Жўраев Шуҳрат Исроиловичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): « Йиғилган массаси бўлган қовушоқ-эластик цилиндрик қобиқнинг эркин ва мажбурий тебраниш хусусиятлари (Oсобенности свободных и вынужденных колебаний вязко-упругой цилиндрической оболочки с сосредоточенной  массой)», 01.02.04–Деформацияланувчан қаттиқ жисм механикаси ва 01.02.01-“Назарий механика” (физика-математика фанлари).
Диссертация мавзуси рўйхатга олинган рақам: B2022.2.PhD/FM715
Илмий раҳбар: Тешаев Мухсин Худойбердиевич физика-математика фанлари доктори (DSc),доцент 
Диссертация бажарилган муассаса номи: Бухоро давлат университети
ИК фаолият кўрсатаётган муассаса номи, ИК рақами: Бухоро муҳандислик-технология институти ҳузуридаги илмий даража берувчи PhD.03/27.02.2021.FM.101.02 рақамли илмий кенгаш негизида ташкил этилган бир марталик илмий кенгаш.
Расмий оппонентлар: Мардонов Ботир Мардонович физика-математика  фанлари доктори, проффессор;
Дусматов Олимжон Мусурмонович физика-математика  фанлари доктори профессор
Етакчи ташкилот номи: Тошкент кимё-технология институти
Диссертация йўналиши: назарий ва амалий аҳамиятга молик.
II. Тадқиқотнинг мақсади - гармоник (ёки стационар бўлмаган) юкларнинг таъсири остида бириктирилган массалари бўлган юпқа деворли цилиндрик қобиқларнинг динамикасини аналитик ва сонли ўрганиш методикаси ва алгоритмини ишлаб чиқиш, ҳамда сонли натижалар олиб таҳлил қилишдан иборат. 
III. Тадқиқотнинг илмий янгилиги:
ичма-ич жойлашган ва бир - бири билан деформацияланувчи элемент билан бириктирилган, ҳамда йиғилган массаси бўлган қовушоқ-эластик цилиндрик қобиқларнинг хос ва мажбурий тебранишлари масалаларининг математик қўйилиши, ечиш методикаси ва алгоритми ишлаб чиқилган;
йиғилган массали қовушоқ-эластик цилиндрик қобиқларнинг хос частолари ва тебраниш формаларининг геометрик ва физик-механик параметрларига боғлиқ ўзгариши аниқланган;
структуравий бир жинсли бўлмаган йиғилган массали қовушоқ-эластик цилиндрик қобиқлар хос частоталарининг ҳақиқий ва мавҳум қисмларини оний бикрлик коэффицентларига боғлиқ ўзгариши топилган;
йиғилган массали қовушоқ-эластик цилиндрик қобиқларнинг вибрацион юкланиш таъсири остидаги кўчиш ва зўриқиш амплитудалари частотага боғлиқлик даражаси аниқланган; 
йиғилган массали серво звеноли (пондеромотор кучлар) цилиндрик назарияси асосида механик тизимнинг резонанс режимларини (вибрациядан ҳимоя қилиш тизимлари) бошқариш назарияси такомиллаштирилган;
таянчлари ва бириктирилган массалари бўлган иккита (ёки уч) қобиқдан иборат бўлган структуравий бир жинсли ва бир жинсли бўлмаган механик системалар эркин тебранишларининг дастлабки иккита комплекс частоталарини қиёсий таҳлили ўтказилди. Комплекс частоталарнинг ҳақиқий қисмларининг фарқи 6% гача бўлиши, мавҳум қисмлари эса тубдан фарқ қилиши аниқланган.
IV. Тадқиқот натижаларининг жорий қилиниши. Тадқиқотдаги кўп қатламли цилиндрик қобиқ ва унга бириктирилган массалардан ташкил топган механик системаларнинг тебраниш жараёнида содир бўладиган кучланганлик-деформацияланганлик ҳолатларини ҳисоблаш усуллари ва алгоритм бўйича олинган натижалар асосида:
қовушоқ-эластик элементлар билан бириккан массалари бўлган юпқа деворли қобиқлардан ташкил топган диссипатив механик системаларнинг динамик кучлар таъсири остидаги кучланганлик-деформацияланганлик ҳолатини ҳисоблаш усуллари тадқиқот иши бўйича олинган илмий натижалар Бухоро Давлат университетида 2017-2020-йилларда бажарилган ОТ - Ф4 – 02 – "Математик физиканинг ҳолатлар тўплами чексиз бўлган моделлари термодинамикаси" фундаментал лойиҳада фойдаланилган (Маълумотнома №01-1162, 10.06.2022 й.). Натижада классик ядролардан фойдаланиб, интегро-дифференциал тенгламалар системаси ечимларини топишда аналитик ечим ва диссертасияда ишлаб чиқилган методика ёрдамида ярим аналитик усулдан фойдаланиш орқали олинган ечимлар орасидаги фарқ 15% дан ошмаслиги, бу оркали ҳосил бўладиган резонанс ҳодисасини камайтириш ҳисобидан система мустаҳкамлигини ошириш имконини берган;
математик физикада кўп учрайдиган гиперболик тенгламалар умумлашган ечимларининг махсусликларини аниқловчи параметрларнинг қийматлар соҳасини тавсифлашда Самарқанд давлат университетида 2017-2020 йилларда бажарилган ОТ – Ф4– 69 – "Гармоник анализ, даражали геометрия ва унинг математик физиканинг масалаларига татбиқлари" мавзусидаги фундаментал лойиҳада фойдаланилган (Маълумотнома №10-2289, 13.06.2022 й.). Натижада амплитуда махсуслиги билан фаза махсуслиги қўшилганда тебранувчан интегралнинг асимптотик характерини топиш ва конкрет мисолларда уни сонли қийматларини аниқлаш имконини берган.