Юнусходжаева Хайриниса Маллаевнанинг
диссертация ҳимоясисиз ихтиро патенти асосида 
фалсафа доктори (PhD) илмий даражасини бериш бўйича эълон матни

I. Умумий маълумотлар.
Диссертация мавзуси, ихтисослик шифри: “Махсус мақсадлар учун эргономик кийимларни лойҳалаш усулини “енг ўмизи-енг” конструкциясини ҳисобга олган ҳолда такомилаштириш” 05.06.04 – “Тикувчилик буюмлари технологияси ва костюм дизайни” (техника фанлари)
Диссертация мавзуси рўйхатга олинган рақам: № В2022.2.PhD/Т2924
Илмий раҳбар: Камилова Холида Ҳафизовна, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Ўзбекистон Республикаси Интеллектуал мулк агентлигининг ихтирога патенти: «Ҳарбий хизматчилар учун куртка базавий модели » (№IAP 06813).
Диссертация йўналиши: амалий аҳамиятга молик.
II. Тадқиқотнинг мақсади: “енг-ўмиз” тугуни конструкциясини ҳисобга олган ҳолда махсус мақсадлар учун эргономик кийимларни лойҳалашнинг такомилаштирилган усулини ишлаб чиқиш ҳамда амалиётга жорий этиш.
III. Тадқиқотнинг илмий янгилиги:
ҳарбий хизматчилар учун ишлаб чиқилган махсус кийимнинг қулайлигини таъминловчи эргономик ва динамик мувофиқлигининг асосий кўрсаткичлари, жумладан қўлни ён томонга, юқорига, олдига кўтариш, гавдани турли томонга энгашиш каби ҳолатидаги бир бирига мослиги яратилган махсус эргономик мослама ёрдамида аниқланган; 
махсус кийимнинг тўлик факторли тажриба ўтказиш асосида енг қиямаси баладлиги, енг ўмизи чуқурлиги, яхлит бичилган хиштак баландлиги, эргономик конструкция каби рационал параметлари аниқланган ва ушбу факторларнинг динамик мувофиқлиги асосида ўзаро боғлиқлик қонуниятлари ишлаб чиқилган; 
 “енг-енг ўмизи” тугуни конструкциясини инобатга олган ҳолда махсус кийимнинг енг қиямаси баладлиги, енг ўмизи чуқурлиги, яхлит бичилган хиштак баландлиги каби кўрсатгичлари асосида эргономик рационал конструкциясини яратиш усули ишлаб чиқилган;
параллел равишда ўтказилган тажриба натижаларини математик статистика қайта ишлаш асосида харбий хизматчиларнинг етакчи ўлчамидан бири бўлган кўкрак айланаси билан яхлит бичилган хиштакли конструкция параметрлари ўртасидаги корреляцион боғлиқлиги аниқланган.
IV. Тадқиқот натижаларининг жорий қилиниши: Ихтирога олинган патент асосида ҳарбий хизматчилар курткасининг  асос конструкцияси усули “O’zto’qimachiliksanoat” уюшмаси тизимидаги Тошкент шахарнинг “DINA TEX” МЧЖда, Фаргона вилоятининг “NARIMTEKS” МЧЖда,Тошкент шахарнинг “Jamstyle master” МЧЖда, Наманган вилоятининг “IDEAL TEKSTIL ORZU” МЧЖда, хамда Тошкент вилоятининг “КИН-21” ИЧда корхоналарига жорий қилинган. («O’zto’qimachiliksanoat» уюшмасининг         2022 йил 16 июнь 03/25-1917-сон маълумотномаси).Натижада ҳарбий хизматчилар курткаси дизайни ва тайёрлаш технологиясини жорий этиш, тежамкор жойлашмани тайёрлаш ҳамда хом ашё ҳаражатларини камайтириш эвазига кийимни тайёрлашда меҳнат сарфини 5% гача қисқартиришга имкон яратилган.