Джураев Журъатбек Атхамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Турли ёшдаги гуруҳларда қориннинг қўшма шикастланишларида жарроҳлик тактикасини такомиллаштириш», 14.00.40 – Шошилинч тиббиёт
Диссертация мавзуси рўйхатга олинган рақам: В2020.23.PhD/Tib1318. 
Диссертация бажарилган муассаса номи: Республика шошилинч тиббий ёрдам илмий маркази. 
ИК фаолият кўрсатаётган муассаса номи, ИК рақами: Республика шошилинч тиббий ёрдам илмий маркази ҳузуридаги DSc.04/30.12.2019.Tib.63.01 рақамли илмий кенгаш.
Илмий маслаҳатчи: Хаджибаев Абдухаким Муминович тиббиёт фанлари доктори, профессор
Расмий оппонентлар: Ризаев Камол Саидакбарович, тиббиёт фанлари  доктори профессор; Ташкент фармацевтика Институти Ректори. Хакимов Мурод Шавкатович тиббиёт фанлари доктори, профессор;  Ташкент Тиббиёт  Академияси « №1 Факультет ва госпитал хирургия» бўлим мудири. 
Етакчи ташкилот: Андижон давлат тиббиёт институти
Диссертация йўналиши: назарий ва амалий аҳамиятга молик. 
II. Тадқиқотнинг мақсади қўшма шикастланишларда турли ёшдаги гуруҳлар учун замонавий диагностика усулларини қўллаш ва янги даволаш- диагностика алгоритмини ишлаб чиқиш орқали қорин бўшлиғи органлари жароҳатларини диагностика қилиш ва даволаш натижаларни яхшилаш ҳисобланади.
III. Тадқиқотнинг илмий янгилиги: турли ёш гуруҳларида қорин бўшлиғи органлари қўшма шикастланишлар частотаси – тез-тез такрорланиши, тузилиши ва   клиник кечишининг хусусиятлари ўрганилган;
оғир кечиш эҳтимолини прогноз қилишнинг модификацияланган интеграл шкаласи яратилган ва унинг асосида турли ёш гуруҳидаги беморлар учун қорин қўшма шикастланишларини даволашнинг шахсий тактикасини танлашнинг компьютер дастури ишлаб чиқилган;
турли ёш гуруҳларида қорин бўшлиғи органларининг қўшма шикастланишларини диагностика қилиш ва даволаш тактикасининг янги алгоритми яратилди ва клиник амалиётга  жорий этилди.
IV. Тадқиқот натижаларининг жорий қилиниши. 
ҚБҚШ - қорин бўшлиғи қўшма шикастланишлари билан касалланган беморларни диагностика қилиш ва даволаш натижаларини яхшилаш бўйича илмий тадқиқот натижалари асосида:
«Турли ёш гуруҳидаги беморлар учун қўшма абдоминал шикастланишларнинг оғир кечишини прогнозлаштиришнинг интеграл шкаласи» ишлаб чиқилди (Тиббиёт ходимларнинг касбий малакасини ривожлантириш маркази томонидан рационализаторлик таклифи учун 21.10.2021 йилда берилган № 00127-сонли гувоҳнома). Таклиф этилган шкалани қўллаш турли ёш гуруҳларидаги беморларда ҚБҚШ - қорин бўшлиғи қўшма шикастланишларининг оғир кечишини статистик жиҳатдан ишончли прогнозлаштириш имконини берган;
турли ёш гуруҳларида қўшма абдоминал шикастланишларни даволаш тактикасини танлаш бўйича олиб борилган тадқиқотнинг илмий натижалари  асосида ишлаб чиқилган «Турли ёш гуруҳларида қўшма абдоминал шикастланишларни даволаш тактикасини танлашнинг компьютер дастури» услубий тавсиянома тасдиқланган (Соғлиқни сақлаш вазирлигининг 2022 йил 3 февралдаги 8н-з/41-сон маълумотномаси). Мазкур тавсяинома Турли ёш гуруҳларида қўшма абдоминал шикастланишларни даволашни оптимал тактикасини танлаш имконини яратган;
турли ёш гуруҳидаги беморлар учун ишлаб чиқилган қорин қўшма шикастланиши оғир кечишини прогнозлаштиришнинг интеграл шкаласи ва даволашнинг шахсий тактикасини танлашнинг компьютер дастури, шунингдек турли ёшдаги гуруҳларда қорин бўшлиғи органлари қўшма шикастланишларининг янги даволаш-диагностик алгоритми Республика шошилинч тиббий ёрдам илмий маркази жарроҳлик бўлими ва унинг Наманган ва Андижон вилоят филиаллари фаолиятига жорий этилди (Соғлиқни сақлаш вазирлигининг 2022 йил 3 февралдаги 8н-з/41-сон маълумотномаси). Олинган маълумотлар қўшма абдоминал шикастланишларда операциядан кейинги асоратлар сонини 14,9% гача, ўлим ҳолатини 5,2% гача ва беморларнинг касалхонада қолиш муддатини 12,4+1,2 кунгача сезиларли даражада камайтиришга имкон берган.