Bozarov Baxromjon Ilxomovichning 
falsafa doktori (PhD) dissertatsiyasi himoyasi haqida e’lon

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Uch o‘lchovli fazo sferasida optimal kubatur formulalar», 01.01.03–Hisoblash matematikasi va diskret matematika (fizika-matematika fanlari).
Dissertatsiya mavzusi ro‘yxatga olingan raqam: B2019.1.PhD/FM308.
Ilmiy rahbar: Hayotov Abdullo Rahmonovich, fizika-matematika fanlari doktori, professor.
Dissertatsiya bajarilgan muassasa nomi: O‘zR FA V.I.Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.02 raqamli ilmiy kengash.
Rasmiy opponentlar: Uteuliev Nietbay, fizika-matematika fanlari doktori, professor; Nuraliev Farxod Abdug‘anievich, fizika-matematika fanlari doktori, dotsent.
Yetakchi tashkilot: Samarqand davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi Sobolev fazolarida uch o‘lchovli fazo sferasida aniqlangan funksiyalarni taqribiy integrallash uchun optimal kubatur formulalar va trigonomatrik vaznli optimal kvadratur formulalar qurishdan iborat.
III. Tadqiqotning ilmiy yangiligi quyidagilardan iborat: 
Sobolevning fazosida trigonometrik vaznli kvadratur formulalar uchun xatolik funksionalining normasi hisoblangan;
trigometrik vaznli optimal kvadratur formulalar koeffisientlarining oshkor ko‘rinishi topilgan;
 fazosida uch o‘lchovli fazo sferasida aniqlangan funksiyalarning integrallarini taqribiy hisoblash uchun trigonometrik vaznli optimal kvadratur formula yordamida optimal kubatur formulalar qurilgan;
qurilgan trigonometrik vaznli optimal kvadratur formulalar kompyuter tomografiyasining tasvirlarini qayta tiklash uchun tatbiq etilgan;
IV.Tadqiqot natijalarining joriy qilinishi: Uch o‘lchovli fazo sferasida aniqlangan funksiyalarning integrallarini taqribiy hisoblash uchun qurilgan optimal kubatur formulalar va trigonometrik vaznli optimal kvadratur formulalar bo‘yicha olingan ilmiy natijalar asosida: 
sferada aniqlangan funksiyalarning integrallarni taqribiy hisoblash uchun qurilgan trigonometrik vaznli optimal kvadratur formulalaridan OT-F-3-19 – “Energiya o‘zgarishining issiqlik sikllariga asoslangan quyosh energetik qurilmalari uchun yangi tipdagi parabolotsilindrik konsentratorlarning modul tizimlarini yaratish bo‘yicha fundamental tadqiqotlarni rivojlantirish” fundamental loyihasida quyosh energetik qurilmalari uchun yangi tipdagi parabolotsilindrik konsentratorlarni yaratish issiqlik jarayonlarini ifodalovchi matematik modellar echimlarini  optimal yaqinlashtirishda foydalanilgan (Farg‘ona politexnika institutining 2021 yil 17 iyuldagi ma’lumotnomasi). Natijada, bu aerodinamikaning murakkab fizik jarayonlarini ifodalashda ma’lum integro-differensial tenglamalarni hosil qilish, ularni taqribiy integrallash va xatoligini baholash imkonini bergan;
cobolevning  fazosida uch o‘lchovli fazo sferasida aniqlangan funksiyalarning integrali uchun kubatur formulalar va trigonometrik vaznli integrallarni taqribiy hisoblash uchun qurilgan optimal kvadratur formulalar OT-Atex-2018-340 raqamli “Ikki tezlikli muhit dinamikasining amaliy geofizik masalalarini nazariy va sonli tadqiq etish” mavzusidagi amaliy loyihasida ikki tezlikli muhit dinamikasini ifodalovchi model tenglamalarni echimlarini etarlicha katta aniqlikda hisoblashda foydalanilgan (Qarshi davlat universitetining 2021 yil 22 dekabrdagi ma’lumotnomasi). Natijada, bu geologiya va geofizika masalalarini echish uchun yangi algoritmlar qurish imkonini bergan.