Muminov Ulugbek Bobomurodovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Yuklangan hadli nochiziqli defokuslangan Shredinger tenglamasini cheksiz zonali davriy funksiyalar sinfida integrallash», 01.01.02 – Differensial tenglamalar va matematik fizika.
Dissertatsiya mavzusi ro‘yxatga olingan raqam: B2022.2.PhD/FM709.
Ilmiy rahbar: Xasanov Aknazar Bekdurdievich, fizika-matematika fanlari doktori, professor.
Dissertatsiya bajarilgan muassasa nomi: Samarqand davlat universiteti.
IK faoliyat ko‘rsatayotgan muassasa nomi, IK raqami: Samarqand davlat universiteti,  DSs.03/30.12.2019.FM.02.01.
Rasmiy opponentlar: Begmatov Akram Xasanovich, fizika-matematika fanlari doktori, professor; Babajanov Bazar Atajanovich, fizika-matematika fanlari doktori.
Yetakchi tashkilot: O‘zR FA V.I. Romanovskiy nomidagi Matematika instituti Buxoro bo‘linmasi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi yuklangan va qo‘shimcha hadli nochiziqli defokuslangan Shredinger tenglamasini cheksiz zonali davriy funksiyalar sinfida integrallashdan iborat.
III. Tadqiqotning ilmiy yangiligi:
davriy koeffisientli Dirak operatori lakunalari uzunliklari uchun olingan asimptotikalardan foydalanib, nochiziqli defokuslangan Shredinger tenglamasi uchun qo‘yilgan Koshi masalasining echimi mavjudligi va yagonaligi haqidagi teorema to‘rt marta uzluksiz differensiallanuvchi cheksiz zonali davriy funksiyalar sinfida isbotlangan;
davriy koeffisientli Dirak operatori lakunalari uzunliklari uchun olingan asimptotikalardan foydalanib, qo‘shimcha hadlarga ega nochiziqli defokuslangan Shredinger tenglamasi uchun qo‘yilgan Koshi masalasining echimi mavjudligi va yagonaligi haqidagi teorema to‘rt marta uzluksiz differensiallanuvchi cheksiz zonali davriy funksiyalar sinfida isbotlangan;
davriy koeffisientli Dirak operatoriga qo‘yilgan teskari spektral masala usuli yordamida qo‘shimcha va yuklangan hadlarga ega nochiziqli defokuslangan Shredinger tenglamalarining integrallanuvchanligi ko‘rsatilgan;
davriy koeffisientli Dirak operatori lakunalari uzunliklari uchun olingan asimptotikalardan foydalanib, yuklangan hadlarga ega nochiziqli defokuslangan Shredinger tenglamasi uchun qo‘yilgan Koshi masalasining echimi mavjudligi va yagonaligi haqidagi teorema to‘rt marta uzluksiz differensiallanuvchi cheksiz zonali davriy funksiyalar sinfida isbotlangan.
IV. Tadqiqot natijalarining joriy qilinishi. Nochiziqli defokuslangan Shredinger tenglamasiga qo‘yilgan Koshi masalasini echishda qo‘llanilgan teskari spektral masalalar usuliga oid natijalar asosida:
nochiziqli Shredinger tenglamasiga ko‘yilgan Koshi masalasini echishda qo‘llanilgan teskari spektral masala usulidan OT-F4-64 raqamli (2017-2020yy.) “Birjinslimas g‘ovak muhitlarda suyuqlik sizishi va moddalar ko‘chishi gidrodinamik modellarini tuzish va sonli tadqiq etish” mavzusidagi fundamental loyihada g‘ovak muhitlarda cho‘kma hosil qilib suspenziyalar sizishining takomillashtirilgan kinetika tenglamalari koeffisientlarini aniqlashning teskari nokorrekt masalalarini echishda foydalanilgan (Samarqand davlat universitetining 2022 yil 23 iyundagi ma’lumotnomasi) Ilmiy natijalarning qo‘llanishi suspenziyalar sizishining takomillashtirilgan kinetika tenglamalari koeffisientlarini topish imkonini bergan; 
yuklangan hadlarga ega nochiziqli defokuslangan Shredinger tenglamasini cheksiz zonali davriy funksiyalar sinfida integrallashda qo‘llanilgan usulidan OT-F4-30 raqamli (2017-2020yy.) “Ikki marta nochiziqli kross sistemaning konvektiv ko‘chish, o‘zgaruvchan zichlik, manba yoki yutish ta’siridagi sifat xossalarini tadqiq qilish” mavzusidagi grantda konvektiv ko‘chish, manba yoki yutish ta’siridagi kross-diffuziya sistemalari avtomodel echimlarini tadqiq qilishda foydalanilgan (Mirzo Ulug‘bek nomidagi O‘zbekiston Milliy universitetining 2022 yil 28 iyundagi 04/11-3820 - sonli ma’lumotnomasi). Ilmiy natijalarning qo‘llanishi konvektiv ko‘chishga ega kross sistemaning kompakt yurituvchili va cheksizlikda so‘nuvchi avtomodel` echimlari asimptotikalarini tadqiq etish imkonini bergan.