Пўлатов Шердор Неъматжоновичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): «Маҳатма Ганди дунёқарашининг фалсафий-концептуал таҳлили», 09.00.03 – Фалсафа тарихи (фалсафа фанлари).
Диссертация мавзуси рўйхатга олинган рақам: B2020.2.PhD/Fal454.
Илмий раҳбар: Пўлатова Дилдор Акмаловна, фалсафа фанлари номзоди, профессор.
Диссертация бажарилган муассаса номи: Тошкент давлат шарқшунослик университети.
ИК фаолият кўрсатаётган муассаса (муассасалар) номи, ИК рақами: Ўзбекистон миллий университети, DSc.03/30.12.2019.F.01.05.
Расмий оппонентлар: Наврузова Гулчихра Нигматовна, фалсафа фанлари доктори, профессор; Холмўминов Жаъфар Мухаммадиевич, фалсафа фанлари доктори.
Етакчи ташкилот: Тошкент давлат жаҳон тиллари университети.
Диссертация йўналиши: назарий-амалий аҳамиятга молик.
II. Тадқиқотнинг мақсади Маҳатма Ганди фалсафий дунёқарашини таҳлили, фалсафа тарихидаги аҳамиятини ва замонавий фалсафанинг ривожланишидаги ўрнини очиб беришдан иборат.
III. Тадқиқотнинг илмий янгилиги:
Маҳатма Гандининг жамиятни вужудга келиш сабаблари, ички тузилиши, урф-одатлари, анъаналар, оилавий муносабатлар, диний қадриятлар, инсон ва жамият ўртасидаги алоқадорликлар борасидаги ижтимоий-сиёсий қарашлари мажмуи каби аспектлари маданиятлараро мулоқот, ўзаро ҳамкорлик контекстида замонавий жамият характерига мослиги асослаб берилган;
Маҳатма Ганди томонидан тинчлик, адолат, эзгулик, муҳаббат, инсонпарварлик, бағрикенглик, ҳамжиҳатлик ва маърифатга ундовчи комиллик мезонлари тизими (интеграция, унификация, глобал дунёни рақамлаштириш динамикаиснининг ўсиши) глобаллашув жараёнида ёшларни бузғунчи ва зўравонликка ундовчи мафкуравий тарғиботлар таъсирига қарши курашда субстанционал асосга эга эканлиги фалсафий жиҳатдан исботланган; 
Маҳатма Гандининг “The Story of my Experiments with Truth” асаридаги мантиқий-гносеологик ва конструктив-ахлоқий қарашларининг ёшлар тарбиясидаги амалий аҳамиятга эгалиги “Куч ишлатмаслик” (аҳимса), “Ҳақиқат – қатъийликда” (сатяграҳа) тушунчалари воситасида очиб берилган;
Маҳатма Ганди “Hind Swaraj or Indian Home Rule” асарида илгари сурилган “сат (ҳақиқат),чит (билим), ананда(бахт)” концепцияси маънавий “комил инсон” ва “фаровон жамият” ғоясининг генезиси эканлиги мантиқий асосланган. 
IV. Тадқиқот натижаларининг жорий қилиниши. Маҳатма Ганди дунёқарашининг фалсафий-концептуал таҳлилининг амалий аҳамияти бўйича ишлаб чиқилган таклифлар асосида:
Маҳатма Гандининг жамиятни вужудга келиш сабаблари, ички тузилиши, урф-одатлари, анъаналар, оилавий муносабатлар, диний қадриятлар, инсон ва жамият ўртасидаги алоқадорликлар борасидаги ижтимоий-сиёсий қарашлари замонавий жамият характерига мослиги каби илмий янгиликлар, назарий хулосалар, методологик тавсиялар ҳамда амалий таклифларидан Тошкент давлат шарқшунослик университетининг “Республикамиз ҳудудларидаги буддизм обидалари турмаршрутларининг 3D моделларини яратиш” тадқиқоти доирасида амалиётга жорий этилган (Тошкент давлат шарқшунослик университетининг 2022 йил 14 июлдаги 04-04-01/1415-сон маълумотномаси). Натижада, Ҳиндистон фалсафий тафаккурининг ажралмас қисми бўлган урф-одатлари, анъаналар, оилавий муносабатлар, диний қадриятлар шаклланиши, кейинги давр тараққиётидаги ривожи, бунда Маҳатма Ганди қарашларининг шаклланишига доир билимлар, илмий тадқиқотларни такомиллаштиришга хизмат қилган;
Маҳатма Ганди томонидан тинчлик, адолат, эзгулик, муҳаббат, инсонпарварлик, бағрикенглик, ҳамжиҳатлик ва маърифатга ундовчи комиллик мезонлари каби ғоялари глобаллашув жараёнида ёшларни бузғунчи ва зўравонликка ундовчи мафкуравий тарғиботлар таъсирига қарши курашда субстанционал асосга эга эканлигига доир хулоса ва тавсиялардан Ўзбекистондаги Шанхай Ҳамкорлик Ташкилотининг Халқ дипломатияси маркази томонидан ташкил этилган “Маҳатма Ганди фалсафий таълимотида халқ дипломатияси” мавзусидаги семинарни ўтказишда фойдаланилган (Ўзбекистондаги Шанхай Ҳамкорлик Ташкилотининг Халқ дипломатияси марказининг 2022 йил 6 июндаги 357/22-сон маълумотномаси). Натижада, илмий тадқиқот натижалари ва хулосалари глобаллашув жараёнида инсонлар ўртасида ўзаро келишмовчиликка барҳам бериш ва муроса маданиятини шакллантириш, шуниндек истиқболда икки давлат ўртасидаги сиёсий, иқтисодий ҳамда маданий-гуманитар соҳалар ривожига хизмат қилган; 
Маҳатма Гандининг “The Story of my Experiments with Truth” асаридаги гносеологик ва ахлоқий қарашларининг ёшлар тарбиясидаги асосий ўрни “Куч ишлатмаслик” (аҳимса), “Ҳақиқат – қатъийликда” (сатяграҳа) тушунчалари илмий-амалий жиҳатдан қўлланилиши масалалари асослаб берилганлигига оид илмий хулоса ва тавсиялардан Ўзбекистон Миллий телерадиокомпанияси “Ўзбекистон тарихи” телеканалининг “Тақдимот” кўрсатувини тайёрлашда фойдаланилган (Ўзбекистон Миллий телерадиокомпаниясининг 2022 йил 7 июлдаги 06-28-1094-сон маълумотномаси ва Пуна Натурпатия миллий институтининг 2021 йил 24 августдаги маълумотномаси). Натижада, телетомошабинларнинг Маҳатма Ганди илмий мероси, Куч ишлатмаслик концепцияси, унинг зўравонликсиз цивилизация қуриш йўлидаги саъй-ҳаракатларига доир илмий-тарихий билимларни оширишга хизмат қилган;
Маҳатма Ганди “Hind Swaraj or Indian Home Rule” асарида илгари сурган “сат (ҳақиқат),чит (билим), ананда(бахт)” концепцияси “комил инсон” ва “фаровон жамият” ғоясининг генезиси каби материаллар ва таҳлил натижаларидан Республика Маънавият ва маърифат марказининг 2021-2022 йилларда ўтказилган тарғибот фаолиятида татбиқ этилган (Республика Маънавият ва маърифат марказининг 2022 йил 14 июлдаги 02-02-1176-сон маълумотномаси ва Ҳиндистон Республикасининг Тошкентдаги элчихонасининг 2021 йил 21 июндаги маълумотномаси). Натижада, бугунги кунда дунё миқёсида тинчлик, муҳаббат, инсонпарварлик, бағрикенглик ғояларини тарғиб этиш, фаровон жамият қуриш, комил инсонни тарбиялашда Маҳатма Гандининг фалсафий таълимоти ва ижтимоий-сиёсий дунёқараши муҳим манба бўлиб хизмат қилган.