Пўлатова Шахноза Хайдаровнанинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): « », 14.00.40–Шошилинч тиббиёт (тиббиёт фанлари). 
Диссертация мавзуси рўйхатга олинган рақам: В2022.1.PhD/Tib875. 
Илмий раҳбар: Кенжаев Мажид Латипович, тиббиёт фанлари доктори. 
Диссертация бажарилган муассаса номи: Бухоро давлат тиббиёт тиббиёт институти. 
ИК фаолият кўрсатаётган муассаса номи, ИК рақами: Республика шошилинч тиббий ёрдам илмий маркази, DSc. 04/30.12.2019.Tib.63.01. 
Расмий оппонентлар: Алимов Данияр Анварович тиббиёт фанлари доктори, профессор; Бекметова Феруза Матсапаевна, тиббиёт фанлари доктори. 
Етакчи ташкилот: Андижон тиббиёт университети. 
Диссертация йўналиши: амалий аҳамиятга молик. 
II.Тадқиқотнинг мақсади: ўткир юрак етишмовчилиги IV синфи  кардиоген шок билан асоратланган миокард инфарктда вазопрессорлар билан даволашни қиёсий таққослаш самарадорлигини такомиллаштиришдан иборат.
III.Тадқиқотнинг илмий янгилиги: 
ўткир юрак етишмовчлигининг IV синфи билан асоратланган миокард инфрактининг эрта даврларида кузатиладиган ангиноз оғриқлар, ҳансираш, юрак соҳасидаги нохуш сезгилар билан биргалик олигоурия каби бошланғич юрак соҳасидаги нохуш сезгилар билан биргалик олигоурия каби бошланғич гемодинамик предикторларнинг летал якунларни алоҳида башоратловчи аҳамияти  асосланган;
ўткир юрак етишмовчилиги билан асоратланган ўткир миокард инфарктли беморларда кузатилган гемодинамик ва клиник оғриқларни бартараф этилмаслиги натижасида юзага келадиган энг аҳамиятли предикторларини баҳолаш натижасидаги оғир тоифали беморларда мажмуавий даволаш натижаларининг самарадорлиги  асосланган;
допаминнинг проаритмик хусусияти юракнинг салбий ўзгаришлари  норэпинефринга нисбатан юқори бўлиб, фатал аритмияларни юзага келиши, яъни нохуш асоратлар натижасида беморда бирдан юзага келадиган ўлимни келтириб чиқариш мезонлари исботланган;
илк бор норэпинефрин юрак қисқаришлар сонига таъсир қилмасдан, миокарднинг кислородга эҳтиёжини оширмаслиги ҳисобига, ишемик соҳани кенгайтирмасдан  кардиоген шок белгиларини эрта бартараф қилиши тартиби асосланган. 
IV. Тадқиқот натижаларининг жорий қилиниши. 
Ўткир юрак етишмовчилиги билан асоратланган миокрад инфарктининг давосини такомиллаштириш бўйича олиб борилган тадқиқотнинг илмий натижалари  асосида:
 ўткир юрак етишмовчилигини давосида вазопрессор терапияси «Ўткир юрак етишмовчилигини давосида вазопрессор терапиясини мукаммаллаштириш усули» номли услубий тавсиянома тасдиқланган (Соғлиқни сақлаш вазирлигининг 2021 йил 27 майдаги 8н–д/170–сон маълумотномаси). Натижада ўткир юрак етишмовчилигини даволашда вазопрессор терапиясини  кучайтиришда норэпинефрин кардиоген шок билан асоратланган ўткир миокад инфаркт ташхисланган беморларнинг асосий хавф омилларини камайтириб, стационар ўрин кунини камайтириш  имконини берган;
ўткир юрак етишмовчилиги билан асоратланган миокрад инфарктининг давосини такомиллаштириш бўйича олиб борилган тадқиқотнинг илмий натижалари  асосида ишлаб чиқилган «Ўткир юрак етишмовчиллигида тиббий-ижтимоий аспектларини  тахлил қилиш ва ўрганиш усулларни такомиллаштириш» номли услубий тавсиянома тасдиқланган (Соғлиқни сақлаш вазирлигининг 2021 йил 27 майдаги 8н–д/170–сон маълумотномаси). Натижада ўткир юрак етишмовчилигини даволашда вазопрессор терапиясини беморларда антиаритмик даволаш самарадорлигини ошириш ўрин кунларнинг камайтириш ҳамда дори-воситаларнинг харажатнинг камайтириш ва ҳаёт сифатини яхшилаш имконини берган. 
ўткир юрак етишмовчилиги билан асоратланган миокрад инфарктининг давосини такомиллаштириш бўйича олинган илмий натижалар соғлиқни сақлаш амалиётига, жумладан, Республика шошилинч тиббий ёрдам илмий маркази ҳамда Бухоро вилояти кардиология диспаенсерининг клиник амалиётига жорий қилинган. (Соғлиқни сақлаш вазирлигининг 2022 йил 28 апрелдаги 08-11524–сон маълумотномаси). Олинган илмий натижаларнинг амалиётга жорий қилиниши ўткир юрак етишмовчилиги билан асоратланган миокрад инфарктининг даволашни такомиллаштиришда норэпинефрин қўлланганда чап қоринчанинг охирги диастолик ҳажми ва отилиш фракцияси допамин гуруҳига нисбатан меъёрий кўрсаткичларга яқинлашиш ҳамда норэпинефрин допаминга қараганда аритмиялар ҳосил бўлиш даражасини 2 мартагача камроқ чақириши, артериал қон босимини юрак қон томир тизимига таъсир қилмасдан кўтариш, кислородга бўлган эҳтиёж камайиши, ишемия соҳасини кенгайтирмаслиги, атриовентрикуляр- блокада билан асоратланган беморларда допаминни қўллаш норэпинефрин гуруҳига нисбатан ишончли устунлигини кўрсатиши ва беморлар ҳаёт сифатини ошириш имконини берган.