Jo‘raev Shuhrat Isroilovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): « Yig‘ilgan massasi bo‘lgan qovushoq-elastik silindrik qobiqning erkin va majburiy tebranish xususiyatlari (Osobennosti svobodnix i vinujdennix kolebaniy vyazko-uprugoy silindricheskoy obolochki s sosredotochennoy  massoy)», 01.02.04–Deformatsiyalanuvchan qattiq jism mexanikasi va 01.02.01-“Nazariy mexanika” (fizika-matematika fanlari).
Dissertatsiya mavzusi ro‘yxatga olingan raqam: B2022.2.PhD/FM715
Ilmiy rahbar: Teshaev Muxsin Xudoyberdievich fizika-matematika fanlari doktori (DSc),dotsent 
Dissertatsiya bajarilgan muassasa nomi: Buxoro davlat universiteti
IK faoliyat ko‘rsatayotgan muassasa nomi, IK raqami: Buxoro muhandislik-texnologiya instituti huzuridagi ilmiy daraja beruvchi PhD.03/27.02.2021.FM.101.02 raqamli ilmiy kengash negizida tashkil etilgan bir martalik ilmiy kengash.
Rasmiy opponentlar: Mardonov Botir Mardonovich fizika-matematika  fanlari doktori, proffessor;
Dusmatov Olimjon Musurmonovich fizika-matematika  fanlari doktori professor
Yetakchi tashkilot nomi: Toshkent kimyo-texnologiya instituti
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi - garmonik (yoki statsionar bo‘lmagan) yuklarning ta’siri ostida biriktirilgan massalari bo‘lgan yupqa devorli silindrik qobiqlarning dinamikasini analitik va sonli o‘rganish metodikasi va algoritmini ishlab chiqish, hamda sonli natijalar olib tahlil qilishdan iborat. 
III. Tadqiqotning ilmiy yangiligi:
ichma-ich joylashgan va bir - biri bilan deformatsiyalanuvchi element bilan biriktirilgan, hamda yig‘ilgan massasi bo‘lgan qovushoq-elastik silindrik qobiqlarning xos va majburiy tebranishlari masalalarining matematik qo‘yilishi, echish metodikasi va algoritmi ishlab chiqilgan;
yig‘ilgan massali qovushoq-elastik silindrik qobiqlarning xos chastolari va tebranish formalarining geometrik va fizik-mexanik parametrlariga bog‘liq o‘zgarishi aniqlangan;
strukturaviy bir jinsli bo‘lmagan yig‘ilgan massali qovushoq-elastik silindrik qobiqlar xos chastotalarining haqiqiy va mavhum qismlarini oniy bikrlik koeffisentlariga bog‘liq o‘zgarishi topilgan;
yig‘ilgan massali qovushoq-elastik silindrik qobiqlarning vibratsion yuklanish ta’siri ostidagi ko‘chish va zo‘riqish amplitudalari chastotaga bog‘liqlik darajasi aniqlangan; 
yig‘ilgan massali servo zvenoli (ponderomotor kuchlar) silindrik nazariyasi asosida mexanik tizimning rezonans rejimlarini (vibratsiyadan himoya qilish tizimlari) boshqarish nazariyasi takomillashtirilgan;
tayanchlari va biriktirilgan massalari bo‘lgan ikkita (yoki uch) qobiqdan iborat bo‘lgan strukturaviy bir jinsli va bir jinsli bo‘lmagan mexanik sistemalar erkin tebranishlarining dastlabki ikkita kompleks chastotalarini qiyosiy tahlili o‘tkazildi. Kompleks chastotalarning haqiqiy qismlarining farqi 6% gacha bo‘lishi, mavhum qismlari esa tubdan farq qilishi aniqlangan.
IV. Tadqiqot natijalarining joriy qilinishi. Tadqiqotdagi ko‘p qatlamli silindrik qobiq va unga biriktirilgan massalardan tashkil topgan mexanik sistemalarning tebranish jarayonida sodir bo‘ladigan kuchlanganlik-deformatsiyalanganlik holatlarini hisoblash usullari va algoritm bo‘yicha olingan natijalar asosida:
qovushoq-elastik elementlar bilan birikkan massalari bo‘lgan yupqa devorli qobiqlardan tashkil topgan dissipativ mexanik sistemalarning dinamik kuchlar ta’siri ostidagi kuchlanganlik-deformatsiyalanganlik holatini hisoblash usullari tadqiqot ishi bo‘yicha olingan ilmiy natijalar Buxoro Davlat universitetida 2017-2020-yillarda bajarilgan OT - F4 – 02 – "Matematik fizikaning holatlar to‘plami cheksiz bo‘lgan modellari termodinamikasi" fundamental loyihada foydalanilgan (Ma’lumotnoma №01-1162, 10.06.2022 y.). Natijada klassik yadrolardan foydalanib, integro-differensial tenglamalar sistemasi echimlarini topishda analitik echim va dissertasiyada ishlab chiqilgan metodika yordamida yarim analitik usuldan foydalanish orqali olingan echimlar orasidagi farq 15% dan oshmasligi, bu orkali hosil bo‘ladigan rezonans hodisasini kamaytirish hisobidan sistema mustahkamligini oshirish imkonini bergan;
matematik fizikada ko‘p uchraydigan giperbolik tenglamalar umumlashgan echimlarining maxsusliklarini aniqlovchi parametrlarning qiymatlar sohasini tavsiflashda Samarqand davlat universitetida 2017-2020 yillarda bajarilgan OT – F4– 69 – "Garmonik analiz, darajali geometriya va uning matematik fizikaning masalalariga tatbiqlari" mavzusidagi fundamental loyihada foydalanilgan (Ma’lumotnoma №10-2289, 13.06.2022 y.). Natijada amplituda maxsusligi bilan faza maxsusligi qo‘shilganda tebranuvchan integralning asimptotik xarakterini topish va konkret misollarda uni sonli qiymatlarini aniqlash imkonini bergan.