Seidullaev Abat Kamalovichning 
falsafa doktori (PhD) dissertatsiyasi himoyasi haqida e’lon

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Integral geometriyaning parabolalar va siniq chiziqlar oilalaridagi masalalarning modellari va algoritmlari va ularning geofizikada qo‘llanilishi», 05.01.07–Matematik modellashtirish. Sonli usullar va dasturlar majmui (fizika-matematika fanlari).
Dissertatsiya mavzusi ro‘yxatga olingan raqam: B2022.2.PhD/FM741.
Ilmiy rahbar: Uteuliev Nietbay Uteulievich, fizika-matematika fanlari doktori, professor.
Dissertatsiya bajarilgan muassasa nomi: Toshkent axborot texnologiyalari universiteti Nukus filiali.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.02 raqamli ilmiy kengash.
Rasmiy opponentlar: Begmatov Akram Xasanovich, fizika-matematika fanlari doktori, professor; Normuradov Chori Begalievich, fizika-matematika fanlari doktori, professor.
Yetakchi tashkilot: Qarshi davlat universiteti.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi seysmik ma’lumotlarni qayta ishlash va tiklash masalalarini echish uchun matematik modellarni ishlab chiqish, sonli echish usullari va algoritmlarini qurishdan iborat.
III. Tadqiqotning ilmiy yangiligi quyidagilardan iborat: 
siniq chiziqlar oilasidagi integral geometriya masalasi uchun echimning mavjudligi, yagonaligi, turg‘unligi teoremalari isbotlangan va aniq inversiya formulasi olingan hamda shu formula asosida seysmik ma’lumotlarni qayta tiklash masalalari sonli echilgan;
seysmik integral ma’lumotlar xatolik bilan berilganda Tixonov va Lavrent`ev regulyarizatsiyalar yordamida hisoblash algoritmlari qurilgan va seysmogrammani qayta tiklash masalasi sonli echilgan;
parabolalar oilasidagi integral geometriya masalalari uchun echimning yagonaligi va turg‘unlik teoremalari isbotlangan hamda Fur`e obrazi uchun aniq inversiya formulasi olingan;
parabolalar oilasidagi integral geometriya masalasi echimining birinchi o‘zgaruvchi bo‘yicha Fur`e obrazi topilgan va Tixonovning korrektmas masalalarning regulyarizatsiyasi nazariyasiga asoslanib, aniq echimiga yaqinlashuvchi echimlar ketma-ketligi qurilgan.
IV.Tadqiqot natijalarining joriy qilinishi. Siniq chiziqlar va parabolalar oilalarida integral geometriyaning masalalarini sonli va analitik echish bo‘yicha olingan ilmiy natijalar asosida: 
seysmik ma’lumotlarni qayta ishlash uchun ishlab chiqilgan dasturiy majmuadan Ustyurt geofizika ekspedisiyasida tasvir ko‘rinishidagi foydali geologik va geofizik ma’lumotlarni qayta ishlash uchun foydalanilgan (O‘zbekiston Respublikasi davlat geologiya va mineral resurslar qo‘mitasi “O‘zbekgeofizika” AJning 2022 yil 1 iyundagi 01-894-son ma’lumotnomasi). Ilmiy natijalarning qo‘llanilishi seysmik ma’lumotlarni qayta ishlash va ulardan foydali ma’lumotlarni ajratib olish imkonini bergan;
integral geometriyaning siniq chiziqlar va parabolalar oilasi masalalariga oid nazariy natijalardan “Nostatsionar chegaraviy masallarni sonli echishning matematik savollari” mavzusidagi fundamental` loyihada nostatsionar chegaraviy masalalarni echishda foydalanilgan (Qoraqalpoq davlat universitetining 2022 yil 3 iyundagi 01-22-04/263-son ma’lumotnomasi). Ilmiy natijalarning qo‘llanilishi nostatsionar chegaraviy masalalar echimlarining yagonaligi va turg‘unligini isbotlash imkonini bergan.