Kalandarov Ilyos Ibodullaevichning
fan doktori (DSc) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Diskret axborot tizimlari va jarayonlarining dinamik funksional jadvallar asosidagi modellari va algoritmlari», 05.01.10 – Axborot olish tizimlari va jarayonlari (texnika fanlari).
Dissertatsiya mavzusi ro‘yxatga olingan raqam: B2022.3.DSc/T359
Ilmiy maslahatchi F.I.Sh., ilmiy darajasi va unvoni: Kabulov Anvar Vasilovich, texnika fanlari doktori, professor.
Dissertatsiya bajarilgan muassasa nomi: Navoiy davlat konchilik va texnologiyalar universiteti.
IK faoliyat ko‘rsatayotgan muassasa nomi, IK raqami: Muhammad al-Xorazmiy nomidagi Toshkent axborot texnologiyalari universiteti, DSc.13/30.12.2019.T.07.01.
Rasmiy opponentlarning F.I.Sh., ilmiy darajasi va unvoni: 
Raxmatullaev Marat Alimovich, texnika fanlari doktori, professor; Zaynidinov Xakimjon Nasridinovich, texnika fanlari doktori, professor; Mamatov Alisher Zulunovich, texnika fanlari doktori, professor.
Yetakchi tashkilot nomi: Farg‘ona politexnika instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: sex, bo‘lim va texnologik modullar darajasidagi diskret axborot tizimi va jarayonlarini dinamik funksional jadvallar asosida tashkillashtirish va tizimlashtirishning kotseptual, matematik model va algoritmlarini yaratishdan iborat.
III. Tadqiqotning ilmiy yangiligi quyidagilardan iborat:
dinamik funksional jadvallar orqali diskret axborot tizimi ob’ektlarini yagona standart tavsifga asoslangan kotseptual modeli ishlab chiqilgan;
diskret turdagi axborot tizimi va jarayonlari uchun agregatlarni shakllantirish, ixtisoslashgan ishchi o‘rinlarni tashkil qilish orqali resurslardan samarali foydalanish va axborot tizimi tuzilmasini tashkillashtirishning matematik modellari va algoritmlari ishlab chiqilgan;
dinamik funksional jadvallar algebrasiga asoslanib diskret turdagi kichik seriyali ishlab chiqarish axborot tizimlari va jarayonlari tuzilmasini tashkillashtirish va tizimlashtirishning algoritmik usuli ishlab chiqildi;
inson-mashina tizimini tashkil qilish masalalari majmuasini echish va sanoat korxonasi axborot jarayonlarini tezkor tartibga solishning funksional matematik modellari va algoritmlari yaratilgan;
diskret axborot tizimlari va jarayonlarini tashkiliy ta’minotini takomillashtirishning vaqt bo‘yicha optimal texnologik yo‘nalish va dastgohlar guruhini tanlashning matematik model va algoritmlari modifikatsiya qilingan.
IV. Tadqiqot natijalarining joriy qilinishi: Diskret axborot tizimlari va jarayonlarining dinamik funksional jadvallar asosidagi modellari va algoritmlariga doir ilmiy tadqiqotlar natijalari:
dinamik funksional jadvallar orqali diskret axborot tizimi ob’ektlarini yagona standart tavsifiga asoslangan konseptual modeli va diskret axborot tizimlari va jarayonlarini tashkiliy ta’minotini takomillashtirishning vaqt bo‘yicha optimal texnologik yo‘nalish va dastgohlar guruhini tanlashning modifikatsiya qilingan matematik model va algoritmlari Navoiy kon-metallurgiya kombinati AJ Taxiatosh metall konstruksiyalar va nostandart jihozlar zavodida qo‘llanildi (Navoiy kon-metallurgiya kombinati AJning 2022 yil 26 avgustdagi 23.01-01-07/558 – son ma’lumotnomasi). Tadqiqotlar natijasi mahsulot ishlab chiqarish samaradorligini 10% ga oshirib mahsulotni tayyorlashga ketadigan vaqtni 1,5 barobarga kamaytirish imkonini bergan;
dinamik funksional jadvallar algebrasiga asoslanib diskret turdagi kichik seriyali ishlab chiqarish axborot tizimlari va jarayonlarini tashkillashtirish va tizimlashtirishning algoritmik usuli va inson-mashina tizimini tashkil qilish masalalari majmuasini echish va sanoat korxonasi axborot jarayonlarini tezkor tartibga solishning funksional matematik model va algoritmlari Navoiy kon-metallurgiya kombinati AJ Shimoliy kon boshqarmasida qo‘llanildi (Navoiy kon-metallurgiya kombinati AJning 2022 yil 26 avgustdagi 23.01-01-07/558 – son ma’lumotnomasi). Joriy qilish natijasida muloqot tizimida mahsulotni tayyorlashga ketadigan vaqtni 1,5 barobarga kamaytirish, ishlab chiqarish hajmini 7% ga oshirish imkoniyati yaratildi;
diskret axborot tizimi va jarayonlari uchun agregatlarni shakllantirish, ixtisoslashgan ishchi o‘rinlarni tashkil qilish orqali resurslardan samarali foydalanish va axborot tizimi tuzilmasini tashkillashtirish matematik modellari va algoritmlari va dinamik funksional jadvallar asosida inson-mashina axborot tizimi va jarayonlarini o‘rganish uchun imitatsiya modellari Navoiy kon-metallurgiya kombinati AJ, «Navoiy mashinasozlik zavodi» ishlab chiqarish birlashmasida qo‘llanildi (Navoiy kon-metallurgiya kombinati AJning 2022 yil 26 avgustdagi 23.01-01-07/558– son ma’lumotnomasi). Inson-mashina tizimini joriy qilish natijasida mahsulot ishlab chiqarish hajmini 8% ga oshirib, maxsulotni tayyorlashga ketadigan vaqtni 1,7 barobarga kamaytirish imkonini bergan.