Валиев Одил Эркиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Сон суяги бўйинчаси синиши бўлган кекса ёшдаги беморларнинг чаноқ-сон бўғимини эрта эндопротезлаш”, 14.00.22 – Травматология ва ортопедия (тиббиёт фанлари).
Диссертация мавзуси рўйхатга олинган рақам: В2020.2.PhD/ Tib1339.
Илмий раҳбар: Азизов Мирхаким Жавхарович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган травматология ва ортопедия илмий-амалий тиббиёт маркази.
ИК фаолият кўрсатаётган муассаса номи, ИК рақами: Республика ихтисослаштирилган травматология ва ортопедия илмий-амалий тиббиёт маркази, DSc.04/30.12.2019.Tib.62.01.
Расмий оппонентлар: Каримов Муродулла Юлдашевич, тиббиёт фанлари доктори; Прохоренко Валерий Михайлович, тиббиёт фанлари доктори, профессор (Россия Федерацияси).
Етакчи ташкилот: Самарқанд давлат тиббиёт университети. Диссертация йўналиши: амалий аҳамиятга молик.
II. Тадқиқотнинг мақсади катта ёшдаги беморларда сон суяги бўйинчаси синиши билан оғриган беморларни эрта эндоротезлашнинг тактикасини илмий асослаш ва амалга ошириш орқали даволаш натижаларини яхшилашдан иборат. 
III. Тадқиқотнинг илмий янгилиги: 
кекса ёшда сон суяги бўйинчаси синиши бўлган беморларда соматик патологиянинг коморбидлик даражасини ҳисобга олган ҳолда оператив муолажаларга кўрсатмалар ва уларни ўтказишнинг оптимал муддатлари (2-5 сутка), эрта эндопротезлаш тактикаси хамда беморларни эрта вертикаллаштириш ва тромбоэмболик асоратларнинг олди олиниши илмий асосланган;
денситометрик кўрсаткичларга кўра остеопорознинг даражаси бир томондан, иккинчи томондан эса бемор ёши ва жисмоний ахволи, синиш тури,  жарохатнинг муддати ва коморбид холати каби мезонлардан фойдаланиш эндопротез элементларини фиксация усулларини танлашда муҳим аҳамиятга эга эканлиги исботланган; 
эрта ЭП олдин ва кейин сон ва болдир мушакларида дифференциаллашган  электромиографик  кўрсаткичлари электронейростимуляциянинг оптимал дозасини танлаш имкониятини яратиши ва  оёқ мушакларининг фаоллигини ошириш, периферик қон айланишини яхшиланиши хамда шикастланган оёқнинг таянч-ҳаракат функциясини эрта фаоллаштириши исботланган; 
бемор ёши, тана массаси индекси, коморбидлик индекслари (Charlson, CIRS), олинган жароҳат вақти, операциянинг давомийлиги, лаборатория кўрсаткичлар динамикасини ҳисобга олган ҳолда эндопротез элементларини маҳкамлашнинг турли хил вариантлари каби параметрлардан фойдаланиш тромбоэмболик асоратларни ривожланиш хавфини башорат қилиши ва уларнинг олдини олиш ва даволаш бўйича кейинги тактикаларни аниқлаши исботланган.
IV. Тадқиқот натижаларининг жорий қилиниши. 
Кекса ёшдаги сон суяги бўйинчаси синиши бўлган беморларга ЧСБ бўғимини эрта ЭП  тактикасини асослаш ва амалга ошириш босқичида ёрдам кўрсатишнинг тактик ва техник жиҳатларини такомиллаштириш бўйича ўтказилган илмий тадқиқот натижаларига асосида:
кекса ёшдаги сон суяги бўйинчаси синиши бўлган беморларда эрта ЭП техник ва тактик жихатларини ишлаб чиқиш натижаларига  ишлаб чиқилган «Кекса ёшдаги сон бўйинчаси синган беморларда ЧСБни эрта ЭПни қўллаш шароитларида даволаш-профилактика ёрдамини кўрсатиш алгоритми»  номли услубий тавсиянома тасдиқланган (Соғликни сақлаш вазирлигининг 2021 йил 12 июлдаги 8н-з/644-сон маълумотномаси). Олинган натижалар кекса ёшдаги сон суяги бўйинчаси синиши бўлган беморларда коморбид патология ва остеопороз даражасини хисобга олган холда даволашнинг техник ва тактик жихатларини яхшилаш имконини берган;
олинган илмий натижалар соғлиқни сақлаш амалий фаолиятига, жумладан Республика ихтисослаштирилган травматология ва ортопедия илмий-амалий тиббиёт маркази, Республика шошилинч тиббий ёрдам илмий маркази Самарқанд филиали, Республика ихтисослаштирилган травматология ва ортопедия илмий-амалий тиббиёт маркази Самарқанд филиаллари амалиётига тадбиқ этилган (Соғлиқни сақлаш вазирлигининг 2021 йил 2 ноябрдаги 08-38857-сон маълумотномаси). Олинган натижалар кекса ёшдаги сон суяги бўйинчаси синиши бўлган асосий гурух беморларида асоратларнинг 2,5-3 баробар камайишига имкон берган.