Эшов Хуршид Хуррамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): «Янги Ўзбекистонда ёшларнинг маънавий таҳдидларга қарши курашиш механизмларини такомиллаштириш», 09.00.09 – Маънавий жараёнлар ва технологиялар (сиёсий фанлар).
Диссертация мавзуси рўйхатга олинган рақам: B2021.4.PhD/Fal655. 
Илмий раҳбар: Ўтамуродов Акбар Ўтамуродович, фалсафа фанлари номзоди, профессор.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса (муассасалар) номи, ИК рақами: Республика Маънавият ва маърифат маркази ҳузуридаги Ижтимоий-маънавий тадқиқотлар институти, DSc.03/30.06.2021.F.135.01. 
Расмий оппонентлар: Равшанов Фазлиддин Равшанович, сиёсий фанлар доктори, доцент; Раматов Жуманиёз Султонович, фалсафа фанлари доктори, профессор.
Етакчи ташкилот: Тошкент молия институти.
Диссертация йўналиши: назарий аҳамиятга молик.
II. Тадқиқотнинг мақсади Янги Ўзбекистонда маънавий таҳдидларнинг муҳим хусусиятларини ижтимоий-фалсафий жиҳатдан очиб бериш ва ушбу салбий омилларга қарши курашишнинг асосий йўналишларини аниқлашдан иборат.
III. Тадқиқотнинг илмий янгилиги:
ёшларни маънавий таҳдидларга қарши курашиш руҳида тарбиялашда “шахс-жамият-давлат” концепциясининг асос эканлиги кўрсатилиб, “маънавий юксалиш” тушунчасининг маъно-мазмуни ва зарурияти очиб берилган;
миллий, умуминсоний, индувидуал мақсадлар кесишмасида иррационализмга йўл қўймаслик ҳамда ижтимоий жараёнларга рационал ёндашиш ёшларни ички ва ташқи таҳдидларга қарши тура оладиган мафкуравий позициясини белгиловчи асос эканлиги кўрсатилган;
миллий ғоя стратегияси жамият сиёсий тизими ва шахс дунёқарашини шакллантириш жараёнидаги ислоҳотлар натижадорлигидан келиб чиқиб, ижтимоий-сиёсий барқарорликни таъминлашнинг муҳим омили эканлиги асосланган;
Янги Ўзбекистонда маънавий таҳдидларга қарши курашишда «давлат+фуқаролик жамияти институтлари+таълим тизими», «фуқаро+электрон ҳукумат+ОАВ» ўзаро ҳамкорлигининг узвийлигини таъминлашда функционал фаолиятини мувофиқлаштириш, мониторинг қилиб бориш, шартномавий муносабатларни такомиллаштириш, ахборот маданиятини ошириш каби механизмлар такомиллаштирилган.
IV. Тадқиқот натижаларининг жорий қилиниши. Янги Ўзбекистонда маънавий таҳдидларга қарши курашиш механизмларини ижтимоий-фалсафий таҳлил қилиш асосида:
ёшларни маънавий таҳдидларга қарши курашиш руҳида тарбиялашда амалдаги (анъанавийлик, ворисийлик, қадриятларга содиқлик, миллий ўзлик, иерархиявийлик каби) механизмлар “шахс-жамият-давлат” концепцияси асосида “маънавий юксалиш” тушунчалари, унинг маъно-мазмуни, зарурияти тўғрисида аниқ асосланган тасаввур ва илмий қарашлар такомиллаштирилган илмий асосланган механизмларидан Республика Маънавият ва маърифат марказининг 2021 йилда Маънавий-маърифий ишлар самарадорлигини ошириш ва соҳани ривожлантиришни янги босқичга кўтаришга доир қўшимча чора-тадбирлар дастурининг «Ёшларнинг турли бузғунчи ғоялардан асраш» номли 2-банди ижросини таъминлашда фойдаланилган (Республика Маънавият ва маърифат маркази 2021 йил 24 декабрдаги 
02/02-1760-сон далолатномаси). Натижада бу ёшларнинг бузғунчи ғоялар, маънавий таҳдидлар борасидаги билимлари ва уларга қарши курашдаги имкониятлари ошишига хизмат қилган;
сиёсий онг ва маданият, сиёсий билим ва тафаккур, сиёсий ёндашув ва позиция ёшлар мафкуравий иммунитетининг шаклланганлик даражасини билдириши, миллий ва умуминсоний ҳамда индувидуал мақсадлар кесишмасида иррационализмга йўл қўймаслик, ижтимоий жараёнларга рационал ёндашиш ёшларни ички ва ташқи таҳдидларга қарши тура оладиган мафкуравий позициясини белгиловчи омиллари Ўзбекистон Миллий ахборот агентлигининг ёшлар сиёсати, ижтимоий ривожлантириш ва маънавий-маърифий ишлар соҳасидаги фаолиятида фойдаланилган (Ўзбекистон Миллий ахборот агентлигининг 2021 йил 1 декабрдаги 57-сон далолатномаси). Натижада бузғунчи ғояларнинг глобал тармоқ орқали тарқалишига қарши самарали чора-тадбирларни ишлаб чиқиш ва амалиётда қўлланишига хизмат қилган;
миллий ғоя стратегияси жамият сиёсий тизими ва шахс дунёқарашини шакллантириш жараёнидаги ислоҳотлар натижадорлигидан келиб чиқиб, ижтимоий-сиёсий барқарорликни таъминлашнинг муҳим омили эканлиги очиб берилган хулосалардан Ёшлар ишлари агентлигининг «Ёшлар дастури», «Иш режаси» бандларида ҳамда ёшлар сиёсати, ижтимоий ривожлантириш ва маънавий-маърифий ишлар соҳасида ўтказилган тарғибот тадбирлари (конференция, давра суҳбати, семинар ва учрашувлар)да фойдаланилган (Ўзбекистон Республика Ёшлар ишлари агентлигининг 2021 йил 19 ноябрдаги 2-09-23-2867-сон далолатномаси). Натижада бу маънавий хавфсизликни таъминлаш учун ички ва ташқи таҳдидларни аниқлаштиришга хизмат қилган; 
Янги Ўзбекистонда маънавий таҳдидларга қарши курашишда «давлат+фуқаролик жамияти институтлари+таълим тизими», «фуқаро+электрон ҳукумат+ОАВ» ўзаро ҳамкорлигининг узвийлигини таъминлаш механизмлари (функционал фаолиятини мувофиқлаштириш, мониторинг қилиб бориш, шартномавий муносабатларни такомиллаштириш, ахборот маданиятини ошириш) бўйича ишлаб чиқилган механизмлари Ўзбекистон Республикаси Президенти ҳузуридаги Ахборот ва оммавий коммуникациялар агентлигининг ҳудудий бўлинмаларида ОАВ фаолияти самарадорлигини таҳлил қилиш ва баҳолашда фойдаланилган (Ўзбекистон Республикаси Президенти ҳузуридаги Ахборот ва оммовий куммуникациялар агентлигининг 2022 йил 5 январдаги 06-04-сон далолатномаси). Натижада таҳдидларга қарши курашишга оид видеороликлар тайёрланиб, ижтимоий тармоқларда намойиш этилишига хизмат қилган.