Эшонжонов Жохонгир Бахромжоновичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри:“Енгил ёғоч каркасли том ёпма конструкцияси, кучланганлик-деформацияланувчанлик ҳолати ва оловбардошлигини ошириш усулларини такомиллаштириш”05.10.02 – Фавқулодда ҳолатларда хавфсизлик. Ёнғин, саноат, ядро ва радиация хавфсизлиги ва 05.09.01-Қурилиш конструкциялари, бино ва иншоотлар,диссертация мавзусини рўйхатга олинган рақам: B2022.2.PhD/2726.
илмий раҳбар: Раззақов Собиржон Жўраевич, техника фанлари доктори, профессор.
Диссертация бажарилган муассаса номи:Наманган муҳандислик-қурилиш институти.
ИК фаолият кўрсатаётган муассаса номи, ИК рақами:Ўзбекистон Республикаси ФВВ Академияси PhD 40/30.12.2020.Т.129.01.
Расмий оппонентлар: Муртазаев Қувондиқ Мустафаевич– техника фанлари доктори,Ўзбекистон Республикаси ФВВ Академияси; 
Ахмадиёров Улуғбек Солижанович– техника фанлари бўйича фалсафа доктори (PhD), Тошкент архитектура-қурилиш институти.
Етакчи ташкилот: Фарғона политехника институти.
II. Тадқиқотнинг мақсади енгил ёғоч каркасли том ёпма конструкциясини ишлаб чиқиш, кучланганлик-деформацияланувчанлик ҳолатини экспериментал тадқиқ қилиш ва оловбардошлигини ошириш усулларини такомиллаштиришдан иборат.
III.Тадқиқотнинг илмий янгиликлари:
турар-жой бинолари том ёпмалари учун индустриал ёғоч қобирға ва қоплама конструкцияли янги намунадаги енгил панел конструкцияси  ишлаб чиқилган;
енгил ёғоч каркасли панел конструкциясини назарий ҳисоблаш усули таянчдаги нормаль кучланишни учбурчак қонунияти бўйича тарқалишини эьтиборга олган ҳолда, с-коэффициент ўрнига, 4/3с-қийматдаги коэффициент киритиш орқали такомиллаштирилган;
янги турдаги ёғоч панел конструкциясининг термик ва оловбардошлигини ошириш усули илмий жиҳатдан асосланган ҳамда такомиллаштирилган;
экспериментал тадқиқотлар ёрдамида ёғоч панел конструкциясининг кучланганлик-деформацияланувчанлик ҳолати аниқланган ва том ёпмаларда қўлланилганда сейсмик хавфсизликни таъминлаши (2-3 баробар) «Лира ПК» дастури ёрдамида назарий ҳисоблаш орқали асосланган.
IV.Тадқиқот натижаларининг жорий қилиниши. Енгил ёғоч каркасли том ёпма конструкцияси, кучланганлик-деформацияланувчанлик ҳолати ва оловбардошлигини ошириш усулларини такомиллаштириш” мавзусидаги диссертация иши тадқиқотлари бажарилиши билан бирга қуйидагилар жорий қилинган:
енгил ёғоч каркасли панел конструкцияси, Наманган вилояти  “Toshuyjoy LITI” AJ ташкилоти томонидан  лойиҳалаш ишлари жараёнида фойдаланиш учун қабул қилинган. Натижада енгил конструкцияни қўллаш ҳисобига сейсмик хавфсизликни таъминлаш даражаси 2-3 баробарга ортган (“Ўзсаноатқурилишматериаллари” уюшмасининг 2022 йил 26 июлдаги 05/15-1850-сонли маълумотномаси);
енгил ёғоч каркасли панел конструкциясини такомиллаштирилган назарий ҳисоблаш усули “Коммуналтаъмирлойиҳа” МЧЖда жорий қилинган  Натижада ҳисоблаш аниқлиги 95-97 фоизгача ортганлиги учун иқтисодий самарадорликка эришилган (“Коммуналтаъмирлойиҳа” МЧЖнинг 2022 йил 18 февралдаги маълумотномаси); 
енгил ёғоч каркасли панел конструкциясини ҳисоблаш дастури “Memor Mega Premium” МЧЖда лойиҳалаш ишлари учун жорий этилган. Натижада лойиҳалаш ва ҳисоблаш жараёнларига сарфланадиган вақтни 15% гача тежалишига эришилган (“Ўзсаноатқурилишматериаллари” уюшмасининг 2022 йил 26 июлдаги 05/15-1850-сон маълумотномаси).