Мирзаев Авазбекнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Фарғона водийсида пахтачилик тарихига оид архив ҳужжатларининг манбашунослик таҳлили», 07.00.08 – Тарихшунослик, манбашунослик ва тарихий тадқиқот усуллари (тарих фанлари). 
Диссертация мавзуси рўйхатга олинган рақам: В2018.3.PhD/Tar382.
Илмий раҳбар: Шадманова Санавар Базарбаевна, тарих фанлари доктори, профессор.
Диссертация бажарилган муассаса номи: Андижон давлат университети.
ИК фаолият кўрсатаётган муассаса номи, ИК рақами: Ўзбекистон Республикаси Фанлар академияси Шарқшунослик институти, DSc.02/30.12.2019.Tar.44.01.
Расмий оппонентлар: Султонов Ўктамбек, тарих фанлари доктори; Эргашев Шуҳратбек, тарих фанлари номзоди, доцент. 
Етакчи ташкилот: Наманган давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Миллий архивида сақланаётган, мустамлакачилик даврда Фарғона водийсида пахтачилик тарихи масалалари ёритилган фондларни аниқлаш, улардаги манбаларни таснифлаш, тарихий-манбашунослик нуқтаи назаридан ҳужжатлардаги маълумотларни таққослаш орқали очиб беришдан иборат.
III. Тадқиқотнинг илмий янгилиги:
Туркистонда пахтачилик давлат назоратига олиниши ҳамда бу соҳада фаолият юритган тадбиркор-фермерларнинг монополияга дучор бўлиши натижасида мазкур тармоқ ўлка маъмурий бошқаруви, банк-молия идоралари, давлат ва монопол компаниялар қўлига ўтганлиги иш юритиш ҳужжатлари орқали очиб берилган;
пахтачилик тармоғи марказлаштирилиши оқибатида  маъмурий тизимларда амалда бўлган иш юритиш тизимига алоқадор ҳужжатлар қонун ўрнатувчи ва ҳисобот тақдим этувчи хусусиятларга ажратилганлиги аниқланган;
Фарғона водийсида ташкил этилган, пахтачиликка ихтисослашган ўндан ортиқ тажриба майдонларида олиб борилган тадқиқотлар натижалари, ўлка маъмуриятига расмий ҳисобот шаклида топширилиши йўлга қўйилганлиги аниқланиб, ушбу маълумотлар манбашунослик нуқтаи-назаридан илмий муомалага киритилган;
пахтачиликка оид архив ҳужжатларининг манбавий аҳамияти ҳисобот тақдим қилувчи (ҳисобот (всеподд. ведомость (ахборотнома), маъруза (доклад), хабар (донесение), маълумот (сведение), рапорт, ахборот тақдим қилувчи (журнал, ведомость), низом (устав) ва лойиҳалар (проект); фармойиш берувчи (циркуляр, хат, телеграмма), келишув (шартнома, далолатнома, акт) ҳамда мурожаат (мурожаат (отношение), илтимоснома (прошение) характеридаги ҳужжатларга таснифланган ҳолда очиб берилган.
Тадқиқот натижаларининг жорий қилиниши. «Фарғона водийсида пахтачилик тарихига оид архив ҳужжатларининг манбашунослик таҳлили» мавзусидаги фан доктори (PhD) илмий даражасини олиш учун ёзилган докторлик диссертацияси натижалари бўйича ишлаб чиқилган илмий хулосалар ва таклифлар асосида:
Туркистонда пахтачилик давлат назоратига олиниши ҳамда бу соҳада фаолият юритган тадбиркорларнинг монополияга дучор бўлиши натижасида мазкур тармоқ ўлка маъмурий бошқаруви, банк-молия идоралари, давлат ва монопол компаниялар қўлига ўтганлигини кўрсатувчи иш юритиш ҳужжатлари ҳақидаги тадқиқот натижаларидан Ўзбекистон Миллий телерадиокомпаниясининг Андижон вилоят телерадиокомпаниясида бериб борилган “Андижон томонларда” ва “Тарих саҳифалари”, шунингдек, “O’zbekiston tarixi” телеканалида “Тақдимот” номли кўрсатувларнинг сценарийларини тайёрлашда фойдаланилган (Ўзбекистон Миллий телерадиокомпаниясининг Андижон вилоят телерадиокомпаниясининг 2019 йил 5 ноябрдаги 20-24/751-сонли маълумотномаси; Ўзбекистон Миллий телерадиокомпаниясининг 2020 йил 10 январдаги 02-40-92-сонли маълумотномаси). Олинган натижалар соҳа вакилларини Фарғона водийсида пахтачилик тарихи, соҳани ривожлантириш агротехникаси ҳамда зараркурандаларга қарши курашнинг маҳаллий анъаналари билан таништириш имконини берган;
пахтачилик тармоғи марказлаштирилиши оқибатида  маъмурий тизимларда амалда бўлган иш юритиш тизимига алоқадор ҳужжатлар қонун ўрнатувчи ва ҳисобот тақдим этувчи хусусиятларга ажратилганлиги ҳақидаги илмий хулосалар Ўзбекистон Республикаси Сув хўжалиги вазирлиги тизимида Норин-Қорадарё ирригация тармоғи тарихи ҳамда сув ҳавзасининг ўтмишдаги фаолиятини ўрганишда жорий қилинган. (Ўзбекистон Республикаси Сув хўжалиги вазирлигининг 2020 йил 5 июндаги 03-20/650-сон маълумотномаси). Олинган натижалар Фарғона водийсида пахтачиликни ривожлантиришда маҳаллий суғориш тажрибаларидан фойдаланилган;
Фарғона водийсида ташкил этилган, пахтачиликка ихтисослашган ўндан ортиқ тажриба майдонларида олиб борилган тадқиқотлар ҳамда илмий изланишлар натижалари, ўлка маъмуриятига расмий ҳисобот шаклида топширилиши йўлга қўйилганлиги ҳақидаги илмий натижалар пахта селекцияси, уруғчилиги ва етиштириш агротехнологиялари Андижон илмий-тажриба станцияси тарихига бағишланган музей ташкил этиш ва унинг экспозицияларини илмий асослашда қўлланилган (Ўзбекистон Республикаси Қишлоқ хўжалиги вазирлигининг 2020 йил 23 июндаги 05/04-04-525-сон маълумотномаси). Олинган натижалар XIX аср охири – XX аср бошларида Андижон пахтачилик тажриба участкасида янги пахта навлари соҳасида олиб борилган илмий изланишлар тарихини ёритишда муҳим асос вазифасини бажарган;
Пахтачиликка оид архив ҳужжатларининг манбавий аҳамияти ҳисобот тақдим қилувчи (всеподд. ведомость), маъруза (доклад), хабар (донесение), маълумот (сведение), рапорт; ахборот тақдим қилувчи (журнал, ведомость); низом (устав) ва лойиҳалар (проект); фармойиш берувчи (циркуляр, хат, телеграмма); келишув (шартнома, далолатнома, акт) ҳамда   мурожаат  (отношение), илтимоснома (прошение) характеридаги ҳужжатларга таснифланган ҳақидаги илмий натижалардан Андижон вилояти тарихи ва маданияти музейида Россия империяси мустамлакачилиги даврида Фарғона водийсида пахтачилик тарихи ва тараққиётига оид экспозицияларни тайёрлашда фойдаланилган (Ўзбекистон Республикаси Маданият вазирлигининг 2020 йил 12 октябрдаги 01-12-10-5662-сон маълумотномаси). Тақдим этилган хулосалар минтақада пахтачилик тараққиётига оид муаммоларни илмий далиллар ҳамда расмий ҳужжат ва фото материаллар шаклида визуал тақдимотлар билан асослашда хизмат қилган.