Нариманов Қаҳрамон Гулямджановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): «Абу Райҳон Беруний ва Фрэнсис Бэкон гносеологик-ахлоқий концепцияларининг фалсафий-компаративистик тадқиқи», 09.00.03 – Фалсафа тарихи (фалсафа фанлари).
Диссертация мавзуси рўйхатга олинган рақам: B2018.2.PhD/Fal.202.
Илмий раҳбар: Иззетова Эмине Мустафаевна, фалсафа фанлари доктори, доцент.
Диссертация бажарилган муассаса номи: Тошкент давлат шарқшунослик университети
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.F.01.05.
Расмий оппонентлар: Тўраев Бахтиёр Омонович, фалсафа фанлари доктори, профессор; Намозов Бобур Бахриевич, фалсафа фанлари доктори, профессор.
Етакчи ташкилот: Тошкент тўқимачалик ва енгил саноат институти.
Диссертация йўналиши: назарий-амалий аҳамиятга молик.
II. Тадқиқотнинг мақсади Абу Райҳон Беруний ва Фрэнсис Бэкон билиш концепцияларининг гносеологик ва ахлоқий жиҳатларини комплекс фалсафий очиб беришдан иборат.
III. Тадқиқотнинг илмий янгилиги:
Абу Райҳон Беруний ва Фрэнсис Бэкон фалсафаси шаклланишининг илк фан ва ҳақиқий фан босқичи билан боғлиқ праксеологик, маданий, ижтимоий-тарихий омиллари ва инсоннинг билиш имкониятларига оид генетик, ижтимоий муҳит, тафаккур услубига оид ғоявий манбалари ҳақидаги қарашлар фалсафий жиҳатдан асосланган;
хорижлик ва Ўзбекистон файласуфлари томонидан Абу Райҳон Беруний ва Фрэнсис Бэкон билиш концепцияларининг ҳиссий, назарий, эмпирик, мантиқий ва интуитив билиш даражаларини фарқлашга қаратилган ёндашувларидаги адекватликнинг феноменологик жиҳати очиб берилган;
Абу Райҳон Беруний ва Фрэнсис Бэкон билиш фалсафасида сенсуализм, рационализм ва эмпиризмнинг ижтимоий ғояларга асосланганлигининг сабаби ахлоқнинг тушунча, тамойил ва меъёрлар билан ўзаро диалектик алоқадорлигида эканлиги исботланган;
Абу Райҳон Беруний ва Фрэнсис Бэконнинг методологик анъаналарини когнитив, фактологик, методологик, аксиологик, прагматик, сциентик мазмундаги илмий билиш ва фанга оид парадигмалари кейинги давр фалсафий мактаблар, таълимотларга конструктив таъсири дунёнинг яхлит илмий манзарасини билиш жиҳатдан аҳамиятга эгалиги исботган.
IV. Тадқиқот натижаларининг жорий қилиниши. Абу Райҳон Беруний ва Фрэнсис Бэкон ахлоқий-гносеологик концепцияларининг фалсафий-компаративистик тадқиқ этиш давомида олинган илмий натижалар асосида: 
Абу Райҳон Беруний ва Фрэнсис Бэкон фалсафаси шаклланишининг илк фан ва ҳақиқий фан босқичи билан боғлиқ праксеологик, маданий, ижтимоий-тарихий омиллари ва инсоннинг билиш имкониятларига оид генетик, ижтимоий муҳит, тафаккур услубига оид ғоявий манбалари ҳақидаги қарашлар фалсафий жиҳатларига оид хулосалар, таклиф ва тавсиялардан “O’zbekiston tarixi” телеканалининг туркум кўрсатувларидан “Тарихий савол” ток-шоусининг 2021 йил 29 августдаги “Беруний ва унинг илмий мероси” мавзусида ўтказилган сонида, 2020 йил 23 октябрдаги “Мавзу” кўрсатувида фойдаланилган (Ўзбекистон миллий телерадиокомпаниясининг 2022 йил 15 октябрдаги 04-15/2081-сон далолатномаси). Натижада, телекўрсатув ва эшиттиришларга диссертация материаллари ва ундаги илмий хулосалар методологик асос бўлиб хизмат қилган;
хорижлик ва Ўзбекистон файласуфлари томонидан Абу Райҳон Беруний ва Фрэнсис Бэкон билиш концепцияларининг ҳиссий, назарий, эмпирик, мантиқий ва интуитив билиш даражаларини фарқлашга қаратилган ёндашувларидаги адекватликнинг феноменологик жиҳатига оид илмий хулосалардан Ўзбекистон Ёшлар ишлари агентлигининг «Ёшларга оид давлат сиёсати тарғиботи ойлиги» лойиҳасини ўтказиш бўйича комплекс чора-тадбирлар режасини ишлаб чиқишда фойдаланилган (Ўзбекистон Ёшлар иттифоқининг 2022 йил 23 сентябрдаги 4-13-23-3116-сон далолатномаси). Натижада, ёшларимизнинг миллий қадриятларимизга бўлган эътиборини янада кучайтиришга ҳамда бу борадаги билим ва кўникмаларни оширишга хизмат қилган;
Абу Райҳон Беруний ва Фрэнсис Бэкон билиш фалсафасида сенсуализм, рационализм ва эмпиризмнинг ижтимоий ғояларга асосланганлигининг сабаби ахлоқнинг тушунча, тамойил ва меъёрлар билан ўзаро диалектик алоқадорлигида эканлигига оид илмий хулоса ва тавсиялардан Республика Маънавият ва маърифат марказининг  Маънавият ва ижодни қўллаб-қувватлаш мақсадли жамғармаси маблағлари ҳисобидан ўзбек, қорақалпоқ, рус, инглиз, араб ва форс тилларида нашр этиш бўйича таклифлар ишлаб чиқишда фойдаланилган (Республика Маънавият ва маърифат марказининг 2022 йил 28 сентябрдаги 02-11/266-сон далолатномаси). Натижада, диссертацияда илгари сурилган таклифлар, тавсия ва хулосалари Республика Маънавият ва маърифат маркази томонидан амалга ошириладиган ўқув-услубий материалларни такомиллаштиришга ва давра суҳбатларини ўтказишда хизмат қилган.  
Абу Райҳон Беруний ва Фрэнсис Бэконнинг методологик анъаналарини когнитив, фактологик, методологик, аксиологик, прагматик, сциентик мазмундаги илмий билиш ва фанга оид парадигмалари кейинги давр фалсафий мактаблар, таълимотларга конструктив таъсири дунёнинг яхлит илмий манзарасини билиш жиҳатдан аҳамиятга эгалиги бўйича таклиф ва тавсиялардан Абу Райҳон Беруний номидаги Шарқшунослик  институтининг ҳар йили анъанавий ўтказиб келинаётган “Беруний ўқишлари” Республика илмий-амалий конференциясида ва “Шарқ халқлари фани ва маданияти” бўлимидаги тадқиқотларда фойдаланилган (Абу Райҳон Беруний номидаги шарқшунослик институти 2022 йил 6 октябрдаги 516-сон далолатномаси). Натижада, диссертация материаллари Абу Райҳон Беруний номидаги Шарқшунослик институтида Абу Райҳон Беруний меросини илмий тадқиқ этишга хизмат қилган.