Abdishukurova Guzal Maksud qizining
falsafa doktori (PhD) dissertatsiya himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri: «Submersiyalar hosil qilgan qatlamalar geometriyasi», 01.01.04 – Geometriya va topologiya (fizika-matematika fanlari).
Dissertatsiya mavzusi ro‘yxatga olingan raqam: B2022.3.PhD/FM749.
Dissertatsiya bajarilgan muassasa nomi: Mirzo Ulug‘bek nomidagi O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.01 raqamli Ilmiy kengash.
Ilmiy rahbar: Sharipov Anvarjon Solievich, fizika-matematika fanlari doktori, dotsent.
Rasmiy opponentlar: fizika-matematika fanlari doktori, professor Zaitov Adilbek Ataxanovich (Toshkent arxitektura-qurilish instituti); fizika-matematika fanlari doktori, professor Raximov Abdugafur Abdumadjidovich (Mirzo Ulug‘bek nomidagi O‘zbekiston Milliy univer-siteti). 
Yetakchi tashkilot: Ajiniyoz nomidagi Nukus davlat pedagogika instituti 
Dissertatsiya yo‘nalishi: nazariy ahamiyatga molik.
II. Tadqiqotning maqsadi submersiyalar hosil qilgan qatlamalar geometriyasi va topologiyasini hamda qatlamali ko‘pxilliklar diffeomorfizmlar gruppasini o‘rganishdan iborat.
III. Tadqiqotning ilmiy yangiligi:
to‘la riman ko‘pxilligida berilgan submersiya sath sirtlarining chiziqli bog‘lanishli bo‘lishi uchun submersiya bazasi bir bog‘lamli bo‘lishi zarur va etarli ekanligi isbotlagan;
ixtiyoriy yo‘nalishda to‘g‘ri chiziqqa ega va seksion egriligi nolga teng to‘la riman ko‘pxilligida berilgan riman submersiyasi hosil qilgan qatlamaning to‘la  geodezik bo‘lishi isbotlangan;
tekislikda berilgan uchta Killing vektor maydonlari yordamida uch o‘lchamli evklid fazosida o‘zgarmas egrilikka va o‘zgarmas buralishga ega bo‘lgan bir o‘lchamli qatlama hosil qiluvchi submersiya qurilgan;
qatlamali ko‘pxillik diffeomorfizmlar gruppasida kiritilgan qatlamali kompakt ochiq topologiyaning sanoqli baza tashkil qiluvchi ochiq to‘plamlar oilasi ko‘rsatilgan;
diffeomorfizmlar gruppasi qatlamali kompakt ochiq topologiyaga nisbatan sanoqli bazaga ekanligidan foydalanib, ketma-ketliklar usuli yordamida bu gruppaning topologik gruppa ekanligi isbotlangan.
IV.Tadqiqot natijalarining joriy qilinishi: Submersiyalar hosil qilgan qatlamalar geometriyasi bo‘yicha olingan dissertatsiya natijalari quyidagi ilmiy-tadqiqot loyihasida qo‘llanilgan:
Qatlamali ko‘pxilliklar diffeomorfizmlar gruppasining topologik gruppa ekanligi va bu gruppa ba’zi qismiy gruppalari Li gruppasi ekanligi bo‘yicha olingan natijalar O‘zbekiston Milliy universitetida 2017-2020 yillarda bajarilgan OT-F4-42- “Yarim additiv silliq va Radon funksionallar fazolarining kardinal va topologik xossalari” mavzusidagi fundamental loyihada topologik gruppalarning kardinal invariantlarini tadqiq etish imkonini bergan (Ma’lumotnoma, O‘zbekiston Milliy universiteti, 26 avgust 2022 yil № 01/10-11-4890). Ilmiy natijalarning qo‘llanilishi topologik fazolarning topologik, algebraik va funksional invariantlari orasidagi bog‘lanishni aniqlash, xususan topologik gruppalarning kardinal invariantlarini topish imkonini bergan;
Qatlamali ko‘pxilliklar diffeomorfizmlar to‘plami sanoqli bazaga ega topologik fazo tashkil qilishi va ushbu fazo qatlamali kompakt ochiq topologiyaga nisbatan topologik gruppa hosil qilishi  bo‘yicha olib borilgan tadqiqot natijalari Rossiya Federatsiyasi Ta’lim va fan vazirligining "№ 075-00232-20-01, FEWS-2020-0010 davlat topshirig‘i doirasida quyidagi xorijiy ilmiy-tadqiqot loyihalarida "Dinamik sistemalarni boshqarish va barqarorlashtirish nazariyasi va usullarini ishlab chiqish", RFTF loyihasi 20-01-00293, "Sifatiy boshqaruv nazariyasi va sobit bo‘lmagan terminal momentli differensial o‘yinlar nazariyasi" dinamik sistemalarning geometriyasi masalalarini hal qilish imkonini bergan (Udmurt davlat universiteti ma`lumotnomasi, 2022 yil 30 avgust 7873-8093 / 31-son). Submersiyalar hosil qilgan qatlamalar geometriyasi bo‘yicha olingan natijalar agar submersiyaning sath sirti dinamik sistemaning integral sirti bo‘lsa, qatlamali ko‘pxillikning diffeomorfizmlari gruppasining ayrim qism gruppalari dinamik sistema traektoriyalarini invariant qoldirishini aniqlashga xizmat qilgan. Ilmiy natijalarning qo‘llanilishi dinamik sistemalarning geometriyasini o‘rganish imkonini bergan.