Садриддинова Нигора Хусниддин қизининг
фалсафа доктори (Ph.D) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража берадиган фан тармоғи номи): «Тўқимачилик кластерларининг экспорт салоҳиятини бошқариш механизмларини такомиллаштириш», 08.00.13 – “Менежмент” (иқтисодиёт фанлари).
Диссертация мавзуси рўйхатга олинган рақам: В2022.1.PhD/Iqt1144.
Илмий раҳбар: Умархўджаева Муяссархон Ғаниевна, иқтисодиёт фанлари номзоди, доцент.
Диссертация бажарилган муассаса номи: Жаҳон иқтисодиёти ва дипломатия университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSс.03/30.12.2020.I.16.02.
Расмий оппонентлар: Хошимов Акром Абдиевич, иқтисодиёт фанлари доктори, профессор; Назарова Фотима Хакимовна, иқтисодиёт фанлари доктори, профессор.
Етакчи ташкилот номи: Тошкент тўқимачилик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Республикасида тўқимачилик кластерларининг экспорт салоҳиятини бошқариш механизмларини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
тўқимачилик кластерлари таркибидаги корхоналарда ижтимоий стандартлар (BSCI, Sedex) талаблари ва аудиторлик текшируви бўйича кўникмага эга ходимларни жалб этиш ҳамда стандартларни олмоқчи бўлган корхоналар гуруҳланган рўйхатига киритиш орқали харажатларни 30 фоизга қадар қисқартириш таклифи асосланган;
тўқимачилик кластерларининг экспорт салоҳиятидан фойдаланиш даражасини халқаро миқёсда тан олинган компаниялар билан ҳамкорликда тўқимачилик маҳсулотларини сертификатлаш ва стандартлаштириш бўйича замонавий ускуналар билан жиҳозланган лаборатория тизимини шакллантириш орқали ошириш таклифи асосланган; 
тўқимачилик кластерлари ташкил этишнинг экспорт салоҳиятига таъсири аниқланиб, кластер таркибидаги турли функционал тузилмаларни мавжуд салоҳиятдан максимал даражада фойдаланиш имконини берувчи йўналишларда ташкил этиш ва кенгайтириш таклифи асосланган;
тўқимачилик саноатининг экспорт кўрсаткичларига таъсир қилувчи омиллар асосида  2026 йилга қадар Тошкент шаҳрида тўқимачилик саноатини ривожланишининг прогноз кўрсаткичлари ишлаб чиқилган.
IV.Тадқиқот натижаларининг жорий қилиниши.
Тўқимачилик кластерлари тизимини такомиллаштириш, уларнинг экспорт салоҳияти самарадорлигини ошириш бўйича олинган илмий натижалар асосида:
“Ўзтўқимачиликсаноат” уюшмаси таркибига кирувчи корхоналар фаолиятига тўқимачилик кластерлари таркибидаги корхоналарда ижтимоий стандартлар (BSCI, Sedex) талаблари ва аудиторлик текшируви бўйича кўникмага эга ходимларни жалб этиш ҳамда стандартларни олмоқчи бўлган корхоналар гуруҳланган рўйхатига киритиш орқали харажатларни 30 фоизга қадар қисқартириш таклифи киритилган («Ўзтўқимачиликсаноат» уюшмасининг 2021 йил 16 декабрьдаги 04/25-3459-сон маълумотномаси).  Биринчи илмий янгиликнинг «Реал-Текс Ташкент» МЧЖ фаолиятига жорий этилиши корхонада стандарт талабларини бажариш имкониятини кенгайтириш, ўз навбатида, тўқимачилик маҳсулотларини экспорт қилиш харажатларини 7,3% пасайтиришга имкон берди, «OQ SAROY KLASTER» МЧЖда бу кўрсаткич 5,2%га пасайтирилди;
Тўқимачилик кластерларининг экспорт салоҳиятидан фойдаланиш даражасини халқаро миқёсда тан олинган компаниялар билан ҳамкорликда тўқимачилик маҳсулотларини сертификатлаш ва стандартлаштириш бўйича замонавий ускуналар билан жиҳозланган лаборатория тизимини шакллантириш орқали ошириш таклифи “Ўзтўқимачиликсаноат” уюшмаси таркибига кирувчи корхоналар фаолиятига жорий этилган («Ўзтўқимачиликсаноат» уюшмасининг 2021 йил 16 декабрдаги 04/25-3459-сон маълумотномаси). Икинчи илмий янгиликнинг «Реал-Текс Ташкент» МЧЖ ва «OQ SAROY KLASTER» МЧЖ фаолиятига жорий этилиши корхонанинг экспортга йўналтирилган маҳсулотлари ташқи бозорда рақобатли устунлик ва барқарорлик дастурини ишлаб чиқиш учун асос бўлган;  
Тўқимачилик кластерлари ташкил этишнинг экспорт салоҳиятига таъсири аниқланиб, кластер таркибидаги турли функционал тузилмаларни мавжуд салоҳиятдан максимал даражада фойдаланиш имконини берувчи йўналишларда ташкил этиш ва кенгайтириш таклифи “Ўзтўқимачиликсаноат” уюшмаси таркибига кирувчи корхоналар фаолиятига жорий этилган. («Ўзтўқимачиликсаноат» уюшмасининг 2021 йил 16 декабрдаги 04/25-3459-сон маълумотномаси). Учинчи илмий янгиликнинг «Реал-Текс Ташкент» МЧЖ ва «OQ SAROY KLASTER» МЧЖ фаолиятига жорий этилиши корхонанинг ресурслар салоҳиятини қайта баҳолаш учун асос яратди, у эса, ўз навбатида, «Реал-Текс Ташкент» МЧЖда тўқимачилик маҳсулотларини экспорт қилиш даражасини 6,2% оширишга имкон берган, «OQ SAROY KLASTER» МЧЖда бу кўрсаткич 4,5%га оширилган;
тўқимачилик саноатининг экспорт кўрсаткичларига таъсир қилувчи омиллар асосида  2026 йилга қадар Тошкент шаҳрида тўқимачилик саноатини ривожланишининг прогноз кўрсаткичлари ишлаб чиқилиб “Ўзтўқимачиликсаноат” уюшмаси таркибига кирувчи корхоналар фаолиятига жорий этилган. («Ўзтўқимачиликсаноат» уюшмасининг 2021 йил 16 декабрдаги 04/25-3459-сон маълумотномаси). Тўртинчи илмий янгиликнинг «Реал-Текс Ташкент» МЧЖ ва «OQ SAROY KLASTER» МЧЖ фаолиятига жорий этилиши экспортга йўналтирилган ишлаб чиқаришларни марказлаштиришга имкон берди, бу эса, ўз наватида, корхонани ривожлантиришнинг стратегик режасини ишлаб чиқиш учун асос яратган.