Фозилов Лазизжон Одилжон ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Янги дефолиант ва десикантларнинг ғўза навларидаги самарадорлиги”, 06.01.08−Ўсимликшунослик (қишлоқ хўжалиги фанлари).
Диссертация мавзуси рўйхатга олинган рақам: В2019.3.PhD/Qx460.
Илмий раҳбар: Тешаев Фатулло Жўрақулович, қишлоқ хўжалиги фанлари доктори, профессор.
Диссертация бажарилган муассаса номи: Пахта селекцияси, уруғчилиги ва етиштириш агротехнологиялари илмий-тадқиқот институти.
ИК фаолият кўрсатаётган муассаса номи, ИК рақами: Пахта селекцияси, уруғчилиги ва етиштириш агротехнологиялари илмий-тадқиқот институти, DSc.05/30.12.2019.Qx.42.01.
Расмий оппонентлар: Остонақулов Тоштемир Эшимович, қишлоқ хўжалиги фанлари доктори, профессор; Абдурахмонов Хусниддин Эшмаматович, қишлоқ хўжалиги фанлари номзоди, катта илмий ходим.
Етакчи ташкилот: Тошент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Тошкент вилоятининг суғориладиган типик бўз тупроқлари шароитида ўрта толали С-6524 ва Бухоро-10 ғўза навларида кўсаклар очилишини тезлаштириш, пахта йиғим-теримини қисқа муддатларда якунлаш, юқори пахта ҳосилини етиштиришда ДЕФ, Калцийдеф дефолиантлари ва Агро-Диквот, Дикошанс десикантларини самарадорлигини аниқлаш ва мақбул қўллаш меъёрларини ишлаб чиқишдан иборат.
III. Тадқиқотнинг илмий янгилиги:
илк бор, Тошкент вилоятининг суғориладиган типик бўз тупроқлари шароитида етиштирилган С-6524 ва Бухоро-10 ғўза навларида янги яратилган ДЕФ, Калцийдеф дефолиантлари ҳамда Агро-Диквот, Дикошанс десикантларининг самарадорлиги аниқланган;
янги дефолиантларнинг таъсир этиш самарадорлиги ғўза навларининг морфобиологик хусусиятларига боғлиқ эканлиги аниқланиб, Бухоро-10 навида ДЕФ дефолиантини 0,250 л/га, Калцийдефни 7,0 л/га меъёрда, С-6524 навида эса ҳар иккала дефолиант меъёрларини 15-20% гача камайтириб қўллаш ишлаб чиқилган;
кузги совуқ кунлар эрта бошланиб, ҳаво ҳарорати пасайиб (13-170 С), кўсаклар очилиши кечиккан йилларда Агро-Диквот десикантини 3,0 л/га ёки Дикошанс десикантини 2,0-2,5 л/га меъёрларда қўллаб десикация ўтказиш, дефолиацияга нисбатан самарали эканлиги исботланган; 
дефолиант ва десикантларни қўллаш орқали ҳосилни эртаки ва бир теримда йиғиштириб олиш мумкинлиги, пахта толаси ва чигит сифати пасаймаслиги ҳамда рентабеллик 6-7% ортиши аниқланган.
IV. Тадқиқот натижаларининг жорий қилиниши.
Тошкент вилоятининг суғориладиган типик бўз тупроқлари шароитида ўрта толали С-6524 ва Бухоро-10 ғўза навларида янги дефолиант ва десикантларни қўллаш бўйича олиб борилган изланишлар натижалари асосида: 
«Ғўза дефолиациясини сифатли ўтказиш» бўйича тавсиянома тасдиқланган (Қишлоқ хўжалиги вазирлигининг 2021 йил 6 октябрдаги 02/025-4045-сон маълумотномаси). Ушбу тавсиянома пахта етиштирувчи фермер хўжаликлари ва агрокластерлар учун қўлланма сифатида хизмат қилмоқда;
Тошкент вилоятининг Ўрта Чирчиқ тумани «Бектемир Агро Нур» фермер хўжалигида ДЕФ ва Калцийдеф дефолиантлари 80 гектар майдонда жорий этилган (Қишлоқ хўжалиги вазирлигининг 2021 йил 6 октябрдаги 02/025-4045-сон маълумотномаси). Бунинг натижасида барглар тўкилиши 84,2-85,1%, кўсаклар очилиши 81,2-83,2%, биринчи терим салмоғи 84,3-85,6% ни ташкил этиб, 1,6-1,8 ц/га қўшимча пахта ҳосили олинган ва рентабеллик 7-9 % га ортган;
Тошкент вилояти Қуйичирчиқ тумани ТСТ Агрокластерида Агро-Диквот ва Дикошанс десикантлари билан десикация ўтказиш 120 гектар майдонда жорий этилган (Қишлоқ хўжалиги вазирлигининг 2021 йил 6 октябрдаги 02/025-4045-сон маълумотномаси). Натижада, ғўза барглари тўкилиши 72,6-75,4%, кўсаклар очилиши 94,6-95,1%, пахта ҳосили 34,4-35,1 ц/га ни ташкил этиб, ҳосилни бир теримда йиғиштириб олишга эришилган.