнинг ёритилиши мавзу юзасидан ишлаб чиқилган илмий хулоса ва таклифлар асосида:
Шарқ тилларидаги ва маҳаллий ёзма манбаларда ўрин олмаган Ўзбекистондаги ижтимоий-сиёсий жараёнларга оид кўплаб янги ва бирламчи маълумотларнинг Буюк Британиялик У.Муркрофт, А.Бёрнс, Ж.Аббот, Ж.Вульф, Д.Бульжер ва Г.Роулинсон каби тадқиқотчиларнинг асарларида учраши далилланганлиги ҳамда XIX-XX асрлар давомида Буюк Британияда ташкил топган кўпгина Шарқ мамлакатлари каби Ўрта Осиё минтақасини ҳам тадқиқ этишга ихтисослашган Қироллик география жамияти, Қироллик Осиё жамияти ҳамда Кембриж, Оксфорд, Лондон, Экзетер, Манчестер, Сент-Эндрюс университетларида Шарқ мамлакатларини тадқиқ қилиш мактабларининг пайдо бўлиши тарихи, уларнинг фаолияти, амалга оширган тадқиқотлари ва илмий нашрларининг натижалари очиб берилганлиги бўйича илмий ва амалий таклифлардан Ўзбекистон Республикаси Олий Мажлиси Қонунчилик Палатаси Халқаро ишлар ва парламентлараро алоқалар қўмитаси ўз фаолиятида фойдаланган (Ўзбекистон Республикаси Олий Мажлиси Қонунчилик Палатаси Халқаро ишлар ва парламентлараро алоқалар қўмитасининг 2022 йил 13 июндаги 04/6-10-61-сон маълумотномаси). Натижада, Марказий ва Жанубий Осиё минтақалараро ўзаро боғлиқликнинг тарихий жиҳатларини ўрганишда Буюк Британия илмий тадқиқот институтлари билан илмий ҳамкорликни йўлга қўйиш бўйича таклифидан Ўзбекистон Республикаси Олий Мажлисининг Буюк Британия парламенти билан ҳамкорлик бўйича парламентлараро гуруҳи иш режасини ишлаб чиқишда маълумот сифатида киритилган;
Қироллик география жамияти, Қироллик Осиё жамияти ва бошқа илмий муассасалар фаолиятини таҳлил қилиш натижасида Британиялик тадқиқотчилар томонидан минтақада олиб борилган илмий экспедициялар давомида Ўзбекистоннинг табиати, географияси, табиий ресурслари, ирригация тизими, қишлоқ хўжалиги шунингдек, минтақа халқларининг этнографик қиёфасига, анъаналари ва турмуш тарзига оид кўплаб маълумотлар аниқланиб, ўз даврида Европада илмий истеъмолга киритилганлиги аниқланганлиги хусусидаги янгиликдан Ўзбекистон Республикаси Ташқи ишлар вазирлиги Минтақавий ташкилотлар билан ҳамкорлик бошқармасида “Ўзбекистон-Буюк Британия ҳамкорлигининг келгусидаги истиқболлари” мавзусидаги тренингни ўтказишда фойдаланилган (Ўзбекистон Республикаси Ташқи ишлар вазирлиги Минтақавий ташкилотлар билан ҳамкорлик бошқармасининг 2022 йил 12 августдаги 15/208-сон маълумотномаси). Натижада, бу тренингда фойдаланилган маълумотлар иштирокчиларда Ўзбекистон-Буюк Британия ўртасидаги ўзаро дўстлик алоқаларини таҳлил қилишда Ўзбекистондаги ижтимоий-сиёсий жараёнларга оид Буюк Британияда амалга оширилган тадқиқотларга оид тушунчалар ҳосил бўлишида ёрдам берган;
мустақиллик йилларида Буюк Британияда амалга оширилган Марказий Осиё, хусусан Ўзбекистон тарихи, ижтимоий-сиёсий вазият, ижтимоий антропология, этнография, урбанизация, шаҳарлар трансформацияси, миллий ўзликни англаш ва бошқа соҳадаги тадқиқотлар фан тармоқлари кесимида очиб берилганлиги, Буюк Британияда Марказий Осиёни ўрганишга бўлган қизиқишларнинг пайдо бўлиши ва уни юзага келтирган омиллар, Марказий Осиёга оид тадқиқотлар ривожининг асосий босқичлари, Марказий Осиёни ўрганишга ихтисослашган илмий-тадқиқот муассасасалари ва улар фаолиятининг асосий йўналишлари, ушбу марказ ва муассаса тадқиқотларининг илмий нашрларда ёритилиши, ундан ташқари, Британияда Ўзбекистон Республикасини ўрганиш бўйича тадқиқот ишларига оид маълумотлардан Ўзбекистон Миллий телерадиокомпанияси “O’zbekiston tarixi” телеканалининг “Taqdimot” кўрсатувининг сценарийларини тайёрлашда фойдаланилган (Ўзбекистон Миллий телерадиокомпаниясининг 2022 йил 4 июлдаги 06-28-983-сон маълумотномаси). Натижада, ушбу кўрсатув томошабинларда Буюк Британиядаги дунёнинг турли минтақалари баробарида Ўрта Осиё минтақасини ҳам тадқиқ этишга ихтисослашган Қироллик география жамияти, Қироллик Осиё жамияти, Кембриж, Оксфорд, Лондон, Экзетер, Манчестер, Сент-Эндрюс университетларидаги Шарқ мамлакатларини тадқиқ қилиш мактаблари фаолияти, амалга оширган тадқиқотлари ва илмий нашрларига оид тушунчалар ҳосил бўлишига хизмат қилган.