Изатиллаев Иброимжон Рахмаджоновичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Перфорацияланган ўн икки бармоқли ичак яраси жарроҳлигида пилорус сақловчи дуоденопластиканинг ўрни ва жойи», 14.00.27 – Хирургия (тиббиёт фанлари). 
Диссертация мавзуси рўйхатга олинган рақам: B2021.3.PhD/Tib2157. 
Илмий раҳбар: Ботиров Акрам Кодиралиевич, тиббиёт фанлари доктори, доцент.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Андижон давлат тиббиёт институти PhD.04/30.12.2019.Tib.95.01.
Расмий оппонентлар: Хакимов Сарвар Пулатович, тиббиёт фанлари доктори; Мусашайхов Хусанбой Таджибаевич, тиббиёт фанлари доктори.
Етакчи ташкилот: Самарқанд давлат тиббиёт университети
Диссертациянинг йўналиши: амалий аҳамиятга молик.
II.Тадқиқотнинг мақсади: диагностика ва даволаш алгоритмларини, шунингдек, пилоруссақловчи усулларни ва ярани кесиб олиш хамда дуоденопластика қилиш ташрихининг техник жиҳатларини такомиллаштириш орқали ўн икки бармоқли ичакнинг тешилган яраларини жарроҳлик даволаш натижаларини яхшилашдан иборат.
III.Тадқиқотнинг илмий янгилиги:
ташрихдан кейинги асоратларнинг юқори частотаси, шунингдек, узоқ муддатдаги қониқарсиз натижалар туфайли пилорик сфинктернинг яхлитлиги бузилиши билан пилородуоденал яраларни кесиб олишнинг нисбатан паст самарадорлиги аниқланган;
пилородуоденал яраларни пилорик сфинктерни сақлаган ҳолда кесиб олиш ва дуоденопластика қилиш усули ҳамда унинг техник жиҳатлари такомиллаштирилган;
пилородуоденал ярани кесиб олиш ва пилорус сақловчи дуоденопластика қилиш, шунингдек, Джадд-Танаке, Гейнеке-Микулич ва Финней бўйича пилородуоденопластика қилишда меъданинг секретор ва мотор-эвакуатор функцияларини ўрганиш орқали гастродуоденал комплекснинг функционал ҳолатининг ўзига хос хусусиятлари аниқланган;
пилорус сақловчи дуоденопластиканинг такомиллаштирилган усуллари ва техник жиҳатларини, шунингдек ташхисот ва даволаш алгоритмларини ишлаб чиқиш ва жорий этиш орқали хирургик тактикани оптималлаштириш пилородуоденал яраларни хирургик даволаш натижаларини яхшилаши исботланган.
IV.Тадқиқот натижаларининг жорий қилиниши. 
Ўн икки бармоқли ичакнинг тешилган яраларини хирургик даволаш натижаларини яхшилаш бўйича илмий тадқиқот натижалари асосида:
«Ўн икки бармоқли ичакнинг тешилган яраларида пилорус сақловчи дуоденопластиканинг такомиллаштирилган усули» номли услубий тавсиянома тасдиқланган (Соғлиқни сақлаш вазирлигининг 2022 йил 3 октябрдаги 08-30392-сон маълумотномаси). Таклиф этилган тавсиялар меъданинг мотор-эвакуатор функциясини функционал хусусиятли бузилишлари частотасини 6,9% га, дуоденогастрал рефлюксни 13,7% га, демпинг синдромини - 11,6% га ва диареяни 2,6% га, шу билан бирга, умумий асоратлар частотасини 22,4% га камайтириш имконини берган; 
олинган илмий натижалар соғлиқни сақлашнинг амалий фаолиятига, хусусан, Республика шошилинч тиббий ёрдам илмий марказининг Андижон ва Наманган филиалларига жорий этилган (Соғлиқни сақлаш вазирлигининг 2022 йил 3 октябрдаги 08-30392-сон маълумотномаси). Тадқиқот натижаларини жорий этиш пилорик сфинктернинг “кўп қиррали” функциясининг яхлитлигини бузмасдан патологик субстратни олиб ташлаш ва энг физиологик шароитларда меъданинг дренажлаш функциясини тиклаш, шунингдек, ишлаб чиқилган ташхисот ва даволаш алгоритмлари тешилган ўн икки бармоқли ичак ярасида хирургик тактикани оптималлаштириш имконини берган.