Абдуллаев Жаҳонгир Ўрозали ўғлининг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Этилен асосида изо-бутил, изо-гексил спиртлари олиш технологияси ва қўлланилиши», 02.00.08 – Нефть ва газ кимёси ва технологияси (техника фанлари).
Диссертация мавзуси рўйхатга олинган рақам: В2022.3.PhD/Т201.
Илмий раҳбар: Нурманов Сувонқул Эрханович, техника фанлари доктори, профессор.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса (муассасалар) номи, ИК рақами: Бухоро муҳандислик-технология институти, DSc.03/28.02.2022.Т.101.01.
Расмий оппонентлар: Икромов Абдувахоб Икромович, техника фанлари доктори, профессор; Худайбердиев Абсалом Абдурасулович, техника фанлари доктори, катта илмий ходим.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: этилен асосида теломерлаш реакцияси орқали изо-бутил ва изо-гексил спиртларини синтез қилиш, жараённинг оптимал шароитларни аниқлаш, технологиясини ишлаб чиқиш ва уларни экстрагент-эритувчи ва эмулгатор сифатида қўллашдан иборат.
III. Тадқиқотнинг илмий янгилиги:
илк бор этиленни этанол билан водород пероксид ва ацетон иштирокида теломерланиш реакцияси орқали изо-бутил ва изо-гексил спиртлари синтези илмий асосланган;
этиленни этанол билан теломерланиш реакциясида водород пероксид ва ацетоннинг каталитик роли ва жараённинг радикал механизм билан бориши асосланган;
синтез қилинган изо-бутил спиртини олтингугуртни металл сульфидлари ва силикатлардан тозалашда эритувчи-экстрагентлик хоссаси, изо-гексил спиртини эса олтингугуртга нисбатан эмулгаторлик хосса номоён қилиши аниқланган;
этиленни этанол билан теломерлаш реакцияси асосида алифатик спиртлар олишнинг принципиал технологик схемаси ишлаб чиқилган.
IV. Тадқиқот натижаларининг жорий қилиниши. 
Этиленни этанол иштирокида теломерланиш реакциясини амалга ошириш бўйича олинган илмий тадқиқот натижалари асосида:
синтез қилинган изо-бутил спирти “Муборак ГҚИЗ” АЖда техник олтингугуртни тозалашда экстрагент-эритувчи сифатида жорий қилинган (Муборак газни қайта ишлаш заводи АЖнинг 2022 йил 7 июндаги 682/GK-06-сон маълумотномаси). Натижада, импорт ҳисобига қўлланиладиган изо-бутил спиртини маҳаллийлаштириш имконини берган;
этиленни теломерлаш орқали изо-гексил спирти синтези усули “Муборак ГҚИЗ” АЖда жорий қилинган ва олтингугуртдан қишлоқ хўжалигида акарицид ва фунгицид сифатида фойдаланишда коллоид эритма ҳосил қилувчи эмулгатор сифатида фойдаланилган (Муборак газни қайта ишлаш заводи АЖнинг 2022 йил 7 июндаги 682/GK-06-сон маълумотномаси). Натижада, қишлоқ хўжалигида фойдаланиладиган импорт эмулгаторларни маҳаллийлаштириш имконини берган.