Нематуллоев Сухроб Собировичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда кичик бизнес фаолиятида инвестициялардан самарали фойдаланиш механизмларини такомиллаштириш», 08.00.07 – Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: В2022.2.PhD/Iqt2388.
Илмий раҳбар: Гафуров Убайдулло Вахабович, иқтисодиёт фанлари доктори, профессор.
Диссертация бажарилган муассаса номи: Ўзбекистон Республикаси Банк-молия академияси.
ИК фаолият кўрсатаётган муассаса номи, ИК рақами: Ўзбекистон Республикаси Банк-молия академияси, DSc.9/31.08.2022.I.151.01.
Расмий оппонентлар: Атаниязов Жасурбек Ҳамидович, иқтисодиёт фанлари доктори, профессор; Ахмедов Жавохир Жамолович, иқтисодиёт фанлари бўйича фалсафа доктори (PhD).
Етакчи ташкилот:Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Бизнес ва тадбиркорлик олий мактаби.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистонда кичик бизнес фаолиятида инвестициялардан самарали фойдаланиш механизмларини такомиллаштириш юзасидан тавсиялар ишлаб чиқишдан иборат.
III. Тадқиқотнинг илмий янгилиги:
ягона технологик ишлаб чиқариш занжирининг (масалан, хомашё етказувчи, ярим тайёр маҳсулот ишлаб чиқарувчи, тайёр маҳсулот ишлаб чиқарувчи ва ҳ.к.) потенциал “бўғинлари” сифатида майдонга чиқиши мумкин бўлган корхоналар гуруҳини биргаликда инвестицион кредитлаш тартиби таклиф этилган;
ҳудудлар кичик бизнес корхоналаридаги асосий капиталга киритилган инвестициялар ҳажмини ошириш учун “тармоқ + ҳудуд” кесимидаги кичик бизнес корхоналари инвестиция дастурларини ишлаб чиқиш таклифи асосланган;
турли даражадаги инвесторлар манфаатдорлигини уйғунлаштириш механизмини кучайтириш мақсадида ҳар бир тармоқ кесимида инвестиция сиёсатининг кичик бизнес субъектлари учун мўлжалланган махсус қисмини шакллантириш таклифи ишлаб чиқилган; 
тижорат банклари томонидан кичик бизнес субъектларини кредитлашда муайян корхона хусусий инвестиция муҳитининг тегишли тармоқ бўйича қулай инвестиция муҳити мукаммал (максимал) шартларига мувофиқлиги даражасини ҳисобга олиш таклифи асосланган.
IV. Тадқиқот натижаларининг жорий қилиниши. Ўзбекистонда кичик бизнес фаолиятида инвестициялардан самарали фойдаланиш механизмларини такомиллаштириш юзасидан ишлаб чиқилган илмий-услубий ва амалий тавсиялар асосида:
ягона технологик ишлаб чиқариш занжирининг (масалан, хомашё етказувчи, ярим тайёр маҳсулот ишлаб чиқарувчи, тайёр маҳсулот ишлаб чиқарувчи ва ҳ.к.) потенциал “бўғинлари” сифатида майдонга чиқиши мумкин бўлган корхоналар гуруҳини биргаликда инвестицион кредитлаш тартибини қўллаш таклифидан Ўзбекистон Республикаси “Микрокредитбанк” АТБнинг 2022 йил учун кредит сиёсатини ишлаб чиқишда фойдаланилган (“Микрокредитбанк” АТБнинг 2022 йил 25 июлдаги 03-40/9300-сон маълумотномаси). Бунинг натижасида банк томонидан кичик бизнес субъектларига ажратилаётган инвестицион кредитлардан фойдаланиш самарадорлиги ҳамда қайтарилиш даражаси ошган;
ҳудудлар кичик бизнес корхоналаридаги асосий капиталга киритилган инвестициялар ҳажмини ошириш учун “тармоқ + ҳудуд” кесимидаги кичик бизнес корхоналари инвестиция дастурларини ишлаб чиқиш таклифидан Ўзбекистон Республикаси “Микрокредитбанк” АТБнинг инвестициялар дастурларини ишлаб чиқиш ва амалга ошириш бўйича йўл хариталарини тайёрлашда фойдаланилган (“Микрокредитбанк” АТБнинг 2022 йил 25 июлдаги 03-40/9300-сон маълумотномаси). Бунинг натижасида банк томонидан кичик бизнес субъектлари асосий капиталига киритилаётган инвестициялар ҳажмини ошириш имкони яратилган;
турли даражадаги инвесторлар манфаатдорлигини уйғунлаштириш механизмини кучайтириш мақсадида ҳар бир тармоқ кесимида инвестиция сиёсатининг кичик бизнес субъектлари учун мўлжалланган махсус қисмини шакллантириш таклифидан Ўзбекистон Республикаси “Микрокредитбанк” АТБнинг 2022 йил учун кредит сиёсатини ишлаб чиқишда фойдаланилган (“Микрокредитбанк” АТБнинг 2022 йил 25 июлдаги 03-40/9300-сон маълумотномаси). Бунинг натижасида банк томонидан кичик бизнес субъектларига инвестицион кредитларнинг ажратилишида тармоқлар ва соҳалар кесимида турли даражадаги инвесторлар манфаатдорлигини ҳисобга олиш имкони яратилган; 
тижорат банклари томонидан кичик бизнес субъектларини кредитлашда муайян корхона хусусий инвестиция муҳитининг тегишли тармоқ бўйича қулай инвестиция муҳити мукаммал (максимал) шартларига мувофиқлиги даражасини ҳисобга олиш таклифидан Ўзбекистон Республикаси “Микрокредитбанк” АТБнинг инвестициялар дастурларини ишлаб чиқиш ва амалга ошириш бўйича йўл хариталарини тайёрлашда фойдаланилган (“Микрокредитбанк” АТБнинг 2022 йил 25 июлдаги 03-40/9300-сон маълумотномаси). Бунинг натижасида банк томонидан кичик бизнес субъектлари фаолиятини кредитлашда ҳар бир корхонанинг инвестиция муҳити хусусиятлари ва уларнинг кредит ресурсларидан самарали фойдаланилишни таъминлашни аниқлаш имкони яратилган.