Умаров Бахрам Смановичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Қутбсиз, қутбли ва квадрупол молекулаларнинг диацетатцеллюлоза-кремнезем нанокомпозициясига адсорбцияланиши», 02.00.11 – Коллоид ва мембрана кимёси (кимё фанлари).
Диссертация мавзуси рўйхатга олинган рақам: В2022.1.PhD/K468.
Илмий раҳбар: Яркулов Ахрор Юлдашевич, кимё фанлари доктори, доцент.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.K/T.66.02.
Расмий оппонентлар: Кулдашева Шахноза Абдулазизовна, кимё фанлари доктори, профессор; Бахронов Ҳаёт Нурович, кимё фанлари номзоди, доцент.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қутбсиз, қутбли ва квадрупол молекулаларнинг гибрид диацетатцеллюлоза-кремнезем нанокомпозициясига адсорбцияланиш хоссаларини аниқлашдан иборат.
III. Тадқиқотнинг илмий янгилиги:
илк бор диацетатцеллюлоза-кремнезем нанокомпозициясига қутбсиз, қутбли ва квадрупол молекулаларни адсорбцияланишининг прецизион адсорбцион-калориметрик усул билан изотермалари олинган ва улар микроғовакларнинг ҳажмий тўйиниш назариясининг икки ва уч аъзоли математик тенгламалари асосида исботланган;
қутбсиз, қутбли ва квадрупол молекулаларни диацетатцеллюлоза-кремнезем нанокомпозициясига адсорбцияланишининг термокинетикаси орқали адсорбцион мувозанат вақти аниқланган;
диацетатцеллюлоза-кремнезем нанокомпозициясига қутбсиз, қутбли ва квадрупол молекулаларнинг адсорбцияланиш иссиқлиги поғонасимон равишда ва дифференциал моляр энтропиянинг қиймати адсорбатларнинг миқдорига қараб сорбентга мустаҳкам жойлашиши аниқланган;
турли адсорбцион моделлари бўйича диацетатцеллюлоза-кремнезем нанокомпозициясига қутбсиз, қутбли ва квадрупол молекулаларни адсорбцияланиш параметрлари ҳамда текстуравий хоссалари аниқланган.
IV. Тадқиқот натижаларининг жорий қилиниши: 
Гибрид ДАЦ-кремнезем нанокомпозициялари асосида ярим ўтказгичли сенсорларни ишлаб чиқиш бўйича олинган илмий натижалар асосида:
диацетатцеллюлоза-кремнезем нанокомпозитли кимёвий сенсорлар «Муборак газни қайта ишлаш заводи» МЧЖнинг амалиётига жорий қилинди ( Муборак газни қайта ишлаш заводининг 2022 йил 13 июльдаги 812/GK-07 сон маълумотномаси) Натижада, H2S, CO, CO2, N2 газларни аниқлаш учун янги сенсор яратиш имконини берган;
гибрид диацетатцеллюлоза-кремнезем нанокомпозицияларининг физик-кимёвий хоссаларидан №ЁФ7-ОТ-0-45168 ЁФ7-2 «Полисахаридларнинг концентрланган эритмалари ва улар асосидаги композицияларни термодинамик хоссалари» мавзусидаги фундаментал лойиҳасида адсорбция изотермаси, капилляр-ғовак тузилишлари ва адсорбцияланиш механизмларидан фойдаланилган (Ўзбекистон Республикаси Олий ва ўрта маҳсус таълим вазирлигининг 2022 йил 9 мартдаги 89-05-06-сон маълумотномаси). Натижада, гибрид диацетатцеллюлоза-кремнезем нанокомпозициясини адсорбцияланишининг термодинамик хоссаларини аниқлаш имконини берган.