Абдуллаев Абдуқаюм Абдулхаевичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Халқ ўйинлари воситасида ўқувчиларда соғлом турмуш тарзи кўникмаларини шакллантириш механизмларини такомиллаштириш”, 13.00.01 - Педагогика назарияси. Педагогик таълимотлар тарихи (педагогика фанлари)
Диссертация мавзуси рўйхатга олинган рақами: В2018.3.PhD/Ped532.
Илмий раҳбар: Мардонов Шукурулло Қўлдошевич, педагогика фанлари доктори, профессор. 
Диссертация бажарилган муассаса номи: Чирчиқ давлат педагогика университети.
ИК фаолият кўрсатаётган муассаса номи, ИК рақами: Чирчиқ давлат педагогика университети, DSc.03/30.04.2021.Ped.82.01.
Расмий оппонентлар: Нурманов Абдуназар Ташбаевич, педагогика фанлари доктори, профессор; Шарипова Дилара Джуманиязовна, педагогика фанлари доктори, профессор.
Етакчи ташкилот: Қўқон давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади халқ ўйинлари воситасида ўқувчиларда соғлом турмуш тарзи кўникмаларини шакллантириш механизмларини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
ўқувчиларда соғлом турмуш тарзи кўникмаларини шакллантириш жараёнининг когнитив, тайёрлов ҳамда натижавий фазаларига устуворлик бериш асосида жисмоний тарбияланишнинг операцион, рефлексив ва мотивацион кўникмалари ҳамда йўналтирувчи, мазмунли ва жараёнли соғлом хулқ-атворга оид компонентлари аниқлаштирилган;
халқ ўйинлари орқали ўқувчиларнинг соғлом турмуш тарзи кўникмаларини шакллантиришнинг функционал модели педагогик фаолиятнинг когнитив, аксиологик ва рефлексив компонентлари таксономиясини мавжуд таълим шароитига имплементация қилиш асосида такомиллаштирилган; 
халқ ўйинлари воситасида ўқувчиларда соғлом турмуш тарзи кўникмаларини шакллантиришнинг педагогик механизмлари ўқувчиларнинг индивидуал таълим траекторияси ва жисмоний фаолиятга оид махсус курс методикасини кейс, ассисмент ва интерфаол машқларга мослаштириш асосида такомиллаштирилган;
жисмоний тарбия ва синфдан ташқари машғулотларни аниқ мақсадга йўналтирилган ва мотивацион-диагностик, ахборотли-когнитив, операцион-фаолиятли, натижавий-рефлексив компонентлари ўртасида ўзаро ички интеграцияни таъминлаш асосида соғлом турмуш тарзи кўникмаларини шакллантиришнинг рефлексив технологиялари такомиллаштирилган.
IV. Тадқиқот натижаларининг жорий қилиниши. Халқ ўйинлари воситасида ўқувчиларда соғлом турмуш тарзи кўникмаларини шакллантириш механизмларини такомиллаштириш бўйича олинган натижалар:
ўқувчиларда соғлом турмуш тарзи кўникмаларини шакллантириш жараёни, жисмоний тарбияланишнинг операцион, рефлексив ва мотивацион кўникмалари ҳамда йўналтирувчи, мазмунли ва жараёнли соғлом хулқ-атворга оид компонентлари, халқ ўйинлари воситасида ўқувчиларда соғлом турмуш тарзи кўникмаларини шакллантиришнинг асослари бўйича таклиф ва тавсиялар “Ҳаракатли ўйинларни ўргатиш методикаси” номли дарслик мазмунига сингдирилган (Олий ва ўрта махсус таълим вазирлигининг 2021 йил 18 августдаги 356-сонли буйруғига асосан нашрга тавсия этилган. Рўйхатга олиш рақами 356/7-128). Натижада, умумий ўрта ва ўрта махсус, касб-ҳунар таълимининг жисмоний тарбия дарслари ва синфдан ташқари ишлари жараёни дастурлари мазмуни такомиллашган;  
халқ ўйинлари орқали ўқувчиларнинг соғлом турмуш тарзи кўникмаларини шакллантиришнинг функционал модели, халқ ўйинлари воситасида ўқувчиларда соғлом турмуш тарзи кўникмаларини шакллантириш механизмларини такомиллаштириш, соғлом турмуш тарзини такомиллаштиришга қаратилган рефлексив технологиялар бўйича таклиф ва тавсиялар Низомий номидаги Тошкент давлат педагогика университетининг  ЁА-1-6 рақамли “Жисмоний маданиятни ўқитишда инновацион педагогик технологияларнинг модернизациялашган тизимини ишлаб чиқиш” амалий лойиҳасида (2016-2017 йй) ва Т.Н.Қори Ниёзий номидаги ЎзПФИТИнинг ИТД-1-19 рақамли “Бадиий эстетик таълимнинг янги мазмунини шакллантиришнинг дидактик асослари (олий мусиқий ва мактабдан ташқари таълим мисолида)” илмий лойиҳаси (2017-2018 йй.)ни бажаришда фойдаланилган (Ўзбекистон Республикаси Жисмоний тарбия ва спорт вазирлигининг 2018 йил 10 декабрдаги 01-07-06-3139-сон маълумотномаси). Натижада, халқ ўйинлари воситасида ўқувчиларда соғлом турмуш тарзи кўникмаларини шакллантиришда инновацион педагогик технологиялар ва дидактик асослардан фойдаланиш жараёни кучайтирилган; 
жисмоний тарбия ва синфдан ташқари машғулотларни аниқ мақсадга йўналтирилган ва мотивацион-диагностик, ахборотли-когнитив, операцион-фаолиятли, натижавий-рефлексив компонентлари, халқ ўйинлари воситасида ўқувчиларда соғлом турмуш тарзи кўникмаларини шакллантириш механизмларини такомиллаштириш бўйича илмий хулоса, амалий таклиф ва тавсиялар “Ҳаракатли ўйинларни ўргатиш методикаси” номли дарслик мазмунига сингдирилган (Олий ва ўрта махсус таълим вазирлигининг 2021 йил 18 августдаги 356-сонли буйруғига асосан нашрга тавсия этилган. Рўйхатга олиш рақами 356/7-128). Натижада, дарсликнинг назарий ва методологик асослари халқ ўйинларини жисмоний тарбия таълими мазмунига сингдириш орқали такомиллашган.