Абдурахимов Муҳаммад Анваровичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бошланғич хомашё хоссалари ўзгарувчан шароитларида, турли хил абсорбент аралашмаларидан фойдаланган ҳолда табиий газ сифатини яхшилаш», 04.00.13 – Нефть ва газ конларини ўзлаштириш ҳамда ишлатиш (техника фанлари).
Диссертация мавзуси рўйхатга олинган рақам: B2021.4.PhD/Т2471.
Илмий раҳбар: Ли Роберт Чанирович, техника фанлари доктори, профессор.
Диссертация бажарилган муассаса номи: «O‘ZLITINEFTGAZ» АЖ.
ИК фаолият кўрсатаётган муассаса номи, ИК рақами: “O`ZLITINEFTGAZ” АЖ, DSc.23/25.08.2021.T.136.01.
Расмий оппонентлар: Сайдахмедов Элёрбек Эгамбердиевич, техника фанлари доктори, профессор; Адизов Бобуржон Замирович, техника фанлари доктори.
Етакчи ташкилот: Тошкент давлат техника университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: товар маҳсулотларга қўйиладиган талаблар ва хомашё параметрларининг ўзгарувчан шароитларида табиий газнинг таркибидан нордон компонентларни ажратиб олиш учун комплекс таъсир этувчи амин эритмасининг оптимал нисбатларини аниқлаш усулини ишлаб чиқишдан иборат.
III. Тадқиқотнинг илмий янгилиги:
МДЭА сувли эритмасига маълум миқдорда ДЭА моддасини қўшиш орқали ушбу эритманинг СО2 га нисбатан ютувчанлик қобилиятининг ортиши аниқланган;
28 % ли МДЭА ва 2 % ли ДЭА концентрацияга эга (нисбатида) эритмани қўллаш, газ таркибидаги карбонат ангидрид миқдори 1,5 % молдан паст, Н2S миқдори эса 3,5 ppm -дан паст бўлиши ва бу эса давлат стандартига мос тушиши аниқланган;
композиция таркибида 28 % ли МДЭА ва 2 % ли ДЭА бўлган эритмани қўллаш, айланма эритма миқдорини 10-11% гача камайтириши аниқланган;
таклиф этилаётган аминлар комбинацияси ёрдамида абсорбция жараёнини технологик схемаси такомиллаштирилган.
IV. Тадқиқот натижаларининг жорий қилиниши.
Бошланғич хомашё хоссалари ўзгарувчан шароитларида, турли хил абсорбент аралашмаларидан фойдаланган ҳолда табиий газ сифатини яхшилаш бўйича олинган илмий натижалар асосида:
табиий газни карбонат ангидриддан (CO2) ажратиш учун амин композицияларини олиш технологияси «Ўзбекнефтегаз» АЖда амалиётга жорий этилган («Ўзбекнефтегаз» АЖнинг 2022 йил 18 февралдаги 03/17-5/26-сон маълумотномаси). Натижада, айланма эритма миқдорини 10-11 % га ҳамда табиий газни транспортга тайёрлашга сарфланаётган операцион харажатларни камайтириш имконини берган;
табиий газни комбинацияланган аминлар ёрдамида абсорбцион тозалаш  технологияси «Ўзбекнефтегаз» АЖда амалиётга жорий этилган («Ўзбекнефтегаз» АЖнинг 2022 йил 18 февралдаги 03/17-5/26-сон маълумотномаси). Натижада, табиий газ таркибидаги СО2 миқдорини 1.5% гача камайтириш имконини берган.