Кадирова Наргиза Эркиновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Беморларда баъзи генотипик ва фенотипик хусусиятларни ҳисобга олган ҳолда бруцеллёзнинг клиник кечиши», 14.00.10 – Юқумли касалликлар   (тиббиёт фанлари).
Диссертация мавзуси рўйхатга олинган рақам: В2019.2.PhD/Tib903.
Илмий раҳбар: Ибадова Гулнара Алиевна, тиббиёт фанлари доктори, профессор. 
Диссертация бажарилган муассаса номи: Тиббиёт ходимларининг касбий малакасини ривожлантириш маркази.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази, DSc.04/30.12.2019.Tib.30.01.
Расмий оппонентлар: Худайкулова Гулнара Каримовна, тиббиёт фанлари доктори, доцент; Камилов Фарход Хайдарович, тиббиёт фанлари доктори, доцент.
Етакчи ташкилот: Бухоро давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: беморларда баъзи генотипик ва фенотипик хусусиятларни ҳисобга олган ҳолда бруцеллёзнинг клиник кечишини ва оқибатларини баҳолашдан иборат.
III. Тадқиқотнинг илмий янгилиги:
илк бор беморларни фенотип ацетилланиш тезлигини ва дизэмбриогенез стигмаларини ҳисобга олган ҳолда бруцеллёзнинг  клиник кечиши хусусиятлари аниқланган; 
илк маротаба фенотипик ацетилланишнинг тез турига касалликнинг ўткир шаклда, секин турига эса иккиламчи сурункали шаклда кечиши хослиги аниқланган;
бруцеллезда секин фенотипик ацетиллаш (СФА)да асаб тизимини зарарланиши ва спленомегалия белгилари устунлиги билан оғирроқ ва давомий кечиши хослиги исботланган;
илк бор фенотип ацетилланишни тезлигига қараб бруцеллёзни ўткир клиник шаклини даволаш самараси асосланган;
илк бор беморларни генотипик ва фенотипик хусусиятларини ҳисобга олган ҳолда бруцеллёзнинг клиник кечиши, оқибати ва асоратларини эрта башоратловчи мезонлар ишлаб чиқилган.
IV. Тадқиқот натижаларининг жорий қилиниши.
Беморларни баъзи генотипик ва фенотипик хусусиятларини ҳисобга олган ҳолда бруцеллёзнинг клиник кечиши бўйича олинган натижалар асосида: 
бруцеллёз билан касалланган беморларни эрта ташхисоти ва даволашни такомиллаштириш бўйича олиб борилган тадқиқотнинг илмий натижалари асосида ишлаб чиқилган «Бруцеллёз билан  касалланган беморларни олиб бориш ва даволашни оптималлаштириш» номли услубий тавсиянома тасдиқланган (Соғлиқни сақлаш вазирлигининг 2020 йил 29 декабрдаги  8н-р/650-сон маълумотномаси).  Мазкур услубий тавсиянома бруцеллёз билан оғриган беморларда фенотип ацетилланиш турини аниқлаш орқали касалликни асоратли кечишини ҳамда ўткир жараённи сурункалига ўтишини эрта башоратлаш ва ташхислаш имконини берган;
олинган илмий тадқиқот натижалари соғлиқни сақлаш амалиётига, жумладан, Бухоро ва Қашқадарё вилоят юқумли касалликлар шифохоналари амалиётига жорий этилган (Соғлиқни сақлаш вазирлигининг 2022 йил 27 апрелдаги 8н-р/201-сон маълумотномаси). Ушбу тадқиқот бруцеллёзнинг турли клиник шаклларида беморларнинг фенотип ацетиллаш тезлигини ва тўқималарга нисбатан антигенни боғловчи лимфоцитларни аниқлаш, ўткир жараённи сурункали жараёнга ўтишини камайтиришга, иш қобилиятини тезроқ тиклаш, беморларни самарали даволашга имкон яратган.