Ражабов Ёрқинбек Сайфиддин ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Композицион полимер қопламаларнинг таркиби ва олиш технологиясини ишлаб чиқиш ва темирбетон маҳсулотларни ишлаб чиқаришда қўллаш», 02.00.07 – Композицион, лок-бўёқ ва резина материаллари кимёси ва технологияси, 05.09.05 –  Қурилиш материаллари ва буюмлари (техника фанлари).
Диссертация мавзуси рўйхатга олинган рақам: B2022.3.PhD/T3016.
Илмий раҳбарлар: Улмасов Тулкун Усманович, техника фанлари доктори; Аликобулов Шухрат Абдумаликович, техника фанлари бўйича фалсафа доктори (PhD).
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК ҳузуридаги DSc.03/30.12.2019.K/T.03.01 рақамли илмий кенгаш асосидаги бир марталик илмий кенгаш.
Расмий оппонентлар: Толипов Ниғматилла Хамидович, техника фанлари доктори, профессор; Негматова Комила Сойибжоновна, техника фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: композицион полимер қопламаларнинг таркиби ва олиш технологиясини ишлаб чиқиш ва темирбетон маҳсулотларини ишлаб чиқаришда қўллашдан иборат.
III. Тадқиқотнинг илмий янгилиги:
ЭД-16 эпоксид смоласи ва қотирувчилар полиэтиленполиамин (ПЭПА), пиперидин (ППД) асосида едирилишга қаршилиги юқори, бетон ва бетон қоришмаси билан ўзаро таъсирлашганда ёпишиши минимал бўлган металл қолип – тагликка етарлича юқори адгезияга эга бўлган қолиплар ишчи юзаларига қоплаш учун композиция ишлаб чиқилган;
бетон қоришмасининг сирпаниш тезлиги ва босимига, полимерлар ва тўлдирувчиларнинг турига ва табиатига қараб бетондан тайёрланган қурилиш конструкцияларини ишлаб чиқаришда қолипларнинг иш шароитларини симуляция қилувчи абразив муҳитли полимер қопламаларининг едирилиши аниқланган;
қуруқ муҳитда қоплама юзасини едирилишининг асосий тури абразив бўлиб, нам муҳитда эса темир кукуни билан тўлдирилган полимер қопламаларининг едирилиши кенг сирпаниш тезлиги ва босими оралиқларида коррозион-механик хусусияти аниқланган;
полимерлар, тўлдирувчилар тури ва табиатининг, уларнинг тузилиши ва таркибининг полимер қопламалари юзасининг едирилишга таъсири асосланган;
қопламаларнинг едирилиши уларнинг физик-механик хоссаларига ҳамда бетон қоришмасининг технологик ҳолатига боғлиқ эканлиги аниқланган.
IV. Тадқиқот натижаларининг жорий қилиниши:
Композицион полимер қопламаларнинг таркиби ва олиш технологиясини ишлаб чиқиш ва темирбетон маҳсулотларини ишлаб чиқаришда қўллаш бўйича олинган илмий натижалар асосида:
маҳаллий ва иккиламчи хом ашё асосида композицион полимер қопламаларни олиш учун ишлаб чиқилган технология Жиззах темирбетон маҳсулотлари заводида жорий этилган («O`zbekiston qurilish materiallari sanoati korxonalari uyushmasi»нинг 2022 йил 19 октябрдаги 05/15-2597-сон маълумотномаси). Натижада, ишлаш қобилияти 1,5-1,6 баравар самарали бўлган янги композицион полимер қопламаларни олиш имконини берган;
юқори адгезион мустаҳкамликка, динамик модулга, эластикликка ва едирилишга чидамли бўлган композицион полимер материаллар ва улар асосидаги оптимал таркибдаги қопламалар Жиззах темирбетон маҳсулотлари заводида жорий этилган («O`zbekiston qurilish materiallari sanoati korxonalari uyushmasi»нинг 2022 йил 19 октябрдаги 05/15-2597-сон маълумотномаси). Натижада, мураккаб шароитларда абразив сирт юзага нисбатан композицияларнинг едирилиш интенсивлигини 1,5-2 мартага камайтириш имконини берган.