Хамдамова Ханифахон Шукуриллаевнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Рустамхон” достони сўз бойлиги (лексикографик, функционал-семантик ва лингвостилистик таҳлил)”, 10.00.01 – Ўзбек тили (филология фанлари).
Диссертация рўйхатга олинган рақам: B2021.4.Phd/2050.
Диссертация бажарилган муассаса номи: Жиззах политехника институти.
Илмий раҳбар: Жуманазарова Гулжаҳон Умирзаковна, филология фанлари доктори, доцент.
ИК фаолият кўрсатаётган муассаса номи, ИК рақами: Жиззах давлат педагогика университети, PhD.03/04.06.2020.Fil.113.02. 
Расмий оппонентлар: Пардаев Азамат Бахронович, филология фанлари доктори, профессор; Искандарова Шарифахон Мадалиевна, филология фанлари доктори, профессор.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади “Рустамхон” достони сўз бойлигининг лексикографик манбалари, лингвостатистик, функционал-семантик ва стилистик жиҳатларини очиб беришдан иборат. 
III. Тадқиқотнинг илмий янгилиги:
паремиологик бирликлар (мақол-матал-нақл)нинг эпик қаҳрамонлар характер-хусусиятларини очиб берувчи  услубий имкониятларга эгалиги ва уларнинг функционал-семантик табиати, ушбу бирликларнинг шахслараро ва гуруҳлараро миллий-маънавий, тарихий-ижтимоий, ассоциатив-психологик муносабатларнинг ҳосиласи эканлиги далилланган;
“Рустамхон” достонида той, бўта, булбул, қўзи каби жониворлар номларини билдирадиган лексемаларнинг эпик қаҳрамонларнинг ўз фарзанди, яқин инсонлари, қавм-қариндошлари билан ўзаро муносабатларини ифодалашида кўчма маъно касб этганлиги аниқланган; 
достонда қўлланилган гул,  лола каби ўсимликларни, боғ, гулзор, адир, тоғ каби ўрин-жойларни, ой,  офтоб, юлдуз каби осмон жисмларини, эрта, шом, баҳор, куз, қиш каби фасл ва  пайт маъноларини, пари, чўри, ҳур, фаришта каби эпик қаҳрамонлар номларини ифодаловчи метафоралар матннинг образлилиги, ифодалилиги, таъсирчанлиги, жозибадорлигини таъминлашда муҳим аҳамият касб этганлиги исботланган;
достон матнидаги бош узвли фразеологик бирликларнинг “қаттиқ жазоламоқ” “руҳий эзилмоқ”,  “уялмоқ” сингари, “қулоқ” узвли фразеологик бирликларнинг “амал қилмоқ”, “ҳеч кимга маълум бўлмаган”, “гап уқмайдиган” сингари инсон руҳий ҳолати, ички ҳис-туйғулари ва кечинмаларини ифодаловчи коннотатив маънолари аниқланган.
IV. Тадқиқот натижаларининг жорий қилиниши. «Рустамхон» достони сўз бойлиги (лексикографик, функционал-семантик ва лингвостилистик таҳлил) бўйича олинган илмий натижалари асосида: 
паремиологик бирликлар (мақол-матал-нақл)нинг эпик қаҳрамонлар характер-хусусиятларини очиб берувчи услубий имкониятларга эгалиги ва уларнинг функционал-семантик табиати, ушбу бирликларнинг шахслараро ва гуруҳлараро миллий-маънавий, тарихий-ижтимоий, ассоциатив-психологик муносабатларнинг ҳосиласи эканлиги исботланган илмий натижалардан Ўзбекистон Республикаси Фанлар академияси Қорақалпоқ бўлими Қорақалпоқ гуманитар фанлари илмий-тадқиқот институтида бажарилган ФА-А1-Г007 “Қорақалпоқ нақл-мақоллари лингвистик объект сифатида” мавзусидаги илмий-амалий лойиҳасида фойдаланилган (Ўзбекистон Республикаси Фанлар академияси Қорақалпоқ бўлими Қорақалпоқ гуманитар фанлари илмий-тадқиқот институтининг 2022 йил 18 августдаги 295/1-сон маълумотномаси). Натижада лойиҳанинг илмий-назарий асосланишига ҳамда қиёсий-типологик илмий материаллар билан таъминланишига эришилган;
 “Рустамхон” достонида той, бўта, булбул, қўзи каби жониворлар номларини билдирадиган лексемаларнинг эпик қаҳрамонларнинг ўз фарзанди, яқин инсонлари, қавм-қариндошлари билан ўзаро муносабатларини ифодалашида кўчма маъно касб этганлиги ҳақидаги фикрларидан Ўзбекистон Республикаси Фанлар академияси Қорақалпоқ бўлими Қорақалпоқ гуманитар фанлари илмий-тадқиқот институтида бажарилган Ф1-ФА-0-43429 “Қорақалпоқ фольклори ва адабиёти жанрларининг назарий масалаларини тадқиқ этиш” номли фундаментал лойиҳасида фойдаланилган (Ўзбекистон Республикаси Фанлар академияси Қорақалпоқ бўлими Қорақалпоқ гуманитар фанлари илмий-тадқиқот институтининг 2022 йил 18 августдаги 296/1-сон маълумотномаси). Натижада  лойиҳа доирасида “Рустамхон” достони қорақалпоқ версияси жилдини нашрга тайёрлашга, матн юзасидан луғат тузиш ва илмий изоҳлар ёзишга, мазкур достоннинг ўзбек варианти бўйича тузилган лексикографик манбаларни қиёслашга эришилган;
достонда қўлланилган гул,  лола каби ўсимликларни, боғ, гулзор, адир, тоғ каби ўрин-жойларни, ой,  офтоб, юлдуз каби осмон жисмларини, эрта, шом, баҳор, куз, қиш каби фасл ва  пайт маъноларини, пари, чўри, ҳур, фаришта каби эпик қаҳрамонлар номларини ифодаловчи метафоралар матннинг образлилиги, ифодалилиги, таъсирчанлиги, жозибадорлигини таъминлашда муҳим аҳамият касб этганлиги ҳақидаги хулосалардан Жиззах вилояти телерадиокомпаниясининг “Ижоднинг сеҳрли олами” кўрсатуви ҳамда “Ассалом, Жиззах!” тонгги дастури сценарийларини тайёрлашда фойдаланилган (Жиззах вилояти телерадиокомпаниясининг 2022 йил 23 августдаги 10-12/589-сон маълумотномаси). Натижада ушбу кўрсатув орқали томошабинларнинг халқ достонлари тилида учрайдиган кўчма маъноли бирликлар ва улар англатган маънолар ҳақидаги билимларининг кенгайига олиб келган; 
достон матнидаги бош узвли фразеологик бирликларнинг “қаттиқ жазоламоқ” “руҳий эзилмоқ”,  “уялмоқ” сингари, “қулоқ” узвли фразеологик бирликларнинг “амал қилмоқ”, “ҳеч кимга маълум бўлмаган”, “гап уқмайдиган” сингари инсон руҳий ҳолати, ички ҳис-туйғулари ва кечинмаларини ифодаловчи коннотатив маънолари тўғрисидаги хулосалардан Жиззах давлат педагогика университетида бажарилган MUZ-2015- 725140051“Бошланғич синф ўқувчилари нутқини бойитишда инглизча-русча-ўзбекча фраземалар луғатини яратиш ва амалиётга татбиқ этиш” мавзусидаги лойиҳасида муҳим манба сифатида фойдаланилган (Жиззах давлат педагогика университетининг 2022 йил 19 сентябрдаги 04-804-сон маълумотномаси) Натижада лойиҳанинг ўзбек тилида энг кўп қўлланадиган ибораларни изоҳлаш жараёнига, фразеологик бирликларнинг услубий маъноларини очиб беришга ва тавсифлашга хизмат қилган.