Sayt test rejimida ishlamoqda

Жўраев Илҳомжон Камолидиновичнинг
фалсафа доктори (PhD) диссертацияси ҳимояси ҳақида эълон


I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кичик бизнес субъектларида иқтисодий инқирозга қарши курашиш стратегиясини такомиллаштириш (Тўқимачилик корхоналари мисолида)», 08.00.15 – Тадбиркорлик ва кичик бизнес иқтисодиёти (иқтисодиёт фанлари).
Диссертация мавзуси рўйхатга олинган рақам: B2022.3.PhD/Iqt1390.
Илмий раҳбар: Махмудов Носир Махмудович, иқтисодиёт фанлари доктори, профессор.
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/27.05.2020.I.66.03.
Расмий оппонентлар: Махмудов Бахриддин Жураевич, иқтисодиёт фанлари доктори, профессор; Мансуров Мансур Алишерович,  иқтисодиёт фанлари фалсафа доктори (PhD), доцент.
Етакчи ташкилот: Андижон машинасозлик институти. 
Диссертация йўналиши: назарий ва амалий аҳамиятга молик. 
II. Тадқиқотнинг мақсади тўқимачилик саноат тармоғида фаолият юритувчи кичик бизнес субъектларида иқтисодий инқирозга қарши курашиш стратегиясини такомиллаштириш бўйича таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги: 
тўқимачиликка ихтисослашган кичик корхоналар фаолиятида молиявий натижанинг зарар билан якунланиши эҳтимолий ҳолатларининг стандарт вазиятларини шакллантириш ҳамда улар асосида инқироз ҳолатларини эрта ташҳис қилиш асосида барқарорликни ошириш асосланган; 
кичик тўқимачилик корхоналарининг молиявий (Mib), ишлаб чиқариш (Ishb), маркетинг (Mrb) ва инновацион-технологик (It) салоҳиятларини “юқори” (2,1-2,5), “меъёрда” (1,51-2,0), “ўрта” (0,51-1,5) ва “паст” (0-0,5) интеграл оралиқ ёндашувига кўра баҳолаш таклифи асосланган; 
кичик тўқимачилик корхоналарида инқирозга қарши стратегик бошқарув механизми инқироз хавфини баҳолаш жараёнларини “тармоқ-ҳудуд” кесимида ўзаро мувофиқлаштириш асосида такомиллаштирилган;
тўқимачиликка ихтисослашган корхоналарнинг молиявий натижаларига таъсир этувчи омиллар ҳамда эҳтимолий инқироз хавфини баҳолаш асосида кичик бизнес субъектларининг 2026 йилга қадар барқарор ривожланиш прогноз кўрсаткичлари ишлаб чиқилган.
IV. Тадқиқот натижаларининг жорий қилиниши. Кичик бизнес субъектларида иқтисодий инқирозга қарши курашиш стратегиясини такомиллаштириш бўйича ишлаб чиқилган илмий амалий ва услубий таклиф ҳамда тавсиялар асосида: 
тўқимачиликка ихтисослашган кичик корхоналар фаолиятида молиявий натижанинг зарар билан якунланиши эҳтимолий ҳолатларининг стандарт вазиятларини шакллантириш ҳамда улар асосида инқироз ҳолатларини эрта ташҳис қилиш асосида барқарорликни ошириш таклифи Ўзбекистон Республикаси “Ўзтўқимачиликсаноат” уюшмасида томонидан “Наманган вилоятида тўқимачиликка ихтисослашган кичик бизнес корхоналарини 2025 йилгача бўлган давр учун инқирозга қарши стратегик дастури”ни ишлаб чиқишда фойдаланилган (“Ўзтўқимачиликсаноат” уюшмасининг 2022 йил 26 августдаги 03/25­2425­сон маълумотномаси). Мазкур таклифнинг амалиётга жорий этилиши натижасида кредиторлик қарзлари 2021 йилда 2020 йилга нисбатан “MAX FASHION” МЧЖда 1,4 маротабага, “NAMBIGTEX” МЧЖда 1,2 маротабага, “ELEGANT SIFAT SERVIS” оилавий корхонасида 1,6 маротабага қисқартириш имконини берган;
кичик тўқимачилик корхоналарининг молиявий (Mib), ишлаб чиқариш (Ishb), маркетинг (Mrb) ва инновацион-технологик (It) салоҳиятларини “юқори” (2,1-2,5), “меъёрда” (1,51-2,0), “ўрта” (0,51-1,5) ва “паст” (0-0,5) интеграл оралиқ ёндашувига кўра баҳолаш таклифи Ўзбекистон Республикаси “Ўзтўқимачиликсаноат” уюшмасида томонидан “Наманган вилоятида тўқимачиликка ихтисослашган кичик бизнес корхоналарини 2025 йилгача бўлган давр учун инқирозга қарши стратегик дастури”ни ишлаб чиқишда фойдаланилган (“Ўзтўқимачиликсаноат” уюшмасининг 2022 йил 26 августдаги 03/25­2425­сон маълумотномаси). Мазкур таклифнинг амалиётга жорий этилиши натижасида 2021 йилда 2020 йилга нисбатан маҳсулот ишлаб чиқариш ҳажми MAX FASHION” МЧЖда 12,8 фоизга, “NAMBIGTEX” МЧЖда 10,5 фоизга, “ELEGANT SIFAT SERVIS” оилавий корхонасида 13,6 фоизга ўсишга эришилган;
кичик тўқимачилик корхоналарида инқирозга қарши стратегик бошқарув механизми инқироз хавфини баҳолаш жараёнларини “тармоқ-ҳудуд” кесимида ўзаро мувофиқлаштириш асосида такомиллаштириш таклифи Ўзбекистон Республикаси “Ўзтўқимачиликсаноат” уюшмасида томонидан “Наманган вилоятида тўқимачиликка ихтисослашган кичик бизнес корхоналарини 2025 йилгача бўлган давр учун инқирозга қарши стратегик дастури”ни ишлаб чиқишда фойдаланилган (“Ўзтўқимачиликсаноат” уюшмасининг 2022 йил 26 августдаги 03/25­2425­сон маълумотномаси). Мазкур таклифнинг амалиётга жорий этилиши натижасида ишлаб чиқариш қувватидан фойдаланиш даражаси 2021 йилда 2020 йилга нисбатан MAX FASHION” МЧЖда 7,1 фоизга, “NAMBIGTEX” МЧЖда 5,6 фоизга, “ELEGANT SIFAT SERVIS” оилавий корхонасида 6,9 фоизга ошишига эришилган;
тўқимачиликка ихтисослашган корхоналарнинг молиявий натижаларига таъсир этувчи омиллар ҳамда эҳтимолий инқироз хавфини баҳолаш асосида кичик бизнес субъектларининг 2026 йилга қадар ишлаб чиқилган барқарор ривожланиш прогноз кўрсаткичлари Ўзбекистон Республикаси “Ўзтўқимачиликсаноат” уюшмасида фаолиятида фойдаланилган (“Ўзтўқимачиликсаноат” уюшмасининг 2022 йил 26 августдаги 03/25­2425­сон маълумотномаси). Мазкур таклиф асосида “MAX FASHION” МЧЖ, “NAMBIGTEX” МЧЖ ва “ELEGANT SIFAT SERVIS” оилавий корхонасининг “Иқтисодий инқирозга қарши курашиш стратегияси”ни ишлаб чиқишда ўз аксини топган ҳамда 2025 йилга қадар ривожлантириш стратегиясини ишлаб чиқишда фойдаланилган.

Yangiliklarga obuna bo‘lish