Sayt test rejimida ishlamoqda

Абдурахмонов Бунёдбек Муқумжон ўғлининг
фалсафа доктори (PhD) диссертацияси ҳимояси ҳақида эълон


I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Фермерлар популяцияси ва уларнинг оила аъзоларида преуролитиаз ва уролитиазни бахолаш (эпидемиологияси ва профилактикаси хусусиятлари)», 14.00.43 – Профилактик тиббиёт (тиббиёт фанлари). 
Диссертация мавзуси рўйхатга олинган рақам: В2022.2.PhD/Tib2979.
Илмий раҳбар: Мамасолиев Нематжон Солиевич, тиббиёт фанлари доктори, профессор.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Андижон давлат тиббиёт институти PhD.04/04.03.2022.Tib.95.02.
Расмий оппонентлар: Aбдуллайев Шерзодбек Aбдуллайевич, тиббиёт фанлари доктори, доцент; Солийев Кодир Каримович, тиббиёт фанлари доктори.
Етакчи ташкилот: Бухоро давлат тиббиёт институти.
Диссертациянинг йўналиши: амалий аҳамиятга мувофиқ.
II. Тадқиқотнинг мақсади: фермерлар популяциясида ва уларнинг оила аъзоларида преуролитиаз ва уролитиазни эпидемиологиясини ўрганиш хамда уларни мувофиқ олдини олиш учун ноинвазив инновацион тавсияни ишлаб чиқишдан иборат.
III. Тадқиқотнинг илмий янгилиги: 
илк бор фермерлар популяциясида ва уларнинг оила аъзоларида скрининг ўтказилди, преуролитиаз ва уролитиазни эпидемиологияси ўрганилди, СТКни мувофиқ ва фаол олдини олиш учун ноинвазив инновацион тавсиялар ишлаб чиқилди;
илк бор фермерлик билан шуғулланувчи аҳоли популяциясида преуролитиаз ва уролитиазни чин тарқалиши даражалари аниқланган;
илк бор фермерлик фаолияти билан машғул аҳолида сийдик – тош касаллигининг хатар омилларини тарқалиши даражалари Фарғона водийси шароитида аниқланган;
махсус эпидемиологик тадқиқотда преуролитиаз ва уролитиазнинг замонавий клиник кечиши хусусиятлари фермерлик ишлари билан шуғулланувчи аҳоли гурухлари аниқланган;
илк бор фермерлар популяциясида ва уларнинг оиласи аъзоларида сийдик – тош касаллигининг шаклланишига, бевосита ва билбосита алоқадор хатар омилларни қўшадиган хиссалар, уларнинг худудий устуворлари аниқланган;
IV. Тадқиқот натижаларининг жорий қилиниши. 
Фермерлар популяцияси ва уларнинг оила аъзоларида преуролитиаз ва уролитиазни бахолаш бўйича олинган илмий натижалар асосида: 
фермер популяциясида преуролитиаз ва уролитиазнинг профилактикаси бўйича тадқиқотнинг илмий натижалари асосида ишлаб чиқилган «Фермерлар популяциясида ва уларнинг оила аъзоларида преуролитиаз ва уролитиазни бахолаш модели, башоратлаш шкаласи» номли услубий тавсиянома тасдиқланган (Соғлиқни сақлаш вазирлигининг 2022 йил 5 майдаги 8н-м/437-сон маълумотномаси). Мазкур услубий тавсияномада касалликнинг асоратларини бартарафлаш борасида донозологик ташхисот ва профилактик чораларини барвақт амалга ошириш имконини берган;
фермерлар популяциясида преуролитиаз ва уролитиазнинг эрта аниқлаш ва олдини олиш бўйича олинган натижалар соғлиқни сақлаш амалиётига, жумладан, Республика шошилинч тиббий ёрдам маркази Андижон филиали ва Андижон давлат тиббиёт институти клиникаси урология бўлими ҳамда Андижон кўп тармоқли шифохонаси бўлими амалиётига жорий этилган (Соғлиқни Сақлаш вазирлигининг 2022 йил 20 июндаги 8и-з/310 - сон маълумотномаси). Олинган натижалар ПУЛ ва УЛ ни эрта ташхислаш, фермерлик билан шуғулланувчи аҳоли орасида хатар омилларини барвақт аниқлаш, олдини олиш ва бартарафлаш жараёнларини такомиллаштириш имконини берган.

Yangiliklarga obuna bo‘lish