Авлияқулов Толиб Холмуродовичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “10-11 синф ўқувчиларини касб-ҳунарга йўналтиришнинг дидактик таъминотини такомиллаштириш”, 13.00.01-Педагогика назарияси. Педагогик таълимотлар тарихи (педагогика фанлари). 
Диссертация мавзуси рўйхатга олинган рақам: B2022.2PhD/Ped2061.
Илмий раҳбар: Чариев Иргаш Тўраевич, педагогика фанлари доктори, профессор.
Диссертация бажарилган муассаса номи: Термиз давлат университети.
ИК фаолият кўрсатаётган муассаса номи, ИК рақами: Термиз давлат университети, PhD.03/30.12.2019.Ped.78.03.
Расмий оппонентлар: Олимов Ширинбой Шарафович, педагогика фанлари доктори, профессор; Қосимов Шавкат Ўролович, педагогика фанлари бўйича фалсафа доктори (PhD), доцент.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади 10-11-синф ўқувчиларини касб-ҳунарга йўналтиришнинг дидактик таъминотини такомиллаштириш ҳамда бу жараённи самарали кечишини таъминлашга йўналтирилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
ўқувчиларни касб-ҳунарга йўналтириш жараёнлари ва индивидуал-шахсий хусусиятларининг (мақсад аниқлиги, рефлексия, прогнозлаш кабилар) ўзаро алоқадорлиги касбий ориентациянинг ички англанганлик даражаси детерминаллиги ва адекватлигига устуворлик бериш асосида аниқлаштирилган;
касбга йўналтиришнинг квазипрофессионал тузилмаси фаолият таркибий асослари (табиий-генетик, муҳитли-вазиятли, йўналтирувчи, атракторли (қадриятлар, анъаналар), когерентлик (ўзаро алоқадорлик)) ҳамда ҳаётий мақсадларни ўрнатиш билан боғлиқ циклик тавсиф ва иерархик намоён бўлиш мантиқининг уйғунлигига кўра такомиллаштирилган;
ўқувчиларни касб-ҳунарга йўналтириш босқичларининг амалий компонентлари таркиби технологик таълим мазмунига доир ўқувчиларни касб-ҳунарга йўналтиришнинг анъанавий ва рақамли интерфаол ёндашувларнинг праксиологик аспектларини киритиш асосида кенгайтирилган;
10-11-синф ўқувчиларини касб-ҳунарга йўналтиришнинг дидактик таъминоти (ролли, ишбоп, ситуатив, креатив ўйин ва машқлар) устоз-шогирд анъаналари ва профессионал таълим интеграциясига асосланган миллий-касбий тизимини йирик блокларда концентрлашда касб-ҳунарга мақсадли йўналтиришнинг дидактик таъминотини ишлаб чиқиш асосида такомиллаштирилган.
IV. Тадқиқот натижаларининг жорий қилиниши. 10-11-синф ўқувчиларини касб-ҳунарга йўналтиришнинг дидактик таъминотини такомиллаштиришга доир тадқиқот натижалари асосида:
ўқувчиларни касб-ҳунарга йўналтириш жараёнлари ва индивидуал-шахсий хусусиятларининг (мақсад аниқлиги, рефлексия, прогнозлаш кабилар) ўзаро алоқадорлиги касбий ориентациянинг ички англанганлик даражаси детерминаллиги ва адекватлигига устуворлик бериш асосида аниқлаштирилганлигига доир таклифлардан ўқувчиларни касб-ҳунарга йўналтириш ва психологик-педагогик Республика ташхис марказининг 2020 йил 25 сентябрдаги 46-сонли буйруғи билан тасдиқланган “Устоз шогирд” анъанаси бўйича йўриқномасини ишлаб чиқишда фойдаланилган (Ўзбекистон Республикаси Халқ таълими вазирлиги ҳузуридаги Республика таълим марказининг 2021 йил 17 сентябрдаги 01/11-02/02-1378-сон маълумотномаси). Натижада, касб-ҳунарга йўналтиришнинг дидактик таъминотини ривожлантириш бўйича касбий фаолиятни ташкил этишнинг амалий аҳамиятлилик даражасини оширишга эришилган;
касбга йўналтиришнинг квазипрофессионал тузилмаси фаолият таркибий асослари (табиий-генетик, муҳитли-вазиятли, йўналтирувчи, атракторли (қадриятлар, анъаналар), когерентлик (ўзаро алоқадорлик)) ҳамда ҳаётий мақсадларни ўрнатиш билан боғлиқ циклик тавсиф ва иерархик намоён бўлиш мантиқининг уйғунлигига кўра такомиллаштиришга оид таклиф ва тавсияларидан Термиз давлат университети илмий тадқиқот ишлари режасининг ОТ-Ф1-002 “Ёшларда миллий ғоя ва мафкуравий иммунитетни шакллантиришнинг психологик механизмлари” амалий тадқиқот лойиҳаси доирасидаги “Касбим-келажагим” номли ягона касбий ахборот платформасини ишлаб чиқишда фойдаланилган (Ўзбекистон Республикаси Халқ таълими вазирлиги ҳузуридаги Республика таълим марказининг 2021 йил 17 сентябрдаги 01/11-02/02-1378-сон маълумотномаси).  Натижада, касб-ҳунарга йўналтиришнинг педагогик-психологик, фалсафий, ҳуқуқий, ижтимоий ёндашувлар асосида такомиллаштиришга хизмат қилган;
ўқувчиларни касб-ҳунарга йўналтириш босқичларининг амалий компонентлари таркиби, технологик таълим мазмунига анъанавий ва рақамли интерфаол ёндашувларнинг праксиологик аспектлари, 10-11-синф ўқувчиларини касб-ҳунарга йўналтиришнинг дидактик таъминоти (ролли, ишбоп, ситуатив, креатив ўйин ва машқлар) устоз-шогирд анъаналари ва профессионал таълим интеграцияси, миллий-касбий тизимни йирик блокларда концентрлаш алгоритмига оид таклиф ва тавсиялардан Термиз давлат университети илмий тадқиқот ишлари режасининг ОТ-Ф1-002 “Ёшларда миллий ғоя ва мафкуравий иммунитетни шакллантиришнинг психологик механизмлари” амалий тадқиқот лойиҳаси доирасидаги “Устоз-шогирд” анъанаси бўйича йўриқномасини ишлаб чиқишда фойдаланилган (Ўзбекистон Республикаси Халқ таълими вазирлиги ҳузуридаги Республика таълим марказининг 2021 йил 17 сентябрдаги 01/11-02/02-1378-сон маълумотномаси). Натижада, касбий компетентликка устуворлик бериш асосида ўқувчиларнинг умумкасбий компетенцияларни эгаллаш тизимини ишлаб чиқишга хизмат қилади.