Хожамуратов Рамил Ибрахимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Талабаларнинг инновацион маданиятини ривожлантириш технологияси”, 13.00.01 – Педагогика назарияси. Педагогик таълимотлар тарихи (педагогика фанлари).
Диссертация мавзуси рўйхатга олинган рақам: B2021.2.PhD/Ped1577. 
Илмий раҳбар: Юзликаев Фарит Рафаилович, педагогика фанлари доктори, профессор.
Диссертация бажарилган муассаса номи: Қорақалпоқ давлат университети.
ИК фаолият кўрсатаётган муассаса номи, ИК рақами: Нукус давлат педагогика институти DSc.03/30.12.2019.Ped.34.01.
Расмий оппонентлар: Ходжаев Бегзод Худойбердиевич, педагогика фанлари доктори, профессор; Рахимов Бахтиёр Худойбердиевич, педагогика фанлари доктори, профессор.
Етакчи ташкилот: Андижон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади талабаларда инновацион маданиятни ривожлантириш технологиясини такомиллаштиришга доир таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
талабаларнинг инновацион маданиятини ривожлантиришнинг дидактик тузилмаси (инновацион фаолият, инновацион фикрлаш, инновацион ривожланиш), функциялари (гносеологик, ташкилий, тадқиқий, ахлоқий, рефлексив) таълим-тарбия жараёнларига янгилик киритиш субъекти сифатида шахснинг ўз-ўзини англай олишига таъсир этувчи объектив ва субъектив омилларнинг таъсир даражасини интернал мотивация билан детерминаллашувини барқарорлаштириш орқали аниқлаштирилган;
талабаларда инновацион маданиятни ривожлантиришнинг дидактик жиҳатлари фундаменталлик, концептуаллик, муаммога йўналтирилганлик ва диалогик тамойилларнинг таълимий инноватиканинг техник-технологик, ижтимоий ва ташкилий-бошқарувга доир қонуниятлари билан интегративлик даражасини инглиз тилини ўрганиш жараёнида контекстуаллик устувор аҳамият касб этишини бевосита ҳисобга олиш орқали такомиллаштирилган;
талабаларда инновацион маданиятни ривожлантириш моделининг амалий компоненти инглиз тилини ўқитишга доир ўқув материалларини мантиқий граф, метарежа, ментал харита, фрейм каби чизма-тасвирий моделлар асосида структуралаш, когнитив, муаммоли, изланувчи-тадқиқотчилик фаолияти орқали субъектив позициянинг ёрқин намоён бўлиши интенсивлигини шахсий ва касбий ривожланиш билан ўзаро уйғунлигини таъминлаш орқали такомиллаштирилган;
талабаларда инновацион маданиятни ривожлантириш технологияси касбий фаолиятнинг когнитив, мазмунли ва операцион компонентларини тил муҳитининг информатив ва коммуникатив функцияларига устуворлик бериш асосида шакллантириш, амалий фаолият жараёнида инновацион жараёнларга аксиологик муносабатни таркиб топтиришга йўналтирилган триадани (уч босқичлик) андрагогик ёндашув бўйича дидактик лойиҳалаш имкониятини кенгайтириш орқали такомиллаштирилган. 
IV. Тадқиқот натижаларининг жорий қилиниши. Талабаларда инновацион маданиятни ривожлантириш технологиясини такомиллаштириш бўйича илмий натижалар асосида:
талабаларнинг инновацион маданиятини ривожлантиришнинг дидактик тузилмаси, функцияларини таълим-тарбия жараёнларига янгилик киритиш субъекти сифатида шахснинг ўз-ўзини англай олишига таъсир этувчи объектив ва субъектив омилларнинг таъсир даражасини интернал мотивация билан детерминаллашувини барқарорлаштириш орқали аниқлаштириш, компетенциявий ёндашув асосида талабаларда инновацион маданиятни ривожлантиришнинг дидактик жиҳатларини фундаменталлик, концептуаллик, муаммога йўналтирилганлик ва диалогик тамойилларнинг таълимий инноватиканинг техник-технологик, ижтимоий ва ташкилий-бошқарувга доир қонуниятлари билан интегративлик даражасини инглиз тилини ўрганиш жараёнида контекстуаллик устувор аҳамият касб этишини бевосита ҳисобга олиш орқали такомиллаштиришга доир таклиф ва тавсиялардан Тошкент давлат педагогика университетида ишлаб чиқилган хорижий тилни узлуксиз ўқитиш Концепциясини такомиллаштиришда фойдаланилган (Тошкент давлат педагогика университетининг 2022 йил 10 июндаги 02-07-1573/04-сон маълумотномаси). Натижада, кредит-модул тизими шароитида хорижий тилни интенсив ўрганиш орқали талабаларда инновацион маданиятни ривожлантириш самарадорлигини оширишга эришилган;
талабаларда инновацион маданиятни ривожлантириш моделининг амалий компонентини инглиз тилини ўқитишга доир ўқув материалларини мантиқий граф, метарежа, ментал харита, фрейм каби чизма-тасвирий моделлар асосида структуралаш, когнитив, муаммоли, изланувчи-тадқиқотчилик фаолияти орқали субъектив позициянинг ёрқин намоён бўлиши интенсивлигини шахсий ва касбий ривожланиш билан ўзаро уйғунлигини таъминлаш орқали такомиллаштиришга доир амалий таклиф ва тавсиялардан Тошкент давлат педагогика университетида бажарилган ЁА-1–22. “Фанларни ўқитишда инновацион педагогик технологияларнинг модернизациялашган тизимини ишлаб чиқиш” номли лойиҳасининг инновацион салоҳиятни баҳолашнинг диагностик тизимини такомиллаштириш қисмини бажаришда фойдаланилган (Тошкент давлат педагогика университетининг 2022 йил 10 июндаги 02-07-1573/04-сон маълумотномаси). Натижада, талабаларнинг инновацион маданиятини ташхис этишнинг электрон тизимини такомиллаштиришга хизмат қилган;
талабаларда инновацион маданиятни ривожлантириш технологиясини касбий фаолиятнинг когнитив, мазмунли ва операцион компонентларини шакллантириш, инглиз тилини ўрганиш жараёнини касбий соҳага йўналтириб ўқитиш, амалий фаолият жараёнида инновацион жараёнларга аксиологик муносабатни таркиб топтиришга йўналтирилган триадани (уч босқичлик) андрагогик ёндашув бўйича дидактик лойиҳалаш имкониятини кенгайтириш орқали такомиллаштиришга доир амалий таклиф ва тавсиялардан Тошкент давлат педагогика университетида бажарилган MRB-OT-2019-23. “Замонавий ахборот-коммуникация технологияларидан фойдаланган ҳолда педагог кадрларни тайёрлашнинг илмий-методик таъминоти” мавзусидаги лойиҳаси асосида талабаларда инновацион маданиятни ривожлантириш жараёнларини интенсив бошқариш қисмини ишлаб чиқишда фойдаланилган (Тошкент давлат педагогика университетининг 2022 йил 10 июндаги 02-07-1573/04-сон маълумотномаси). Натижада, талабаларнинг инновацион маданиятини ривожлантиришнинг амалий-технологик тизимини такомиллаштиришга хизмат қилган.