Назаров Қудратилло Бозоровичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Терриген бўр ётқизиқларининг петрофизик хусусиятларини моделлаштириш натижасида Газли кўтарилмасининг нефтгазлилигини башоратлаш», 04.00.07 – Нефть ва газ конлари геологияси, уларни қидириш ва разведка қилиш (геология-минералогия фанлари).
Диссертация мавзуси рўйхатга олинган рақам: B2022.1.PhD/GM125.
Илмий раҳбар: Зокиров Равшан Тулкинович, геология-минералогия фанлари номзоди, доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Нефть ва газ конлари геологияси ҳамда қидируви институти ДМ, DSc.24/30.12.2019.GM.41.01.
Расмий оппонентлар Иргашев Йўлдашбой, геология-минералогия фанлари доктори, профессор; Шарафутдинова Лейла Полатовна, геология-минералогия фанлари бўйича фалсафа доктори (PhD). 
Етакчи ташкилот: “O`ZLITINEFTGAZ” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: нефть ва газ конларининг геологик ва технологик моделларини динамик фильтрация–сиғим хусусиятларига асосланган ҳолда петрофизик таъминлаш тизимини ишлаб чиқишдан иборат.
III. Тадқиқотнинг илмий янгилиги:
геомоделлаштиришнинг барча босқичларида коллекторнинг самарали ғоваклигидан фойдаланган ҳолда сейсмик инверсияни ва қудуқларнинг геофизик тадқиқот (ҚГТ) маълумотларини талқин қилишгача тузилган геологик ва гидродинамик моделларни петрофизик усулда таъминлашни зарурлиги ва уларнинг моделлари исботланган;
таянч параметрларга асосланган донадор коллекторларнинг самарали ва динамик ғоваклилигини аналитик петрофизик моделларининг истиқболлари максимал ва самарасиз ғовакликка эга бўлган коллекторларининг чегаравий ҳолатларига асосланган;
ҚГТ усуллари интерпретацион параметр сифатида нормаллаштирилган самарали ғоваклик қийматидан фойдаланишга кераклиги асосланган;  
турли таркибли коллекторларнинг петрофизик услубий принципи ишлаб чиқилган бўлиб, у нормаллаштирилган самарали ғоваклиликнинг бир хил қийматларига эга бўлган турли қатламларда ҳаракатланувчи суюқликнинг нисбий ҳажми бир хил бўлиши ва уларнинг характерли петрофизик ва геофизик параметрлари жиҳатидан фарқли муносабатлари бир–бирига тўғри келиши ишлаб чиқилган.
IV. Тадқиқот натижаларининг жорий қилиниши: 
Газли кўтарилмасининг нефть ва газ таркибини башоратлаш ва терриген бўр ётқизиқларининг петрофизик хусусиятларини моделлаштириш бўйича олинган илмий натижалар асосида: 
Газли конининг донадор коллекторларининг самарали ғоваклилигини аниқлаш асосида углеводород уюмларини моделлаштиришнинг петрофизик таъминлаш тизими бўйича тавсия МЧЖ «Gazli Gas Storage» қўшма корхонасида жорий қилинган («Ўзбекнефтгаз» АЖнинг 2022 йил 10 июндаги 02/18-7/09-сон маълумотномаси). Натижада, Газли конидаги 1001–1021–сонли қудуқларда қуйи бўр ётқизиқларидан нефть олиш кунига 34,6 т/суткагача ошириш имконини берган;  
Муллаҳол конининг петрофизик моделини яратиш алгоритмларини ишлаб чиқиш бўйича тавсиялар МЧЖ «SANOAT ENERGETIKA GURUHI» ХК корхонасида жорий қилинган («Ўзбекнефтгаз» АЖнинг 2022 йил 10 июндаги 02/18-7/09-сон маълумотномаси). Натижада, Муллахол конидаги 12, 24, 37 ва 47-сонли қудуқларида қуйи бўр ётқизиқларидан кунига 24 тоннагача нефть олиш имконини берган;  
Ғарбий ва Шарқий Тошли конларида ўтказиб юборилган объектлар ва маҳсулдор горизонтларни синовдан ўтказишда юра ва бўр ётқизиқларидаги уюмларнинг геологик моделлари МЧЖ «SANOAT ENERGETIKA GURUHI» ХК корхонасида жорий қилинган («Ўзбекнефтгаз» АЖнинг 2022 йил 10 июндаги 02/18-7/09-сон маълумотномаси). Натижада, ушбу конлардаги бўр ва юра даври ётқизиқларида ўтказиб юборилган қатламлардан суткасига 110 тоннагача нефть оқимини олиш имконини берган.