Махманов Ботир Қудратовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Давлат хизматчиларини қайта тайёрлаш ва малакасини ошириш жараёнларини мониторинг қилиш модел ва алгоритмлари», 05.01.04 - Ҳисоблаш машиналари, мажмуалари ва компьютер тармоқларининг математик ва дастурий таъминоти (техника фанлари).
Диссертация мавзуси рўйхатга олинган рақам: B2022.3.PhD/T2432.
Илмий раҳбарнинг Ф.И.Ш., илмий даражаси ва унвони: Рахманов Қурбон Содиқович, техника фанлари номзоди, доцент.
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари университети.
ИК фаолият кўрсатаётган муассаса номи, ИК рақами: Муҳаммад ал-Хоразмий номидаги Тошкент ахборот технологиялари университети, DSc.13/30.12.2019.T.07.01.
Расмий оппонентлар: Мухамедиева Дилноза Тулкуновна, техника фанлари доктори, профессор; Рахимов Мехриддин Фазлиддинович, техника фанлари фалсафа доктори (PhD), доцент.
Етакчи ташкилот номи: Ислом Каримов номидаги Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Давлат фуқаролик хизматчиларини қайта тайёрлаш ва малакасини ошириш жараёнларини мониторинг қилиш модел ва алгоритмлари ҳамда дастурий мажмуасини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
давлат фуқаролик хизматчиларини қайта тайёрлаш ва малака ошириш жараёнларини мониторинг қилиш учун тақсимланган маълумотлар базасининг реляцион модели, ахборот IDEF моделлари ва уч поғонали интеграцион моделлари лойиҳалаштирилган;
давлат фуқаролик хизматчиларини қайта тайёрлаш ва малака ошириш жараёнларини мониторинг қилишда давлат фуқаролик хизматчилари эгаллаган билим ва кўникма натижаларини баҳолаш математик таъминоти ва алгоритмлари ишлаб чиқилган;
давлат фуқаролик хизматчиларини қайта тайёрлаш ва малака ошириш фаолиятида ўқув жараёнини ташкил қилиш дастурий функционал модулларининг модел ва алгоритмлари ишлаб чиқилган;
қайта тайёрлаш ва малака ошириш жараёнларини мониторинг қилиш дастурий мажмуасининг функционал модулларини мижоз-сервер архитектураси асосида ўзаро маълумот алмашиш имконини берувчи интеграциялашув тузилмаси ишлаб чиқилган.
IV. Тадқиқот натижаларининг жорий қилиниши: Давлат бошқаруви академияси ва ҳудудий филиалларида давлат фуқаролик хизматчиларини қайта тайёрлаш ва малака ошириш фаолияти мониторингини ташкил этиш бўйича таклиф этилган модел ва алгоритмлар ҳамда дастурий мажмуаси асосида:
Давлат бошқаруви академияси ва ҳудудий филиалларида функционал жараённинг ахборот IDEF моделлари, маълумотлар базасининг IDEF1Х моделлари, давлат фуқаролик хизматчиларини қайта тайёрлаш ва малака ошириш фаолияти мониторинги жараёнини математик таъминоти ва алгоритмлари асосида Давлат фуқаролик хизматчилари касбий-малака фаолияти мониторингини юритишга мўлжалланган ва қарор қабул қилишга кўмаклашувчи Smart Learning дастурий мажмуаси жорий этилган (Ахборот технологиялари ва коммуникацияларини ривожлантириш вазирлигининг 2022 йил 12 майдаги 1432/15-01 сон маълумотномаси). Натижада дастурий мажмуа орқали ўқув жараёнини ташкил қилиш кўламининг 3,5 баробарга ошишига эришилган.
Давлат бошқаруви академияси ва ҳудудий филиалларида малака фаолиятини  баҳолаш ва мониторинг жараёнига online режимида тегишли натижавий маълумотларни умумлаштирган ҳолда тайёрлаш каби имкониятларини таъминловчи «SMART LEARNING-2» мониторинги дастурий модули жорий этилган (Ахборот технологиялари ва коммуникацияларини ривожлантириш вазирлигининг 2022 йил 12 майдаги 1432/15-01 сон маълумотномаси). Натижада назорат синовларини баҳолаш жараёнларида шаффофликнинг 1,31 баробаргача кўтарилишига эришилган;
Ишлаб чиқилган дастурий мажмуа рақамли интеграция асосида давлат фуқаролик хизматчисининг малака ошириш ахборот тизимига, давлат фуқаролик хизматчисининг ягона электрон ахборот порталига интеграциялари йўлга қўйилди (Ахборот технологиялари ва коммуникацияларини ривожлантириш вазирлигининг 2022 йил 12 майдаги 1432/15-01 сон маълумотномаси). Натижада давлат фуқаролик хизматчиларини қайта тайёрлаш ва малака ошириш фаолияти мониторингини юритиш, жараёндаги ҳужжатларни рақамлаштириш, қоғозбозликни камайтириш ҳамда соҳада шаффофликни таъминлашга эришилган.