Хамрокулов Улугбек Дамировичнинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): “Кўп қаватли синчли бино элементларининг кучланиш-деформацияланиш ҳолатига босқичма-босқич тиклаш ва юклашнинг таъсири”, 05.09.01-“Қурилиш конструкциялари, бино ва иншоотлар”.
Диссертация мавзуси рўйхатга олинган рақам: В2022.4.PhD/Т3210.
Илмий раҳбар: Усманов Валиахмат Файзиллаевич, техника фанлари номзоди, доцент. 
Диссертация бажарилган муассаса номи: “Самарқанд давлат архитектура-қурилиш институти”.
Тошкент архитектура-қурилиш институти. DSc.26/30.12.2019.Т.11.01.
Расмий оппонентлар: техника фанлари доктори, профессор Ходжаев Аббас Агзамович ҳамда техника фанлари доктори (PhD), доцент Ходжаева Зулфия Шухратовна. 
Етакчи ташкилот: Фарғона политехника институти 
Диссертация йўналиши: назарий ва амалий аҳамиятга молик.
II. Тадқиқотнинг мақсади йиғма-яхлит технология бўйича босқичма-босқич барпо этиладиган кўп қаватли синчли тураржой бинолар ҳисобий схемалари ўзгаришининг синч элементлари кучланиш-деформацияланиш ҳолатига таъсирини аниқлаш ва лойиҳалаш бўйича  тавсиялар ишлаб чиқиш.
III. Тадқиқотнинг илмий янгилиги қуйидагилардан иборат:
кўп қаватли синчли турар-жой биноларини босқичма-босқич барпо этиш жараёнида синч ригелларининг йиғма-яхлит конструкция ҳосил бўлиш ҳисобига, ҳисобий схемаларининг ўзгариши асосланган;
кўп қаватли синчли турар-жой биноларини босқичма-босқич барпо этиш жараёнида синч элементларининг босқичма-босқич юкланишидан устунлар ва ригеллардаги зўриқишларнинг қайта тақсимланиши исботланган;
яхлит ригел ва кўп бўшлиқли йиғма плитанинг бирга ишлашини экспериментал тадқиқ этиш натижаларига асосан, йиғма-яхлит темирбетон элементларни мустаҳкамлик бўйича ҳисоблаш услуби такомиллаштирилган;
кўп қаватли синчли турар-жой биноларини босқичма-босқич барпо этиш жараёнини эътиборга олган ҳолда, биноларнинг темирбетон синчларини лойиҳалаш бўйича амалий таклифлар ишлаб чиқилган.
IV. Тадқиқот натижаларининг жорий қилиниши: Кўп қаватли биноларни йиғма-яхлит технология бўйича барпо этишда босқичма-босқич тикланиши ва юкланишини эътиборга олиш бўйича ишлаб чиқилган услуб қуйидаги лойиҳаларда жорий қилинган:
“Univer Pro Stile” МЧЖ томонидан Самарқанд шаҳрида барпо этилаётган 7 қаватли темирбетон синчли турар-жой биносини лойиҳалашда жорий этилган (Ўзбекистон Республикаси Қурилиш вазирлигининг 2022 йил 18 августдаги №09-06/94420-сонли маълумотномаси). Натижада, ригелнинг мустаҳкамлигини таъминлаш учун ишлатиладиган арматура сарфининг 10,4% га тежалишига эришилган;
“Меъморқурилишлойиҳа” МЧЖ томонидан Самарқанд шаҳрида барпо қилинадиган 7 қаватли талабалар турар-жойи биносини лойиҳалашда қўлланилган (Ўзбекистон Республикаси Қурилиш вазирлигининг 2022 йил 18 августдаги №09-06/94420-сонли маълумотномаси). Натижада, ригел мустаҳкамлигини таъминлаш учун ишлатиладиган арматура сарфи 11,2% га камайган;