Боева Оқила Ҳусановнанинг
фалсафа доктори (PhD) диссертацияси ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Модал усул асосида динамик объектларни бошқариш тизимларини синтез қилиш алгоритмлари», 05.01.08 – Технологик жараёнлар ва ишлаб чиқаришни автоматлаштириш ва бошқариш (техника фанлари).
Диссертация мавзуси рўйхатга олинган рақам: B2021.3.PhD/T2377.
Илмий раҳбар: Севинов Жасур Усмонович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/30.12.2019.Т.03.02.
Расмий оппонентлар: Юсупбеков Азизбек Нодирбекович, техника фанлари доктори, профессор; Халматов Даврон Абдуалимович, техника фанлари номзоди, доцент.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: модал усул асосида динамик объектларни бошқариш тизимларини синтезлаш алгоритмларини ишлаб чиқиш орқали бошқариш сифатини оширишдан иборат.
III. Тадқиқотнинг илмий янгилиги:
объект тенгламаларининг коэффициентлари ва бошқариш қурилмасида фойдаланиладиган объектнинг кузатиладиган катталикларини турғун идентификациялаш имконини берувчи динамик объектларни бошқариш тизимларида тескари алоқаларни танлаш алгоримлари ишлаб чиқилган;
берк тизим матрицасининг хусусий қийматларини комплекс текисликда зарурий тақсимланишини таъминловчи чиқиш бўйича пропорционал-дифференциал тескари алоқали кўп ўлчамли тизимларда қутбларни жойлаштиришнинг самарали алгоритмлари ишлаб чиқилган;
муҳим ҳисоблашларни талаб қиладиган тескари матрицани аниқлаш операциясини истисно қилишга имкон берувчи номинимал-фазали стохастик тизимлар қутбларини жойлаштиришнинг адаптив алгоритмлари ишлаб чиқилган; 
бошқариш жараёнини экспоненциал диссипативлигини таъминлайдиган технологик жараёнлар параметрларининг априор ноаниқлиги ва ностационарлиги шароитида кечикишга эга бўлган динамик объектлар учун модал усул асосида адаптив бошқариш алгоритмлари ишлаб чиқилган.
IV. Тадқиқот натижаларининг жорий қилиниши. Модал усул асосида динамик объектларни адаптив бошқариш тизимларини синтезлаш бўйича олинган илмий натижалар асосида:
динамик объектларни бошқариш тизимларида тескари алоқаларни танлаш алгоритмлари “Навоийазот” АЖда жорий қилинган («ЎзКИМЁСАНОАТ» АЖнинг 2022 йил 19 августдаги №03/3824-сон маълумотномаси). Натижада, бошқариш қурилмасида фойдаланиладиган бошқариладиган объект тенгламасининг коэффициентларини ва объектнинг кузатилувчи катталикларини идентификация қилиш имконини берган;
чиқиши бўйича пропорционал-дифференциал тескари алоқали кўп ўлчамли тизимларда қутбларни жойлаштириш алгоритмлари “Навоийазот” АЖда жорий қилинган («ЎзКИМЁСАНОАТ» АЖнинг 2022 йил 19 августдаги №03/3824-сон маълумотномаси). Натижада, алгоритмлар аммиак синтези жараёнининг технологик режимлари кечишини стабиллаштириш имконини берган;
номинимал-фазали стохастик тизимлар қутбларини жойлаштиришнинг адаптив алгоритмлари “Навоийазот” АЖда жорий қилинган («ЎзКИМЁСАНОАТ» АЖнинг 2022 йил 19 августдаги №03/3824-сон маълумотномаси). Натижада, алгоритмлар муҳим ҳисоблашларни талаб қиладиган тескари матрицани аниқлаш операциясини истисно қилишга имкон берган.