Азизов Насимбек Абдумухторовичнинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар
Диссертация мавзуси, ихтисослик шифри: “Иқтисодий судлар томонидан биринчи инстанцияда иш юритиш тартибини такомиллаштириш”, 12.00.04–Фуқаролик процессуал ҳуқуқи. Хўжалик процессуал ҳуқуқи. Ҳакамлик жараёни ва медиация (юридик фанлар).
Диссертация мавзуси рўйхатга олинган рақам: В2022.2.PhD/Yu745.
Илмий раҳбар: Эсанова Замира Нормуротовна, юридик фанлар доктори, профессор.
Диссертация бажарилган муассаса номи: ЎзР Бош прокуратураси Академияси.
ИК фаолият кўрсатаётган муассаса номи, ИК рақами: Ўзбекистон Республикаси Судьялар олий кенгаши ҳузуридаги Судьялар олий мактаби, PhD.37/27.02.2020.Yu.107.01.
Расмий оппонентлар: Имомов Нурилло Файзуллаевич, юридик фанлар доктори, профессор; Хабибуллаев Давлатжон Юлчибоевич, юридик фанлар номзоди, профессор.
Етакчи ташкилот: Ўзбекистон Республикаси Адлия вазирлиги қошидаги Юристлар малакасини ошириш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади иқтисодий судлар томонидан биринчи инстанцияда иш юритиш тартибига оид муносабатларнинг ҳуқуқий тартибга солинишидаги муаммоларни ҳал қилишга ҳамда ҳуқуқни қўллаш амалиётини такомиллаштиришга қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
иқтисодий суд ишларини юритишнинг ҳар қандай босқичида даъводан воз кечиш мумкинлиги, суд ҳужжатлари устидан протест келтириш муддати ва тартибини суд ҳужжатининг хулоса қисмида белгилаш ҳамда процессуал муддат ажратилган ёки бирлаштирилган ишларга қачондан бошлаб ҳисобланиши асослаб берилган; 
чет давлат ваколатли судининг ҳал қилув қарори мавжудлиги иш юритишни тугатишга асос бўлиши ҳамда чет давлат судларининг ва арбитражларининг қарорини тан олиш ва ижрога қаратиш масалаларини ИПКда акс эттириш зарурлиги асослантирилган;
суд мажлисини аудио- ёки видеоёзувга қайд этиш тартиби ҳамда ушбу ҳолатдаги суд мажлиси баённомаси тузиш масаласини иқтисодий процессуал қонунчиликда акс эттирилиши зарурлиги асослантирилган;
холисликни тўлиқ таъминлаш мақсадида биринчи инстанция суди билан апелляция инстанцияси судини алоҳида судлар сифатида ажратиш мақсадга мувофиқлиги ҳамда суд амалиётида нафақат қонунлар, балки қонуности ҳужжатларида ҳам низоларни судгача ҳал этиш (талабнома юбориш) тартиби белгиланган ҳолларда унга риоя қилиш тарафлар учун мажбурий ҳисобланиши асослаб берилган;
бошқа бир иш бўйича берилган эксперт хулосаси судда кўрилаётган бошқа иш бўйича “эксперт хулосаси” мақомини олмаслиги тўғрисида ва ушбу эксперт хулосаси бошқа далиллар билан бир қаторда далил сифатида ўрганиб чиқилиши тўғрисида ҳамда ҳужжатлар сохталаштирган, тўғридан тўғри қонунчиликда кўрсатилган ҳолатларда суд ўз ташаббуси билан экспертиза тайинлаши бўйича судларга тушунтириш берилиши асослаб берилган.
IV. Тадқиқот натижаларининг жорий қилиниши. Тадқиқот иши бўйича олинган илмий натижалардан қуйидагиларда фойдаланилган: 
ҳар қандай суд босқичида даъводан воз кечиши имконини бериш тўғрисида таклиф ИПКнинг 157-моддасида, чет давлат ваколатли судининг ҳал қилув қарори мавжудлиги иш юритишни тугатишга асос бўлиш тўғрисидаги қоида ИПКнинг 110-моддасида, чет давлат судларининг ва арбитражларининг қарорини тан олиш ва ижрога қаратиш масалалари кодексда тартибга солиниши мақсадга мувофиқлиги тўғрисидаги таклиф ИПКнинг 33-бобида, суд ҳужжатлари устидан протест келтириш муддати ва тартибини белгилаш ҳақидаги таклифлар ИПКнинг 179, 196-моддаларида, суд мажлисини аудио- ёки видеоёзувга қайд этиш, бунда суд мажлиси баённомасини юритиш тартиби ИПКнинг 201 ва 203-моддаларида, холисликни тўлиқ таъминлаш мақсадида биринчи инстанция суди билан апелляция инстанцияси судини алоҳида судлар сифатида ажратиш бўйича таклифлар ИПК нормаларида ўз аксини топган (Ўзбекистон Республикаси Олий судининг 2020 йил 2 сентябрдаги 08/УМ-477-20-сон маълумотномаси). Мазкур таклифлар иқтисодий судларда иш юритиш тартибини такомиллаштиришга, одил судлов фаолиятини илмий асосларини ривожлантиришга хизмат қилган;
суд амалиётида қонуности ҳужжатларида низоларни судгача ҳал этиш (талабнома юбориш) тартиби белгиланган ҳолларда унга риоя қилиш тарафлар учун мажбурий ҳисобланишини белгилаш ҳақидаги таклиф Ўзбекистон Республикаси Олий суди Пленумининг 24.05.2019 йилдаги “Биринчи инстанция суди томонидан иқтисодий процессуал қонун нормаларини қўллашнинг айрим масалалари тўғрисида” 13-сон қарори 3-бандида, бошқа бир иш бўйича берилган эксперт хулосаси судда кўрилаётган бошқа иш бўйича “эксперт хулосаси” мақомини олмаслиги тўғрисида ва ушбу “эксперт хулосаси” бошқа далиллар билан бир қаторда далил сифатида ўрганиб чиқилиши, ҳужжатлар сохталаштирган ва тўғридан тўғри қонунчиликда кўрсатилган ҳолатларда, суд ўз ташаббуси билан экспертиза тайинлаши бўйича тушунтириш бериш бўйича таклиф Олий хўжалик суди Пленумининг “Иқтисодий судлар томонидан экспертизага оид қонун ҳужжатларини қўллашнинг айрим масалалари тўғрисида” 2014 йил 20 июндаги 261-сон қарори 3, 16 ва 21-бандларида, процессуал муддат ажратилган ёки бирлаштирилган ишларга қачондан бошлаб ҳисобланиши бўйича тушунтириш берилиши тўғрисидаги таклиф Олий хўжалик суди Пленумининг “Иқтисодий судлар томонидан процессуал муддатларга оид қонун нормаларини қўллашнинг айрим масалалари тўғрисида”ги 2015 йил 19 июндаги 283-сон қарори 3 ва 16-бандларида инобатга олинган (Ўзбекистон Республикаси Олий судининг 2020 йил 2 сентябрдаги 08/УМ-476-20-сон маълумотномаси). Мазкур таклифлар иқтисодий судлар томонидан биринчи инстанцияда амалдаги қонун ҳужжатларини қўллашларига оид тушунтиришлар берилишига, амалиётни такомиллаштиришга ва бирхиллаштиришга қаратилган.