Урманбаева Дилбархон Абдулкосимовнанинг 
фалсафа доктори (PHD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Сут бези саратони ва саратон олди касалликларини эрта ташхислашда комплекс профилактик чора-тадбирларнинг аҳамияти», 14.00.43 – Профилактик тиббиёт (тиббиёт фанлари). 
Диссертация мавзуси рўйхатга олинган рақам: В2021.1.PhD/Tib488.
Илмий раҳбар: Мамарасулова Дилфузахон Закиржановна, тиббиёт фанлари доктори, доцент.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Андижон давлат тиббиёт институти, PhD.04/04.03.2022.Tib.95.02.
Расмий оппонентлар: Жўраева Мохигул Азимжановна, тиббиёт фанлари доктори, доцент; Исламбекова Зулфия Астанакуловна, тиббиёт фанлари доктори.
Етакчи ташкилот: Самарқанд давлат тиббиёт университети.
Диссертациянинг йўналиши: амалий аҳамиятга мувофиқ.
II. Тадқиқотнинг мақсади: сут бези саратони ва саратонолди патологиясини оммавий профилактик тадбирларни қўллаш йўли билан эрта босқичларда аниқлашни  такомиллаштиришдан иборат.
III. Тадқиқотнинг илмий янгилиги:
илк бор вилоят статистик  маълумотлари таҳлили ёрдамида Андижон тумани ва Андижон шаҳрида касалликнинг популяцион-прогностик аҳамияти юқори эканлиги тадқиқот йилларида аёллар вилоят аҳолисининг 50% ини ташкил этиши, стандартлаштириш усули ёрдамида сут бези саратонининг касалланишва ўлим индекслари клиник параллеллик асосида ўсиб бориши ва пасайиши исботланган; 
сут бези саратонолди ва саратон патологиясини эрта аниқлаш мақсадида ҳудуд аёлларини анкета саволлари асосида тасодифий танлаш йўли билан ўтказилган оммавий профилактик кўрув натижалари таҳлили асосида касалликни эрта босқичларда аниқлашда ижобий самарадорликка эришиш исботланган;  
аёллар популяцияси орасида сут бези саратонидан касалланиш ва ўлимни ишончли тарзда камайтиришга имкон берадиган инновацион алгоритм ҳудудий омилларни инобатга олинган ҳолда ишлаб чиқилган;
илк бор бирламчи бўғин ва патронаж тизими ходимларини сут бези патологиясини эрта аниқлаш мақсадида ўқитиш учун пилот дастур яратилган ва унинг самарадорлиги профилактик кўрувларга аёллар қамровини кескин ортиши ҳамда ҳудудда СБС эрта(I-II) босқичларда аниқланиш кўрсаткичи  25-30% га ортиши асосланган.
IV. Тадқиқот натижаларининг жорий қилиниши. 
Cут бези саратони ва саратонолди патологиясини оммавий профилактик тадбирларни қўллаш йўли билан эрта босқичларда аниқлашни такомиллаштириш бўйича олинган илмий натижалар асосида:
сут бези саратони ва саратон олди касаллигини эрта ташхислаш ва олдини олишда комплекс профилактик чора-тадбирларни янада такомиллаштириш  бўйича олиб борилган тадқиқотнинг илмий натижалари асосида ишлаб чиқилган «Андижон вилоятида хавфли ўсмалар эпидемиологияси ва уларнинг профилактикаси» номли услубий тавсиянома тасдиқланган (Соғлиқни сақлаш вазирлигининг 2020 йил 9 октябрдаги 8н/р/346-сон маълумотномаси).  Андижон тумани ва Андижон шаҳри аёллар популяцияси орасида сут бези саратони ва саратонолди касалликларини эрта босқичларда аниқлаш ва олдини олиш бўйича таклиф этилган тавсиялар сут бези саратони ва саратонолди касалликларини эрта аниқлаш самарадорлигини оширишга имкон берди;
сут бези саратони ва саратонолди касалликларини эрта босқичларда аниқлаш ва олдини олиш сифатини ошириш бўйича олинган илмий натижалар соғлиқни сақлаш амалиётига, жумладан, Андижон вилояти тиббиёт бирлашмаларига, поликлиникалар онкокабинетларига ҳамда Республика ихтисослаштирилган онкология ва радиология илмий амалий тиббиёт маркази Андижон филиали амалиётига жорий этилган (Соғлиқни сақлаш вазирлигининг 2022 йил 1 мартдаги 8н-з/131-сон маълумотномаси). Жорий этилган тадқиқот натижалари асосида аҳолининг  режалаштирилган профилактик кўриклар мақсадини тўғри тушуниши ва тиббий маданият шаклланиши, профилактик кўрикларга аёллар қамрови кескин яхшиланиши ва сут бези касаллигини эрта босқичларда аниқлаш кўрсаткичи ортиши, касаллик асоратларини олдини олиш, беморларнинг ҳаёт сифатини яхшилаш ҳамда стационар даволаниш муддати ва харажатларини камайтириш имконини берди.