Мадатов Курбонбой Аминбоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Турли генезли механик сариқликда ген модификаторлар полиморфизми» 14.00.16–Нормал ва патологик физиология, 14.00.27–Хирургия (тиббиёт фанлари).
Диссертация мавзуси рўйхатга олинган рақам: В2022.1.PhD/Tib2372.
Илмий раҳбарлар: Каримов Хамид Якубович, тиббиёт фанлари доктори, профессор; Исмаилов Уктам Сафаевич, тиббиёт фанлари доктори, доцент.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси DSc.04/30.12.2019.Tib.30.03.
Расмий оппонентлар: Юлдашев Носир Мухамеджанович, тиббиёт фанлари доктори, профессор; Атаджанов Шухрат Камилович, тиббиёт фанлари доктори.
Етакчи ташкилот: Самарқанд давлат тиббиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: жигар дисфункцияси даражасига қараб обструктив сариқликнинг башоратлашда TNF-α, ИЛ-2 ва ИЛ-6 ген полиморфизмларининг ўрнини такомиллаштиришдан иборат.
III. Тадқиқотнинг илмий янгилиги:
обструктив сариқлик билан хастланган беморларнинг клиник, патогенетик ва генетик хусусиятлари жигар етишмовчилигининг жинси, этиологияси, оғирлигига ва уларнинг клиник кўринишлари билан боғлиқлиги исботланган;
Ўзбекистоннинг соғлом популяциясида ва обструктив сариқлик билан оғриган беморларда қон зардобида TNF-α, ИЛ-2 ва ИЛ-6 ген полиморфизмларини баҳолаш частотаси ҳамда уларнинг бир-бири билан ўзаро таъсири асосланган;
обструктив сариқликда TNF- α G-308A ўсима некрози омили алфа генининг A/G генотипининг сезувчанлиги, ўзига хослиги эса, башоратли қиймати ИЛ-6 C-174G генининг G/G генотипининг сезувчанлиги ва ўзига хослигига нисбатан юқорилиги исботланган;
механик сариқлик билан хастланган беморларда TNF-α, ИЛ-2 ва ИЛ-6 генларининг полиморфизми, обструктив сариқлик ривожланишининг генетик хавф омиллари, механик сариқлик холестазнинг ҳимоя омиллари исботланган.
IV. Тадқиқот натижаларининг жорий қилиниши.
Турли генезли механик сариқликда ген модификаторлар полиморфизмини оптималлаштириш бўйича олинган илмий натижалар асосида:
турли генезли механик сариқликда ген модификаторлар полиморфизмини оптималлаштиришга бўйича олиб борилган тадқиқотнинг илмий натижалари асосида ишлаб чиқилган «Механик сариқликда ген модификаторларнинг полиморфизми» номли услубий тавсиянома тасдиқланган (Соғлиқни сақлаш вазирлигининг 2022 йил 21 июндаги 8н-з/320-сон маълумотномаси). Мазкур тавсияномада механик сариқликда TNF-α, ИЛ-2 ва ИЛ-6 ген полиморфизмларининг молекуляр генетик текширувлар асосида касаллик кечиши башоратлаш имкониятларини баҳолаш орқали пациентларнинг ҳаёт сифатини яхшилаш имконини берган;
турли генезли механик сариқликда ген модификаторлар полиморфизмини оптималлаштириш бўйича олинган илмий натижалар соғлиқни сақлаш амалиётига, жумладан, Республика шошилинч тиббий ёрдам илмий марказининг Тошкент вилояти филиали ва Тиббиёт ходимларининг касбий малакасини ривожлантириш марказининг кўп тармоқли шифохонасининг амалий фаолиятига жорий қилинган (Соғлиқни сақлаш вазирлигининг 2022 йил 15 ноябрдаги 08-36135-сон маълумотномаси). Олинган натижаларнинг амалиётга жорий қилиниши TNF- α  генининг G308A гени, IL2 гени Т 330G полиморфизми ва IL6 генининг C-174G полиморфизми генотип частоталарини таҳлил қилиш орқали, механик сариқлик билан хасталанган беморлар гуруҳида генотипларнинг эмпирик тақсимоти Харди-Вайнберг мувозанати шароитида назарий жиҳатдан кутилганига тўғри келиши ва унинг самарали ташхиси натижасида  беморларнинг ҳаёт сифатини яхшилаш имконини берган.